بحضور كامل العدد من مختلف الجنسيات.. تامر حسني يتألق بـ "وايت بارتي" عالمي في بونتاكانا بالبحر الكاريبي
تاريخ النشر: 7th, March 2024 GMT
أحيا النجم تامر حسني أضخم "وايت بارتي" عالمي في مدينة بونتاكانا التابعة لجمهورية الدومينكان بمنطقة البحر الكاريبي للأمريكتين.
حضر تامر حسني بصحبة تامر يحيى مدير عام شركته ومنسق حفلاته بمصر والعالم وكان في استقبالهما فادي أبو عاصي بلومار وتامر عبد المنعم.
أغنية “حبيتها يا ناس”
وصعد تامر على خشبة المسرح مرددًا أغنية "حبيتها يا ناس" وسط هتافات وصيحات الإعجاب للجمهور الذي غلب عليه الجانب النسائي بعدها حرص تامر على توجيه تحية للحضور من مختلف الجنسيات العربية والأجنبية لحفاوة الإستقبال.
وأشعل تامر وصلات الرقص المتتالية بعدد من أغانيه الاستعراضية المميزة التي تألق بها طوال مشواره الفني منها "مبطلناش إحساس"، "كل مرة"، "حلو المكان"، "يانا يا مفيش"، "ارجعلي”، "قسمة ونصيب".. بالإضافة إلى معظم اغاني ألبومه الأخير "عشأنجي" منها " خدنا مناعة"، "أحلى كلام"،" مابجيش بالطريقه دي"، "زي الأيام دي"، "سجل يا تاريخ"، " سواحنا"،" ليه طله".. ممكن قدمها تلبية لرغبات المعجبين.
تامر حسني يعبر عن سعادته بنجاح حفل" بونتكانا"
وعقب النجاح الكبير للحفل أعرب تامر حسني عن سعادته الشديدة لنجاح حفله في بونتكانا، وذلك عبر خاصية الاستورى بحسابه على "انستجرام" وعلق قائلًا: "حفلة بونتكانا بجد مفجأه كبيرة ليا مكنتش متوقع أن أغانينا واصلة بالشكل الرائع دة ولمعظم الجنسيات في العالم".
وتابع حسني: "أنا تقريبًا غنيت ساعتين والحمد لله أغانيا كانت بتتردد كلها وكأني في بلد عربي والحقيقة أنا كنت خايف من الحفله دي بس بس قولت هروح عشان أعرف حقيقي نتيجة المجهود اللي بذلته خلال السنين بقا فين من العالم".
واختتم تعليقه قائلًا: "بجد فرحت من قلبي شكرا للجماهير اللي سافرت من أماكن كتير في العالم هي بتبقا فرحة شخصيه لمجهود سنين وفرحة عامه لكوني فنان مصري عربي حقيقي محبتكم ليا هونت عليا مجهود وتعب وسفر 42 ساعه رايح جاي".
المصدر: بوابة الفجر
كلمات دلالية: النجم تامر حسني مختلف الجنسيات تامر حسني تامر حسنی
إقرأ أيضاً:
أنا مش شيخ .. تامر حسني: صلاتي سبب وصولي لحلمي
نشر الفنان تامر حسني، عبر ستوري حسابه الرسمي بتطبيق انستجرام، منشورا مطولا يحث جمهوره على الصلاة.
وقال تامر حسني، في منشوره: «والله والله اللي بيقوله صح أنا مش شيخ ولا عامل بنصح أنا بتكلم عن حاجات مريت بيها في حياتي و كانت من أسباب وصولي لحلمي إتمسك بالصلاه أيا كنت بتعمل إيه و اوعى تقول ربنا مش هيقبل صلاتي و اوعى تصدق اللي يقولك كده إوعى تحكم إنت على ربنا وتشك في رحمته إنه مش هيقبل لا لااااااا دا غلط كبير ربنا أكرم و أرحم من ما تتخيل و مهما أي غلط بتعمله مسير صلاتك تخليك تقلل أخطاء و واحده واحده لحد ما تبقى في المسار السليم اللي برضو هيكون فيه أخطاء ولكن أقل و يتبعها إستغفار و تصدق و توبه».
وتابع تامر حسني: «حتى لو رجعت تاني لنفس الأخطاء و رجعت عاشر و مليون إرجع تاني و مليون لربنا وأطلب منه العفو و المغفرة المهم تخليه قدام عينك طول حياتك».
وأضاف تامر حسني: «خلوا بالكوا في أفكار بتسوق العالم ناحية إن الشخص المتدين أو الملتزم أو اللي محافظ على صلاته إنه يتكسف يقول ده قدام الناس لإن ممكن أصحابه يضايقوه بالكلام بما إن الجانب الشيطاني بقى قوي أوي في العصر ده بس إحنا لازم نقاوم النوع ده من الفكر ونفتخر إننا بنصلي و بنركع لواحد بس و هو الله سبحانه و تعالى و مهما علا شأننا و مهما عملنا ذنوب بنركع برضو و بنتوب و نستغفر ونشكره على كل حال و نطلب منه اللي بنحلم بيه ونثق إنه هيرزقنا إذا كان بيرزق الجنين في بطن أمه و النمله في جحرها و الطيور في السما».
أغاني تامر حسني
يذكر أن تامر حسني ورامي صبري طرحا أغنيتهما "فعلا مبيتنسيش" على طريقة الفيديو كليب عبر موقع يوتيوب،وهي من كلمات عمرو تيّام، ألحان شادي حسن، توزيع طارق توكل، إخراج تامر حسني.
رحيل صادم لرياضي مصري واتحاد اللعبة يعلن وقف النشاط