الرئيس السيسي يكرم أسر الشهداء خلال الندوة التثقيفية بمناسبة يوم الشهيد

يوم الشهيد.. كرم الرئيس عبد الفتاح السيسي، أسر شهداء الوطن، وذلك خلال فعاليات الندوة التثقيفية الـ39 للقوات المسلحة تحت عنوان «ويبقى الأثر» بمناسبة الاحتفال بيوم الشهيد.

الرئيس السيسى يكرم أسر الشهداء

العقيد أركان حرب خالد احمد علاء الدين، واسم البطل حازم إبراهيم عبد القادر، وتحدثت أرملة البطل حازم إبراهيم خلال الاحتفالية قائلة: «سيادة الرئيس انا هنا لسببين الأول هو حازم والتاني هو آدم، أنا لسه ناقلة مكان جديد، بيتي قدام الجامع أول لما عزلنا، آدم كان نازل علشان يصلى الجمعة بصيت عليه وهو داخل الجامع عيط غصب عنى علشان هو نازل لوحده كان نفسي باباه يكون معاه، وبعدها بشهرين آدم بقا ليه أصحاب».

الرئيس السيسى يكرم أسر الشهداء

وتابعت: «مرة كان واقف قدام الجامع أصحابه راحوا يسلموا على باباهم وآدم راح يسلم عليهم غصب عنى عيطت وبصيت لربنا مش اعتراض بس أنا أم ابني صعب عليا وفى بالي قلت إن شاء الله فى جمعة الشهيد هكلم دفعته يجوا يصلوا معاه ويتكلموا جوه الجامع علشان حازم يبقا مبسوط، بعدها بأسبوع ربنا قالي متزعليش وقالولي إن سيادة الرئيس هيكرم أدم وبدل لما يكلموا عن حازم جوه الجامع مصر كلها هتشوف».

الرئيس السيسى يكرم أسر الشهداء

أضافت: «أنا طلبي بس إن كل واحد يراعي ربنا في البلد دي ويعرف ان فيه ناس كتير ضحت علشان خاطرها وهما ماشين على الأرض فيه دم كتير تحت وفيه ناس كتير عايشة بس حياتهم مش كاملة فرحتهم ناقصة».

أسماء الشهداء الذين تم تكرميهم خلال الندوة التثقيفية بمناسبة يوم الشهيد

- اسم الشهيد البطل مقدم محمد عبد الإله صالح.

- اسم الشهيد البطل رائد عبد السلام محمد حمادة.

- اسم الشهيد البطل رائد وائل محمد كمال.

- اسم الشهيد نقيب احتياط محمود محمد احمد على النجدي.

- اسم الشهيد نقيب احمد عبد الله رزق.

- اسم الشهيد البطل نقيب محمد هانئ محمد سعد لاشين.

- اسم الشهيد البطل رقيب أسامة فراج محمد أحمد.

- اسم الشهيد البطل رقيب أسامة فراج محمد.

- اسم الشهيد البطل رقيب عادل أحمد رمضان.

- اسم الشهيد البطل جندي مينا مجدي فانوس.

يوم الشهيد

وتحتفل القوات المسلحة المصرية يوم 9 مارس من كل عام بيوم الشهيد، وذلك تخليدا لأرواح الشهداء والتذكير بالتضحيات التى قاموا بها في سبيل الحفاظ على الوطن.

جاء اختيار يوم 9 مارس من كل عام مع ذكرى استشهاد الفريق أول عبد المنعم رياض 1969 والذي ضرب أروع مثال على التواجد فى خط المواجهة فكان دائما في الصفوف الأمامية تأكيداً على تلاحم القائد مع جنوده في الميدان.

اقرأ أيضاً«الأرض لا تنسى دم الفرسان».. العميد ياسر وهبة يلقي قصيدة عن الشهداء

«مصر ما بتنساش شهيد».. أغنية جديدة لـ تامر عاشور باحتفالية يوم الشهيد

عبد الله حسن وأميرة البيلي يقدمان قصيدتين للشهداء بمناسبة يوم الشهيد

المصدر: الأسبوع