الرئيس السيسي: ورونا والحرب الروسية وحرب غزة تحدي كبير لينا كمصريين ولمنطقتنا

أكدالرئيس عبد الفتاح السيسي في كلمته خلال الندوة التثقيفية بمناسبة الاحتفال بيوم الشهيد، أن مصر جابهت فكرا منحرفا استباح مستقبلنا.

وتطرق الرئيس عبد الفتاح السيسي للأزمة الاقتصادية، خلال احتفالية يوم الشهيد، قائلا: «الأزمة الكبيرة اللى إحنا عشناها بقالنا أكتر من 4 سنين، كورونا والحرب الروسية ثم غزة في شهرها الخامس، تهديد وتحدي كبير لينا كمصريين ولمنطقتنا، وبقول كده علشان الظروف اللى فاتت، والضغط اللى اتحمله المصريين خلال 4 سنين، وزاد في السنة الأخيرة والأسعار زادت أكتر بقول الكلام ده علشان أطيب الخواطر أو كلام بقوله للناس في مصر علشان يستحملوا أكثر أو يبذلوا جهد أكبر أو علشان يخلوا بالهم من بلدهم أكثر؟».

وأضاف الرئيس السيسي: «هو كل حاجة 106 ملايين وعدد كبير 9 مليون ضيف موجودين معانا هنا، وزى ما انتوا شوفتوا في منطقتنا حوالينا من كل حتة، وبحاول ما اقولش كلام يزعل أى دولة، تحديات ومشاكل ليها آثار وتأثير علينا وإحنا دولة مقوماتها مش كتير، بس بفكركم أن 10 سنين قتال ليهم تكلفة وقبل منهم 2011 ليها تكلفة وبعد منهم 2013 ليها تكلفة، التكلفة دى ماحدش لوحده يقدر يشيلها لا أنا لوحدى ولا الحكومة لوحدها لكن نقدر كلنا، بفهمنا ما حدش يعتبر نفسه بعيد ويوجه لنا الكلام».

يوم الشهيد

وتحتفل القوات المسلحة المصرية يوم 9 مارس من كل عام بيوم الشهيد، وذلك تخليدا لأرواح الشهداء والتذكير بالتضحيات التى قدموها في سبيل الحفاظ على الوطن.

يذكر أن يوم 9 مارس 1969، هو اليوم الذي استشهد فيه الفريق أول عبد المنعم رياض، بعد أن ضرب أروع مثال على التضحية والفدائية، بعد أن تواجد فى خط المواجهة وكان دائما في الصفوف الأمامية تأكيداً على تلاحم القائد مع جنوده في الميدان.

المصدر: الأسبوع