السيسي للمصريين: احنا مش فسدة خدنا أموالكم وضيعناها (شاهد)
تاريخ النشر: 10th, March 2024 GMT
ألقى رئيس النظام المصري عبد الفتاح السيسي باللوم على عدد من الأزمات الخارجية التي تسببت في تدهور الاقتصاد المصري وتدني سعر صرف العملة.
وقال السيسي في احتفالية يوم الشهيد: "نواجه تحديات منذ حرب 1967، و1973، والحرب التي استغرقت 10 سنوات لمواجهة الإرهاب والفكر المنحرف والمتطرف الذي استباح دمنا واستباح مستقبلنا.
وأضاف رئيس النظام المصري: "الأمور ابتدت بفضل الله تتحسن، وأقول الكلام دا عشان أسجل موقفي لكم كلكم، أنا ما غامرتش بيكم، ما أخدتش قرار أضيع بيه مصر ولا الحكومة، إحنا ما غامرناش لا عشان خاطر هوى أو فهم خاطئ أو تقدير منقوص.. مخدناش قرارًا فدخلناكم في الحيط وضيعنا مصر.. لا، وكمان إحنا لسنا فسدة خدنا أموالكم وضيعناها بفساد أو بدلع، لا ما حصلش، إن كنا عملنا حاجة، فكل حاجة اتعملت على أرض مصر".
وأشار السيسي إلى حكمه وتوليه المسؤولية: "يعني ما قلتش لكم أبدًا أنا لها أنا لها وأخلصكم.. لا، هاتوا كل كلامي من الأول أثناء الترشح هتلاقوا الكلام لا يتغير لأن التوصيف ما بيتغيرش، دي ظروف حلها الوحيد كما قلت قبل كدة 100 مرة العمل والصبر معا، نشتغل ونصبر".
وتابع السيسي بأن "الظروف الصعبة اللي إحنا فيها دي مش إحنا اللي عملناها بمغامرة.. إحنا نتحمل ونعمل على قد ما نقدر مع الحفاظ على أمن بلدنا، في الاتجاه الجنوبي (السودان) بنحاول نكون عامل استقرار وعامل سلام، وما بنشعلش أبدا حرائق، وكذلك في الاتجاه الثاني (غزة)".
وتحدث السيسي عن "إسقاط المساعدات على غزة جوًا وليس عبر المعابر، فقال مش قلت لكم إن معبر (رفح) مفتوح 24 ساعة وأي حجم من المساعدات تدخل بأي حجم طالما المعابر مفتوحة، رغم تشكيك البعض بأن المعبر يُغلق، وأنا قلت لكم إن المعبر رفح لا يغلق"، وتساءل: "طاب هما بيرموا المساعدات جوا ليه؟"، وأجاب: "عشان الشمال بعيد ولا عشان فيه تحديات في دخول المساعدات من المعابر الأخرى؟".
وتحدث السيسي عن تهريب أموال إلى الخارج قائلا: "يقال إن فيه 12 مليار دولار خرجوا من مصر عشان المسؤولين في الدولة أخذوهم"، لكنه أكد قائلا: "لا ما حصلش، لا ما حصلش، وما يحصلش بإذن الله، لأن كل جهدنا وكل إمكانياتنا كانت جوة البلد دي".
واستدرك: "أنا والله العظيم أنا بأحلف بالله أنا ما لقيت بلد أنا ما لقيتش بلد، أنا لقيت أي حاجة وقالوا لي: خد دي.. إحنا إمكانياتنا مش كتير أوي إحنا حاليا على 10 أو 12% من مساحة مصر وكانت 6% والباقي صحراء، قاعدين نجري جوا بعضنا في الـ6% من أسوان للإسكندرية، لما البلد بقت صعبة علينا في كل حاجة، كان ممكن ما نمشيش في المسار دا، ويبقى هو دا الوضع، أو نتحرك بفاعلية وقوة ويمكن أن نعاني، وأنا كنت قاعد مرة مع الزملاء، قلت لهم: أنا عملتها خلاص، خليت فيه بلد قادرة على إنها تبقى بلد وتنطلق بعد كدة، آه بنعاني كلنا، بس تبقى بلد".
وأردف السيسي متحدثا عن توقيت تعويم الجنيه مؤخرًا ولماذا تأخر القرار قائلا: "كنت بأتكلم عن موضوع التعويم منذ حوالي 10 أشهر، وقلت إني هأقف أمام ذلك لأنه بيمس الأمن القومي المصري، لأنه كان تقديرنا الاقتصادي وقتها إن إحنا ما نقدرش نعمل دا إلا لما يكون عندنا رقم معتبر من الأموال نقدر ننظم بيها السوق دا، أرقام ضخمة جدا 80 أو 90 مليار دولار، لكن النهاردة أقول إن لدينا ما بين 45 و50 مليار دولار من اتفاق رأس الحكمة والاتفاق مع الصندوق النقد الدولي والاتحاد الأوروبي وغيرها، لما يبقى معايا الرقم دا أقدر أعمل سعرا مرنا للجنيه طبقا للطب، يبقى أقدر أنجح".
المصدر: عربي21
كلمات دلالية: سياسة اقتصاد رياضة مقالات صحافة أفكار عالم الفن تكنولوجيا صحة تفاعلي سياسة اقتصاد رياضة مقالات صحافة أفكار عالم الفن تكنولوجيا صحة تفاعلي سياسة مقابلات سياسة دولية المصري السيسي غزة التعويم مصر السيسي غزة الدولار التعويم المزيد في سياسة سياسة سياسة سياسة سياسة سياسة سياسة سياسة سياسة سياسة سياسة سياسة سياسة سياسة سياسة سياسة سياسة اقتصاد رياضة صحافة أفكار عالم الفن تكنولوجيا صحة
إقرأ أيضاً:
كريم فهمي يعلق على ظهوره في مسلسل إش إش .. فيديو
أكّد الفنان كريم فهمي أنه لا يشغل باله كثيرًا بفكرة البطولة أو حجم الدور بقدر ما يهتم بجودة العمل ومدى اقتناعه بالدور، مؤكدًا أن "الحب الحقيقي للمهنة" هو المحرّك الأساسي له في اختيار أعماله الفنية.
وقال خلال لقائه مع الإعلامية لميس الحديدي في برنامج "كلمة أخيرة" على قناة ON: "أنا سهل جدًا ممكن أكون بطل في مسلسل، وأطلع ضيف شرف في مسلسل تاني... لو دور صغير عجبني ومعنديش أي مشكلة، المهم أحافظ على قيمتي الفنية والأدبية".
وعن ظهوره كضيف شرف في مسلسل "إش إش" رغم تصدره البطولة في "وتقابل حبيب"، أوضح كريم: "الموضوع بدأ باتصال من المخرج محمد سامي، قالّي عايزك معايا ضيف شرف.. قولتله على طول: حاضر يا سمسم. أنا معنديش حسابات البطولة والنجم الأول.. أنا بشتغل علشان بحب الشغلانة مش علشان شهرة وخلاص".
وحول سر الارتباط الكبير من الجمهور بشخصية "فارس أبو العزم"، تساءلت لميس الحديدي إن كان السبب هو افتقاد الناس للرومانسية أو النموذج الشجاع المخلص، ليرد كريم: "النجاح رزق وتوفيق من عند ربنا، مش دايمًا المجهود بيكفي.. ممكن تشتغل وتتعب وتقدّم أحسن حاجة وربنا ما يكتبش النجاح.. أنا مش بعرف أفرح أوي بنجاحاتي.. دايمًا بقول الحمد لله، وربنا اللي بيوفق".
وعن سعيه للبطولة المطلقة، علّق كريم بمنتهى الصراحة:"مش لازم أبقى الاسم الأول، ومش بقول كده علشان مش مهم.. لأ، بس لو حسبتها كده مش هنجح، لأن النجاح بالنسبالي مش مربوط بالتصنيف، هو مربوط بالراحة الداخلية والشغف اللي بيخليني أشتغل".
واختتم حديثه قائلاً: "مايهمنيش أكون غسم أول ومش معنى كده أنها مش مهمة بس لو حسبتها بالطريقة دي مش هنجح لاني عارف نفسي أنا مش بكتب فيلم غير وأنا مبسوط.. مش بعمل حاجة غير لو حسّيت إني عايز أعملها. وبحبها دي مش بس شغلانة، دي حاجة بحبها".