«كنا عايزين نصوره».. ننشر اعترافات المتهمين بقتل اللواء اليمني تزامنًا مع محاكمتهم

قتل اللواء اليمني.. ينشر «الأسبوع» اعترافات المتهمين بـ قتل اللواء اليمني الجنسية داخل شقته في الجيزة، تزامنًا مع جلسة محاكمتهم أمام الدائرة 13 المنعقدة بمحكمة جنوب القاهرة «زينهم».

اعترافات المتهمين بقتل اللواء اليمني

أدلت المتهمة الرئيسية في القضية باعترافات تفصيلية، قائلة: «أنا كنت شغالة بتعرف على الرجالة عشان أعمل معاهم علاقات جنسية بفلوس، واتعرفت على رمضان محمد في الشغلانة اللي بشتغلها دي وحبينا بعض واتفقنا أننا نتجوز، وفعلا اتجوزنا عرفي وفضلنا قاعدين في الفيوم عنده في بيته حوالي شهرين، وبعد كده قررنا نرجع على القاهرة وأنا عرفته على أهلي وهو قالهم إن احنا اتجوزنا عرفي وبعد كدة رمضان أجر لنا شقة في إمبابة، وفضلنا قاعدين فيها حوالي 4 شهور والدنيا بدأت تزنق معانا فأنا اقترحت على رمضان إن أرجع أنزل أشتغل تاني في شغلانتي مع الرجالة، نعمل مصلحة نمشي بيها حالنا».

وتابعت: «دخلنا شقة الراجل الخليجي قعدنا في الصالة كلنا وشغلنا أغاني، وهو كان حاطط إزازة شكلها فيها خمرة وبدأ يصبلنا وبعدها بحاجة بسيطة هو قام دخل أوضة النوم يجيب الشاحن من جوة فرحت مطلعة المنوم وأديته لسهير، وهي وضعت منه في الكوب اللي كان بيشرب منه، وبعدها الخليجي رجع فعلا وشربها كلها وفضلنا قاعدين معاه لغاية لما التلج خلص فقام يجيب تلج من المطبخ».

اللواء اليمني

وتابعت: «حطيت جرعة تانية من المنوم في المشروب بتاعه لحد لما بدأ الخليجي يدروخ، ونزلت فتحت باب العمارة لقيت رمضان وعبد الرحمن في وشي دخلوا على طول ورا بعض، ورحت سبقاهم على باب الأسانسير وركبوا معايا ورحنا طالعين شقة الراجل الخليجي، ويدوب أول لما حطيت المفتاح في باب الشقة وفتحت ودخلت أنا الأول راح رمضان دخل ورايا وعبد الرحمن فضل واقف على باب الشقة، فالراجل الخليجي شافنا، رحت شادة عبد الرحمن لجوة الشقة وقلت له خش ورحت قافلة الباب علينا بالمفتاح».

واعترفت إحدى المتهمات بـ قتل اللواء اليمني: «هما الاتنين فضلوا يمسكوا في الراجل ويحاولوا يكتفوه ويكتموا نفسه لما وصلوا للصالة وقعدوه على كرسي، ورمضان خنقه من رقبته بدراعه الشمال وركبته على الأرض وعبد الرحمن حاول يسيطر عليه لكنه دفعهم الاتنين، قام عبد الرحمن قلع الراجل الخليجي بنطلونه وبدأ يضرب الراجل بيه، فأنا قلت لهم صوروه علشان أنا عارفة إنهم بيخافوا من الصور والفضايح، والراجل حاول يقاوم لكنه ووقع على وشه».

قتل اللواء اليمني

وفي وقت سابق، نجحت أجهزة وزارة الداخلية في كشف ملابسات ما تبلغ لمديرية أمن الجيزة من أحد الأشخاص يمني الجنسية، بعثوره على جثة شقيقه داخل شقته وبعثرة محتوياتها حال تردده عليه لعدم تجاوبه معه منذ يومين سابقين.

المتهمين بقتل مسئول يمنى بالجيزة

وأسفرت التحريات وجمع المعلومات عن تحديد مرتكبي الواقعة وهم كل من: «رمضان محمد بليدي علي، سن 29، سائق، ومقيم بالمنيرة الغربية بالجيزة، سبق اتهامه في العديد من القضايا أبرزها «قتل، وسلاح بدون ترخيص، وسرقة، وإتلاف عمد» و «عبد الرحمن أشرف شحاتة مصطفى، وشهرته عبده عسلية، 19 سنة، خراط، ومقيم في الطوابق بالجيزة» و«إسراء صابر محمد عطية، وشهرتها دينا، 22 سنة، ربة منزل، ومقيمة بمنشأة ناصر بالقاهرة» و«سهير عبد الحليم محمد عبد الحليم، وشهرتها منة، 17 سنة، ربة منزل ومقيمة منشأة ناصر بالقاهرة».

وبتقنين الإجراءات، تم ضبطهم وبمواجهتهم اعترفوا بارتكابهم الحادث، وأقروا بسابقة تعرف اثنين منهم على المجني عليه واتفاقهما على سرقته بمساعدة الآخرين.

اقرأ أيضاًوصول أسرة المسؤول اليمني لحضور ثاني جلسات محاكمة المتهمين بقتله

ماذا حدث في مقتل اللواء اليمني بالجيزة؟.. اعترافات القتلة

المصدر: الأسبوع