كشف السيناريست تامر حبيب تفاصيل حياته الشخصية، وعلاقته بوالديه الراحلين، وغيرها من الأمور خلال برنامج على المسرح، والتي تقدمه الإعلامية منى عبد الوهاب.
 

ويقدم الفجر الفني لكل متابعيه أبرز تصريحات تامر حبيب ببرنامج على المسرح، حيث قال تامر:"أنا وربنا صحاب وبناخد وندي كتير، ودعاء الاستخارة أنا بقوله 150 مرة في اليوم".


تامر حبيب:" أنا بحب نفسي حب غلط"

 

وأضاف:" لو رجع بيا الزمن هحقق أمنية أني أبقى أب، وعندي خوف طول الوقت من أني أعمل بني آدم وأكون مسئول عنه وأن شخصيته هتتكون في أول 4 سنين،  أنا بحب نفسي حب غلط، وبقيت أقعد مع نفسي وأفهم نفسي". 

 

تامر حبيب:"موت أمي هي قمة المأساة في حياتي"
 

وتابع:" أنا بكره الإزدواجية الرهيبة في المجتمع، والناس بقت قاسية جدًا ومش واخدين بالهم أن في ناس ممكن تموت من كلمة،  موت أمي هي قمة المأساة في حياتي". 

 

وقال:"  من فترة عملت عمرة لنفسي ونمت وعملت عمرة لأمي، وصليت قدام الكعبة وكنت محظوظ جدًا لأن الدنيا كانت زحمة، ووقعت عند الحجر الأسود وشوفت الموت".
 

 

وأكد:" أنا كنت طول عمري تخين جدًا وأبويا كان عايزني أخس علشان صحتي، وكان بيقولي متخليش شكلك زي الشوال كده، وجابلي عربية وركنها في الجراج وقالي مش هتركبها غير لما تخس، ولومه عليا كان عاملي عقدة".

 

وأوضح:" كان عندي دايمًا إحساس داخلي أن أبويا من نوع البني آدمين اللي مبيعرفش يبين مشاعره، وده نوع نشفق عليه".



 

وواصل:" أنا فهمت أبويا بعد ما مات من الوصية اللي كتبها، وهو كان متأكد أنه هيموت وتوفى وفاة أي حد يتمناها توفى وهو في الحج، وأنا وقتها حصلي لغبطة في دماغي، وكنت بقول مش المفروض الراجل ده شرير؟ وكنت بتسأل هو بيحبني ولا لأ".


تامر حبيب:" أبويا كان متأكد أنه هيسافر الحج ومش راجع "

 

واستكمل:" أبويا كان متأكد أنه هيسافر الحج ومش راجع، وهو كان كاتب جواب ميتفتحش إلا بعد وفاته، وفتحته ولقيت الإجابة على كل أسئلتي، ده واحد بيعشقني عشق، ولم كل أرصدة البنوك وحطها في حساب واحد وسابلي شيك علشان متعبش في التدوير على التركات والورث".


تامر حبيب:"المخرجة إيناس الدغيدي نيتها كانت خير "

 

واختتم:" أمي هي ديني ومعبدي ولو أنا وصلت لأي حاجة في الدنيا فأنا مدين بيها لأمي،المخرجة إيناس الدغيدي نيتها كانت خير، وإتأزمت من كلامها واتهزيت من الهجوم بتاع الناس".

 

المصدر: بوابة الفجر

كلمات دلالية: تامر حبيب إيناس الدغيدي الإعلامية منى عبد الوهاب قناة الحياة الفجر الفني تامر حبیب

إقرأ أيضاً:

الكويت تشكر العراق قبل 3 أيام على مواجهة الأسود بتصفيات المونديال

الكويت تشكر العراق قبل 3 أيام على مواجهة الأسود بتصفيات المونديال

مقالات مشابهة

  • خالد الجندي: القرآن بشارة للمؤمنين وحِجر على المجرمين
  • وزيرة الصحة السابقة: تعرضت لمحنة كبيرة وابتلاءً صعبًا خرجت منه قوية وتعلمت خلاله الكلام مع ربنا
  • هدى الإتربي لحسن عسيري: إحساسي بيقولي أضربك بس أنت قد أبويا .. فيديو
  • مصطفى بكري: تصريحات نتنياهو كانت تنذر بعودة العدوان على غزة وهو ما تحقق
  • الأم المثالية بالغربية: تحديت الصعاب بعد وفاة زوجي وربنا عوضني بأولادي الدكاترة
  • الأم المثالية بالقليوبية: مررت بصعاب كثيرة في حياتي وربنا أكرمني بأولادي
  • الحجر الزراعي المصري يشارك في أعمال الدورة الـ19 لهيئة تدابير الصحة النباتية
  • الحجر الزراعي يشارك في أعمال الدورة الـ19 لهيئة تدابير الصحة النباتية بروما
  • الكويت تشكر العراق قبل 3 أيام على مواجهة الأسود بتصفيات المونديال
  • أفضل اللجوء لطبيب نفسي لمواجهة الضغوط.. وهذه هي رسائل بابا جيه لتربية الأبناء.. أهم تصريحات الفنان أكرم حسني