لمياء الأمير: «بعتز بـ عادل إمام ولو رجع بيا الزمن مش هدخل الوسط الفني»
تاريخ النشر: 13th, March 2024 GMT
تحدثت الفنانة لمياء الأمير، عن علاقتها بالزعيم عادل إمام، وسبب غيابها 8 سنوات عن الوسط الفني، موضحة أنها اختارت الحياة الأسرية على الفن.
وقالت لمياء الأمير في لقائها مع الإعلامية إنجي هشام، في برنامج "المنسي"، المذاع عبر شاشة قناة "هي": «أنا بعتز بـ عادل إمام بشكل غير طبيعي، بيعامل في اللوكيشن أي حد زي أكبر حد ومفيش عنده نجوم، يا رب يدي له الصحة والعافية».
وتابعت لمياء الأمير: «غيبت 8 سنين عن الوسط الفني علشان بنتي من أول ما كان عندها سنتين كانت محتاجاني، وقولت مش هشتغل لغاية ما بنتي تشد حيلها، ومكنش عندي أمل إني أرجع ولا نية، وقولت خلاص حياتي ولكن بنتي كبرت وانفصلت أنا وجوزي بس إحنا صحاب لغاية دلوقتي، وبعدين رجعت تاني للفن مع المخرجة إنعام محمد علي في نونة الشعنونة، وبعدين مسلسل أم كلثوم».
وأضافت: «أنا نفسي أخد حقي في مساحتي للتمثيل وأظهر إمكانياتي للناس، ولو رجع بيا الزمن مش هدخل الفن لأنه وسط مرهق صحيًا وعصبيًا، وقولت مش هوقف بنتي قدام كاميرا أبدًا، وأنا ضد أن اتنين يبقوا متجوزين من الوسط، بيبقى في غيرة وتحطيم، ومكنش ينفع إني أتجوز من الوسط».
المصدر: البوابة نيوز
كلمات دلالية: عادل إمام لمياء الأمير
إقرأ أيضاً:
آمال رمزي تكشف حقيقة خلافها مع الزعيم عادل إمام.. فيديو
أكدت الفنانة القديرة آمال رمزي، على أنه لم يحدث خلاف بينها وبين الزعيم عادل إمام بسبب فيلم «البيه البواب»، مشيرة إلى أن ما تم تداوله في هذا الشأن شائعات ليس لها أساس من الصحة.
وأوضحت آمال رمزي، في لقاء خاص مع الإعلامية نهال طايل في برنامج تفاصيل، المذاع على قناة صدى البلد 2، قائلة: «أنا مزعلتش من عدولة، هو كان مرشح لبطولة فيلم البيه البواب، وبعدين قالوا نجيب أحمد زكي عشان أسمر وهيبقى مناسب أكثر للدور، ونجوزه مهجة عبد الرحمن وكانت في المعهد وقتها، وده يبقى واقعي أكثر».
وتابعت آمال رمزي قائلة: «أحمد زكي جالي ومعه الأستاذ حلمي سالم كان والد زوجة أخويا وكان صديقه جدًا، وكان معاه السيناريو وقالي أنتي مترشحة تبقى مراتي، بس أنا فكر إنك تعملي صديقة صفية العمري، وأنا هجيب زوجة شبهي في البشرة، قولتله تمام».
وأضافت آمال رمزي، قائلة: «بعدها قابلت عادل إمام في فيلم البعض يذهب إلى المأذون مرتين، قالي لسة زعلانة يا آمولة؟، قولت له لأ يا عدولة، وهو إنسان شهم جدًا ومهذب ومايطلعش لفظ وحش منه».
تحذير من كريدية.. هذا ما قاله