كتب- محمد أبو بكر:

أحمد جمال زكي، ابن قرية الجندية بمجلس قروى أبو جرج بمحافظة المنيا، عمره 22 عاماً، حاصل على دبلوم، والتحق بالتمريض لمدة عامَين، وكانت الخدمة العسكرية الخاصة به في سيناء؛ حيث موضع استشهاده.

أجرى "مصراوي" حوارًا مع والدة الشهيد، كشفت خلاله عن حياة نجلها ومواقفه ولحظة تلقيها نبأ استشهاده،وكيف كان حنينًا عليها، حسب قولها، وأقرب أولادها إليها، فأسراره كلها كانت معها، ودائمًا كان يحكي لها عن كل شؤون حياته.

وإلى نص الحوار:
بدايةً، كيف تصفين نجلك الشهيد أحمد جمال زكي؟
كان متواضعًا جدًّا، وأخلاقه مفيش زيها، ودائمًا بيبوس إيدي ورأسي في كل مرة قبل ما يمشي، ونصيبنا كده الحمد لله، وهو كان بيتمنى الشهادة وبيقولها لزمايله دائمًا، والمكان ده ما كانش خايف منه أبدًا، وكان قلبه جامد، والكل كان بيحبه.
وأحمد كان له أخ عنده 18 سنة، و٣ بنات، وكانت علاقته بهم قوية، ودائمًا هو وإخوته مع بعض.

ماذا عن علاقته بأصدقائه؟
أصحابه في الجيش كانوا دائمًا بيحكوا لي إنه كان بيديهم الملابس الخاصة به يلبسوها، ولما زارو البيت عندنا بعد وفاته عيّطوا عليه وما تحملوش استشهاده، وزميل تاني قال لما كنا بنحتاج فلوس كان بيدينا، وكانوا بياكلوا ويشربوا مع بعض، وكانت علاقته قريبة من كل الناس.
أحمد كان بيحكي لي إنه علاقته حلوة بكل زمايله في الجيش، وكان فرحان أوي في المكان اللي كان فيه في الأول قبل ما يتنقل؛ لأنه اتعود عليهم.

أين كانت خدمته العسكرية؟
الجيش بتاعه كان في سيناء على الحدود، وبعدين اتنقل إلى ساحل 6.

كيف استُشهد أحمد؟
لحظة استشهاده كان في الخدمة، والإخوان دخلوا عليهم وضربوهم؛ حتى استشهدوا، وأحمد ما كانش خايف منهم، وهو اللي بادر بالضرب وقتل 3، وزمايله كانوا بيحكوا إن أحمد كان شجاعًا وما كانش خايف من ضرب النار.

حدِّثينا عن آخر مكالمة قبل وفاته.
أحمد ما كانش بيحكي لي إن في ناس بتستشهد جنبه، ويخاف يقول لي عشان ما أتعبش، وأنا كنت باخاف عليه زيادة عن اللزوم، وإجازته كانت بعد رمضان، وهو مشي قبل الإجازة ما تخلص بأسبوع؛ بسبب استشهاد أحد زملائه وما رجعش تاني.
وآخر مكالمة كانت قبل ما يموت بـ5 أيام، كان فيه كمين جنبه اتضرب وخُفت عليه وقلت له ربنا يحفظكم وفضلت أدعي له.

كيف تلقيتي خبرَ استشهاده؟
الناس كانت عارفة استشهاده من الصبح من شيخ البلد؛ بس أنا ما عرفتش غير المغرب، وبعدها نضفوا البلد وركبوا الكهرباء لحَد المقابر، ولما سمعت الخبر بقيت أقول لهم أحمد مافيهوش حاجة، أحمد كويس، وربنا بعدها ألهمني الصبر، ووجع فراقه عمره ما بيروح ودائمًا جوايا.
والبلد كرَّمته، وتم تسمية إحدى المدارس التابعة لإدارة بني مزار التعليمية على اسم ابني.

المصدر: مصراوي

كلمات دلالية: رمضان 2024 كأس مصر طالبة العريش مسلسلات رمضان 2024 رأس الحكمة سعر الفائدة أسعار الذهب سعر الدولار الطقس فانتازي طوفان الأقصى الحرب في السودان محافظة المنيا الخدمة العسكرية طوفان الأقصى المزيد ودائم ا کان فی

إقرأ أيضاً:

رسالة مؤثرة من ملك زاهر لشقيقتها ليلى بعد زواجها.. ماذا قالت؟

شاركت الفنانة الشابة ملك زاهر، رسالة مؤثرة لشقيقتها ليلى زاهر، بعد زواجها من المنتج هشام جمال، في حفل زفاف لاق رواجا كبيرا على الساحة الفنية.

وكتبت ملك عبر حسابها الشخصي على إنستجرام: “محدش فيهم عاش اللي أنا وإنتي عشناه، من أول ضحكة وإحنا أطفال لحد لحظة كتب كتابك كل لحظة في الفيديو ده هو عمر كامل بينا، هو حب، و أمان، وضحك، و مشاركة، علاقتي أنا وإنتي مش شبه أي حد”.

وتابعت: “مش مصدقة إن الوقت جري كده كنّا لسه صغيرين، وبنتخانق على اللبس، وبنستخبى من ماما، وفجأة لقيتك لابسة فستانك الأبيض، أحلى عروسة شافتها عيني”.

وأضافت ملك: “أنا بحبك أوي، حب مفيهوش شروط ولا حسابات، مع إن الفرق بيننا مش كبير، أقل من سنة بس طول عمري حاسة إنك بنتي مش أختي.. امبارح… بنتي الي كانت بتتجوز مش اختي، وأنا الفرحة مش سيعاني، بس في نفس الوقت وحشتيني قوي من دلوقتي، إنتي مش بس أختي حبيبتي… إنتي أحلى حاجة حصلتلي في حياتي. وهفضل دايمًا أقرب واحدة ليكي، أحنّ حضن، وسند من غير كلام”.

واختتمت: “ربنا يسعدك يا روحي… ويخليكي دايمًا قلبك مرتاح مع عريسك الي ربنا يحفظهولك و يفضل يسعدك العمر كله وانا دايمًا جنبك… في كل خطوة بحبك يا عروستي الحلوة، اللهم احفظ أختي وزوجها من كل سوء، وبارك لهما في حياتهما، واصرف عنهما الحسد والشر، وأدم عليهما السكينة والمودة”.

View this post on Instagram

A post shared by Malak Zaher ملك زاهر (@malak.ahmed.zaherr)

واحتفل الثنائي الفني ليلى أحمد زاهر والمنتج هشام جمال بزفافهما مساء الأربعاء في حفل استثنائي أُقيم عند هرم سقارة الأثري، وسط أجواء ساحرة تحمل طابع الحضارة الفرعونية، بحضور نخبة من نجوم الفن والإعلام والمجتمع.

إضاءة هرم سقارة

وشهد حفل الزفاف إنارة هرم سقارة باللون الأحمر لظهوره بشكل متناسق، يأتي هذا الحفل بعد أيام من احتفال الثنائي بعقد قرانهما في 14 أبريل الجاري، في أجواء عائلية مميزة شهدت حضور عدد من المقربين منهم رئيس النادي الأهلي محمود الخطيب.

بكاء أحمد زاهر

بينما خطف الفنان أحمد زاهر الأنظار بلحظة بكائه تأثرًا بزواج ابنته، وهو المقطع الذي انتشر بشكل واسع على مواقع التواصل الاجتماعي، وتصدر محركات البحث خلال الايام الماضية.

طباعة شارك ليلى زاهر ملك زاهر أحمد زاهر المنتج هشام جمال حفل زفاف

مقالات مشابهة

  • مصطفى كامل يكشف سبب غيابه عن حفل زفاف ليلي زاهر وهشام جمال
  • بابا المحبة والسلام.. كيف وطد البابا فرانسيس علاقته مع كنائس العالم؟
  • رسالة مؤثرة من ملك زاهر لشقيقتها ليلى بعد زواجها.. ماذا قالت؟
  • الموضوع بقى عند معايا.. تركي آل الشيخ يثير الجدل بهذا المنشور
  • أول تعليق من ليلى زاهر على حفل زفافها
  • «بنحب نشتغل مع بعض».. احمد حاتم يتحدث عن علاقته بـ هنا الزاهد
  • العروسة بوظت الميك أب .. كواليس زفاف ليلى أحمد زاهر وهشام جمال
  • شاهد.. أول صور من حفل زفاف ليلى زاهر وهشام جمال
  • شاهد .. ليلى أحمد زاهر وهشام جمال في حفل الزفاف على سفح الأهرامات
  • الجماز: كلها 10 أيام والتقرير النهائي بيبط القربه