مصطفى حسني في احتفالية «ويبقى الأثر»: مصر وصية الأنبياء والعلماء
تاريخ النشر: 9th, March 2024 GMT
قال الداعية الإسلامي مصطفى حسني "إحنا يا أهل مصر يبقى الأثر في إيدينا أمانة.. بلد هي وصية الأنبياء والعلماء، قالو إن الجهاد هو بذل المجهود لتحقيق المقصود، وشهدائنا ومصابينا بذلوا المجهود وتحقق المقصود، وهو (ادخلو مصر إن شاء الله آمنين)، والدور علينا في السطر اللي قاله العلماء علشان يقولو لينا مكان جهادنا، قالو (مقامك حيث أقامك)، وده معناه إن كل مكان ربنا حطك فيه هو محراب العبادة للجهاد".
في الندوة التثقيفية الـ39
وأضاف مصطفى حسني، خلال بفعاليات الندوة التثقيفية الـ39 للقوات المسلحة تحت عنوان «ويبقى الأثر» بمناسبة الاحتفال بيوم الشهيد، بحضور الرئيس عبدالفتاح السيسي، "أيها الموظف والعامل، شد حيلك وحلل لقمة عيشك واجتهد، وقبل ما تبص على الكاميرا بتاع المصنع اللي بتراقبك، خلي قلبك يشهد ربك صاحب الأمر، واللي بيقول وهم معكم أينما كنتم"
رسالة مصطفى حسني للسيدات
وتابع مصطفى حسني: "ربات البيوت اللي بيتفانوا في تربية عيالهم علشان تفرغي جوزك لكفاحه في ميدان العمل، بس افتكري تربيه على الشخصية المتزنة اللي متعلقة بعبادة الله وإصلاح الأخلاق وعمارة الأرض، وهنيئًا لست البيت اللي بتربي العيال، ولكنها احتاجت تنزل لميدان العمل وتشتغل مع جوزها علشان تكفي تكاليف الحياة، والرسول بشرك بالأجر المضاعف يوم ما قال إن كل مليم بتصرفيه على بيتك ليه أجران، أجر الصدقة وأجر صلة الرحم".
واستكمل: "إن شاء الله بشهدائنا ومصابينا وكل عامل في البلد دي وكل ست كريمة سيبقى الأثر وطن آمن ومستقر فيه أكثر من 100 مليون بيسعوا على رزقهم آمنين مطمئنين".
المصدر: بوابة الفجر
كلمات دلالية: الداعية مصطفى حسني مصطفى حسنى الندوة التثقيفية الـ39 للقوات المسلحة مصطفى حسنی
إقرأ أيضاً:
"33 سنة ستر وكرم ومحبة".. نشوى مصطفى تنعي زوجها برسالة مؤثرة
تابع أحدث الأخبار عبر تطبيق
وجهت الفنانة نشوى مصطفى رسالة مؤثرة، إلى زوجها الراحل عبر حسابها الرسمي بموقع “فيس بوك”.
نشوى مصطفى توجه رسالة مؤثرة إلى زوجها الراحلبدأت نشوى رسالتها قائلة: “سترتني ربنا يسترك.. أكرمتني ربنا يكرمك.. سيبت لي أجمل هدية ولادنا ربنا يهاديك بالفردوس الأعلى، 33 سنة ستر وكرم ومحبة ومودة ورحمة، علمتني إزاي أكون من المتصدقين، علمتني إزاي أكون دايما في معية الله، علمتني إزاي تكون عزة النفس، علمتني إزاي اتسامح حتى مع اللي أذاني، علمتني إزاي أتوكل على الله في كل شئوني، علمتني إزاي أكرم ضيفي”.
وتابعت: “علمتني معنى التواضع مع عباد الله الضعفاء، يانبيل الأخلاق يا ابن الأصل العالي، نسيت تعلمنى ازاي أقدر أعيش من غير وجودك، 33 سنة مبعدناش عن بعض لحظة، 33 سنة ذكريات وحياة بحلوها ومرها، 33 سنة كنت خير زوج وخير أب، 33 سنة أكرمتني وسترتني وجبرت خاطري وربيت عيالنا احسن تربية”.
وأضافت: “ليه يا عماد سبتني لوحدي كده، ما استاهلش منك تسيبني لوحدي ده أنا مبعرفش أعمل حاجة في الدنيا، أنت اللي كنت بتعمل لنا كل حاجة، أنت اللي سندتني في كل ظروف حياتي الصعبة، في شدتي وفي مرضي شيلتني وطبطبت عليا”.
واختتمت رسالتها: “ياه على غلاوتك ياعشرة عمري، ياه على غلاوتك يا أبويا وأخويا وحبيبى وجوزي وابني، باموت ياعماد، باموت وأنت مش قدام عيني، حاكمل إزاي يارب من غيره، ادعو له بالرحمة وادعولى بالصبر وادعو لولادى بالصبر والثبات”.
إيطاليا تعتمد اتفاقية مع ليبيا لتبادل السجناء