في عيد ميلاد سميحة أيوب.. سر تلقيبها بـ سيدة المسرح العربي

يصادف مثل هذا اليوم عيد ميلاد سيدة المسرح الفنانة القديرة سميحة أيوب، التي اختارت الفن طريق لها، فسميحة أيوب تاريخ يؤرخ وصفحات مضيئة في المجال الفني، ووصفها الفيلسوف الفرنسي جان بول سارتر بإليكترا مصر بعد أن شاهدها تقدم إحدى مسرحياته على المسرح.

 

ويبرز الفجر الفني في هذا التقرير سبب تلقيب الفنانة سميحة أيوب بـ سيدة المسرح العربي

 

 

قصة تلقيبها بـ سيدة المسرح العربي

 

حصلت الفنانة سميحة أيوب عام 1983 على وسام الاستحقاق من الرئيس السورى حافظ الأسد حتى أنه أطلق عليها لقب سيدة المسرحالعربى الذى يطلق عليها حتى الآن وقال في كلمة وجهها لها (أعمالك كلها تنويرية وانت رمز للفنان المثقف فأنت سيدة المسرح العربى).

 

علاقة سميحة أيوب بـ أم كلثوم

كشفت سميحة أيوب في أحد اللقاءات  عن تفاصيل مشاركتها في تمثيلية رابعة العدوية بالإذاعة، فقالت: أثناء تسجيل تمثيلية رابعة العدويةكنت أنا تمثيل وأم كلثوم غناء، وكان في حد قبلي أم كلثوم معجبهاش صوتها، فقالت في بت طالعة جديد اسمها سميحة أيوب هاتوها،فأستاذ عثمان أباظة المخرج ندهني قالي سميحة أنتي هتسجلي رابعة قولتله ما اتسجلت قالي لا انتي هتسجليها، قولتله اتسجلت يا أستاذقالي ماهي أم كلثوم سمعت ومعجبهاش قولتله لا أنا مقدرش اعملها قالي ليه، قولتله الست العظيمة دي عملتها ازاي أنا أعملها ازاي أنااعملها بعدها، قالي لا يا سميحة دي فرصة قولتله لا وأنا كنت طالعة لسه جديد، وأيامها كان مدير الإذاعة حماد بيه.

 

وتابعت: قالهم طلعولي البت دي عايز اشوفها ودخلت عليه قالي أنتي بقى سميحة أيوب قولتله اه، قالي مش عايزة تمثلي ليه قولتله لأن فيسيدة محترمة عملت الدور ومقصرتش قالي بس انتي هتعمليه قولتله لا يا فندم قالي يبقى مش هتخشي الإذاعة قولتله ولو  بلاش الإذاعة،ونزلت وبعد 5 أيام وهما قاعدين يكلموني هي كلمتني الممثلة اللي لعبت الدور قالتلي يا سميحة أعملي الدور قالتلي أنا بحب الدور وأنتي لومعملتهوش هجيبوا أي حد يعمله فعشان خاطري اعمليه قولتلها حاضر وكلمت استاذ عثمان أباظة قولتله أنا هشتغل.

واردفت: أم كلثوم أصرت تحضر التسجيل وأيامها التكيف باظ في الاستديو ونار فهي كانت بتقف بكباية العصير اللمون على باب الاستديوعشان تديني اخد، ومن هنا بدأت الصداقة بينا، وكل يوم جمعة كان في محل في أخر شارع الهرم اسمه خريستو كنا بنتغدى فيه سوا، وهيبتحب تسمع مسلسلاتي.

المصدر: بوابة الفجر