بعد أن اقتربت حرب السودان من إكمال العام الأول، ما هي خيارات قائد الجيش السوداني في ونحن في شهر رمضان المبارك .. شهر بداية الحرب.
من الواضح أن التركيز على الحسم العسكري هو السائد لدى القيادة العليا للمعركة، والدليل كم الإعداد والتجهيز الذي بدأ يظهر، واصطفاف مئات الآلاف من المقاتلين بجانب القوات المسلحة، وكذلك مشاركة حركات الكفاح المسلح وخاصة قوات عقار وجبريل وتمبور سيكون لها تأثير فاعل في تغيير المشهد على الأرض.
لا خيارات أمام البرهان في رمضان سوى مواصلة الحسم في معركة الكرامة، ولا اعتقد بأنه سيأبه لمحاولات التزييف والضغط الدولي على السودان لعمل هدنة مفخخة خلال الشهر الكريم.
البرهان في رمضان عندو ثأر منذ عام، ففي هذا الشهر حاول متمردي الدعم السريع بقيادة حميدتي اقتحام بيته في القيادة العامة ومحاولة التخلص منه أو أسره، وهو ما لم تنجح فيه المليشيا المتمردة.
البرهان في رمضان ما عندو غير يكون نار وشرار وبل بس.
محمد هارون
المصدر: موقع النيلين
كلمات دلالية: البرهان فی رمضان
إقرأ أيضاً:
الناس كان بتقول معارك الخرطوم صعبة عشان البنايات العالية
الناس كان بتقول معارك الخرطوم صعبة عشان البنايات العالية
وفعلا المعارك كانت في الخرطوم صعبة جدا
يعني بتذكر ناس المدرعات عشان يحررو عمارة واحدة بس است..شهدوا فيها خمسة تقبلهم الله عزوجل قبولا حسنا
لكن قدر ما كانت صعبة برضو كانت فيها حماية لجنودنا من المسيرات و التدوين
ونوعا ما بتخليك ما مكشوف للعدو
يالا تعال لمعارك دارفور دي الهي في أرض مفتوحة
و دائما الفريق البجي أرض المعركة أول بكون عندو امتيازات ما بلقاها الفريق البجي بعده
كلنا عارفين في غزوة بدر كان من أكبر اسباب تفوق المسلمين انهم وصلوا أرض المعركة بدر قبل العدو وقدرو يعرفو منابع الماء وتعرفوا على طبيعة الأرض
الآن الاستراتيجية دي بقت عند الميليشيا
هي استحوذت على غالب أراضي دارفور و صحاريها
معناهو الجيش حيجيها في مناطقها الاستحوذت عليها هي
الميزة دي خلت الميليشيا تتمركز تماما في موضوع الدفاع الجوي وتقدر تصعب على سلاح الجو شغلو
خاصة انو الدويلة أمدت الميليشيا بمنظومات دفاع جوي متقدمة ومتطورة و أجهزة تشويش عالمية وبعيدة المدى
كذلك أدتها ميزة التعرف التام على الأرض و على المداخل والمخارج
يعني عادي تحصل كمائن للقوات هماك
كذلك أدتها ميزة إغلاق تلك الأراضي وتحصينها بالمسيرات
خاصة العدو الآن عندو مسيرات استراتيجية بعيدة المدى
مع منظومة أقمار صناعية عالمية متطورة تكشف لهم كل صغير وكبير
دي كلها حاجات الناس بتغفل عنها وقايله المعركة دي لعب وكلام ساهل
عشان كده أي زول بنظر للجيش ده أنا بشتبك معاه وما عندي ليهو شيء أيا كانة
ونحن ما قاعدين نقاتل الميليشيا بس بنقاتل دول متجمعة مع بعضها البعض مدعومة دعما غير محدود ودي آخر ما بقي للعدو عشان كده حيبذل كل ما عندو وأعني هنا الميليشيا وأعوانها عشان ما يخسرو تاني
الجيش شغال وعارف قاعد يعمل شنو وواثق من تخطيطه و خطتو واستراتيجتو مستصحبا في ذلك توفيق المولى عزوجل
الجيش حريص على انو ينضف كردفان ويأمنها تماما عشان منها يكون الدرب سالك لدارفور
وبرضو لن تكون معارك سهلة
الناس تكتر الدعوات و الشغل الإعلامي وتدعم جيشها ودولتها
وتحارب المرجفين و المخذلين و الكذابين و المرتزقة عليهم من الله ما يستحقون
مصطفى ميرغني
مكافحة المخدرات تقيم معرضًا توعويًّا بأضرار ومخاطر المخدرات والسموم والمؤثرات العقلية بالكلية التقنية