بعد بتر قدمه| أحد مصابي القوات المسلحة: "كانت البداية.. والشهيد الحي"

روى الرائد علي الزيني، من قوات مكافحة الإرهاب في شمال سيناء، تفاصيل إصابته أثناء مشاركته في إحدى المداهمات على الجماعات الإرهابية، مشيرا إلى أنه أصيب أكثر من مرة وفي كل مرة كان يعود أقوى من قبل.

يوم الشهيد

وقال الزيني، خلال الندوة التثقيفية الـ39 للقوات المسلحة احتفالا بيوم الشهيد المذاعة عبر فضائية "إكسترا نيوز"، اليوم السبت، “كان معايا الشهيد العميد عبدالمحسن اتعلمنا منه كتير، اتعلمنا منه معنى القوة والصبر والفداء، وكان دايما يقولي إحنا الأول وبعدين أنتوا يا علي”.

وتابع البطل،: “في آخر مرة اتصبت بطلقة قناصة دخلت من رجلي الشمال وخرجت من رجلي اليمين أدت لبتر في رجلي الشمال وعجز بنسبة 80% في رجلي اليمين، لكن دي مكانتش النهاية كانت البداية، اتعلمت رياضة التجديف والمؤسسة العسكرية مسابتنيش ولا وزير الشباب والرياضة، والحمد لله جبت أول عرب وأول إفريقيا والأسبوع اللي فات جبت رابع عالم”.

في حضور السيسي| مصطفى حسني يدعو لمصر: "إذا كان حصل فراق في الدنيا اللمة هتكون كبيرة في الجنة" السيسي لـ زوجة أحد مصابي القوات المسلحة: "تعالي اقفي جمبه لو سمحتي"

وأوضح: "زي ما طهرنا شمال سيناء من الإرهاب ورفعنا العلم فيها إن شاء الله أرفع العلم في أولمبياد باريس 2024، ولكل شيء تمن، والتمن هما الشهداء اللي أولادهم معانا النهارده، اللي ضحوا بروحهم لأجل ترابك يا مصر وفي غيرهم مستعد يضحي بروحه عشان علم مصر يفضل عالي في السماء وبقول لأولادي خليكوا فخورين وقولوا دايما إحنا ولاد الشهيد لأن الشهيد حي".
 

المصدر: بوابة الفجر