اختلاس بالملايين.. ننشر أقوال مالك شركة العبد للأجهزة الكهربائية
تاريخ النشر: 12th, March 2024 GMT
أحال المحامي العام الأول لنيابة الجيزة الكلية، مندوب مبيعات بشركة العبد للأجهزة الكهربائية لاتهامه باختلاس أموال الشركة واستمعت النيابة الى أقوال مالك الشركة.
نص أقوال مالك الشركة:
س: ما هي كيفية ادائك لمبلغ 2.2 مليون جنيه بالزيادة عن المديونية واجبة الأداء عليك في الشركة في غضون عامي ۲۰۲۱ ، ۲۰۲۲ ؟
ج: أنا أصلا المفروض معليش مديونية زي ما هما بيقولوا، أنا ليا عندهم ٣,٨٣٤,٢٠٠ مليون جنيه، عبارة عن ١,٥٧٤,٤٨٦ مليون جنيه اللي بيقول إني مديون بيهم بالإضافة لمبلغ
۲,۲۵۹,۷۱ مليون جنيه يعني اجمالي ٣,٨٣٤,۲۰۰ مليون جنيه.
س: هل من المعتاد أداء أي مبالغ تحت حساب تعاملاتك من الشركة ؟
ج: لا ، انا طريقة شغلي معاهم إني شغال بنظام الائتمان يعني مثلا باخد منهم بضاعة بمليون جنيه و ابيعها و اديهم فلوسها بعد ما ابيع و هكذا لكن مش بسيب فلوس تحت الحساب.
س وما هو تحديدا المبلغ الذي قام المتهم ماهر محمد توفيق حلاوة بالاستيلاء عليه منك ؟
ج: ٣,٨٣٤,٢٠٠ مليون جنيه.
س: وما هي كيفية استيلائه عليه؟
ج: عن طريق ايداعات البنوك و ايصالات ، يعني مثلا بديله مليون جنية يوردها يديني إيصال مزور یورد ۸۰۰ ألف وياخد ۲۰۰ ألف لنفسه، وهكذا بالنسبة لايداعات البنك يعني مثلا بحط فلوس في البنك في حساب شركة العبد و بعد كدة بديلة صورة إيصال الإيداع و المفروض يبعته للشركة لكن هو كان بيحصل كاش من ناس تانية برة تجار ويروح للشركة يقول إنه إيصال.
س: هل من المفترض سداد المديونية اول بأول اثناء عملك بنظام الائتمان المتعامل به مع شركة العبد ؟
ج: لا ساعات كان بيبقى السوق وحش فبنعدي فترة الشهرين المسموح بيها فبترحل المديونيات ورا بعضها.
س: ومن اين اتي فارق المبلغ المدعى استحقاقه لك ٣,٨٣٤,٢۰۰ مليون جنيه إذن؟
ج/ دي فروق تحصيل المبالغ اللي كنت بودعها في البنك و ايصالات استلام النقدية اللي كان بستلمها واحد اسمه ماهر والمفروض يوردها للشركة ، فكان بيسدد جزء منها وليكن اللي حصل في يوم
۲۰٢٢/١٠/١٤ استلم ۱,۱۹۰,۰۰۰ مليون جنيه تم توريده في حساب الشركة مليون جنية فقط
س: بناء على اقوالك يكون المبلغ الذي قام المتهم باختلاسة هو لصالح الشركة وليس لصالحك؟
ج: لا لان انا مؤخرا مبقتش شغال بنظام الائتمان كنت بتعامل عن طريق اني بدفع الفلوس الأول وبعدين اخد بضاعة ، فكنت مثلا زي ما قولت اللي حصل في يوم ۲۰۲۲/۱۰/۱٤ استلم ماهر مبلغ ۱,۱۹۰,۰۰۰ مليون جنيه وورد في حساب الشركة مليون جنيه فقط و جابولي بضاعه ب
۸۱۰ آلاف جنيه، لحد ما راجعت حساباتي و اكتشفت إني ليا عندهم مبلغ ٣,٨٣٤,٢٠٠ مليون جنيه.
س: وما الذي دعاك لاستلام بضاعة اقل من قيمتها حينها إذن؟
ج: كان بيقولي ان مفيش بضاعة و انه هيبقى يجيبها بعدين.
س: ما قولك فيما هو ثابت بتقرير الكسب الغير المشروع من ان اجمالي ما نسب للمتهم ماهر محمد توفيق حلاوة اختلاسه اخذا بالايصالات المسلمة منه في التحقيقات ۷,۷۱۹,۷۰۰ مليون
جنية في حين انك ادعيت ان ما استولى عليه المتهم هو مبلغ ٣,٨٣٤,٢۰۰ مليون جنيه؟
ج: أنا معرفش هما حسبوها ازاي بس انا اللي ليا بناء على حسابات شركتي هو مبلغ
٣,٨٣٤,٢٠٠ مليون جنيه لكن بقيت المبلغ دا مش بتاعي.
س: منذ متى بدأت العمل مع شركة العبد بنظام السداد المقدم؟
ج: من عام ۲۰۲۱.
س: وما سندك في ذلك؟
ج: فواتير المشتريات اللي مقدماها شركة العبد لما روحنا الكسب الغير مشروع هما مقدمنها بنفسهم.
المصدر: صدى البلد
كلمات دلالية: الجيزة المحامي العام نيابة الجيزة الكلية نيابة الجيزة مندوب مبيعات مالك شركة شرکة العبد
إقرأ أيضاً:
اشتركوا فى تجارة الأسلحة والذخائر.. التحقيق مع 3 متهمين بغسل 87 مليون جنيه
تباشر جهات التحقيق المختصة، التحقيقات مع متهمين بغسل قرابة 87 مليون جنيه حصيلة أعمال غير مشروعة أبرزها الاتجار في الأسلحة النارية والذخائر بدون ترخيص، خلف أنشطة مشروعة وعدة مجالات لإخفاء مصادر الحصول عليها.
وكشفت المعلومات أن المتهمين استخدموا الأنشطة الإجرامية فى مجال الاتجار بالأسلحة النارية والذخائر، لتحقيق الربح غير المشروع وغسل الأموال، وتربحا وجمعوا مبالغ مالية كبيرة من جراء ذلك، وغسلوا تلك الأموال حصيلة أنشطتهم الإجرامية المشار إليها.
وتبين أن المتهمين استخدموا عدة أساليب لإخفاء أنشطتهم غير المشروعة من بينها شراء أراضي زراعية – عقارات - سيارات - شركات – مكاتب سيارات – مطاعم وكافتريات، وأجروا العديد من الإيداعات النقدية وبشيكات بمبالغ كبيرة وبصفة متكررة، دون وضوح العلاقة، حيث قدرت تلك الممتلكات بحوالي 87 مليون جنيه.
وألقي القبض علي 3 متهمين بممارسة نشاط إجرامي تخصص في الاتجار بالأسلحة النارية والذخائر بدون ترخيص وتربحهم وجمعهم مبالغ مالية كبيرة ومحاولتهم غسل تلك الأموال المتحصلة من نشاطهما الإجرامي عن طريق قيامهم (بتأسيس الأنشطة التجارية وشراء العقارات والأراضي والسيارات)، فضلاً عن إيداع جزء منها بالبنوك بقصد إخفاء مصدرها وإصباغها بالصبغة الشرعية وإظهارها وكأنها ناتجة عن كيانات مشروعة، حيث قدرت تلك الممتلكات بمبلغ (87 مليون جنيه تقريباً)، تم اتخاذ الإجراءات القانونية، وتولت النيابة العامة التحقيق.
مشاركة
محافظ بني سويف يؤدي صلاة عيد الفطر الميارك بساحة مسجد عمر بن عبدالعزيز