بوابة الفجر:
2025-03-03@18:26:44 GMT

رمضان كريم: عروض خير زمان من 1 وحتى 15 مارس 2024

تاريخ النشر: 5th, March 2024 GMT

بمرور الأيام، يقترب شهر رمضان المبارك، الشهر الذي يعتبر فرصةً للتأمل والتقرب إلى الله، وفي ظل هذا الوقت المبارك، يفتتح موسم "عروض خير زمان" لهذا العام. إنَّ حلول شهر رمضان يأتي معه طقوسٌ خاصة وأجواءٌ روحانية، وهو أيضًا فرصة للتسوق والاستعداد لاستقبال الشهر الكريم بروح من السخاء والترتيب.

تعد فترة العروض والتخفيضات في الفترة ما بين 1 وحتى 15 مارس 2024 فرصة ذهبية للجميع لتجهيز بيوتهم وتحضيرها لاستقبال شهر الصيام.

ستكون هذه العروض فرصة للمتسوقين للاستفادة من تخفيضات كبيرة واقتناء مستلزمات الشهر الفضيل بأسعار مخفضة، مما يساهم في إدخال البهجة والراحة إلى قلوب الناس في هذا الوقت الخاص.

فلنستعد سويًا لهذا الشهر المميز، حيث تتناغم الروحانية مع حب العطاء والشراء، ولنكن جزءًا من تلك الفعاليات الرائعة التي تعزز الترابط والتضامن في مجتمعنا خلال هذا الشهر الكريم.

عروض خير زمان في شهر رمضانأجبان ومطهيات: جبن (رومي قديم / طبيعي كيري / موتزاريلا / براميلي ابيض بالفلفل / شيدر مستورد / قريش / ابيض ملح خيف / مثلثات / سبريد رومي وسادة وشيدر وبسطرمة / تتراباك) – لانشون – زبدة – مخللات. مجمدات: دجاج – بانيه – فاصوليا خضراء – بسلة وجزر – خضار مشكل – لحم مفروم – جولاش آلي – سمبوسك – بط.بقالة: مكرونة – ارز – زيت (عباد – ذرة – خليط) – ورق عنب معلب – فول – طحينة – صلصة – علب مخللات – كورن فليكس – تمر – عسل نحل – حليب – قهوة – نسكافيه -مياه – عصير – مشروبات غازية.منتجات عناية شخصية ومنظفات: شامبو – سائل غسيل أطباق – جل غسيل ملابس – صابون – سائل لليد – سبراي – معجون أسنان – ملمع اثاث – منظف أطباق – مسحوق غسيل – مناديل وجه.

المصدر: بوابة الفجر

كلمات دلالية: شهر رمضان 2024

إقرأ أيضاً:

بالمصرى أسئلة بديهية بمناسبة الشهر الكريم

تابع أحدث الأخبار عبر تطبيق

أسئلة بديهية بمناسبة حلول شهر رمضان المبارك بتخلينى أستغرب وأفكر ومحتاج نفكر مع بعض ونلاقى إجابات يقبلها المنطق والعقل.

لو مريض بمرض مزمن وماينفعش يبطل العلاج وربنا أعطاه رخصة الإفطار علشان صحته يقوم هو يزايد على ربنا ويقرر يصوم وبالتالى حياته تتعرض للخطر ويتعب أكتر ويدخل فى مشاكل صحية أكتر ويتعب ويجهد ويعذب كل اللى حواليه!.. هل ده صح؟

هل الصيام عن شرب الميه والأكل فقط ولا اللسان والألفاظ الخارجة والطباع السيئة والنم على خلق الله والكدب والسرقة وكل الموبيقات؟

هل طبيعى تبقى سفرة رمضان مليانة بكميات أكل مهولة وما لذ وطاب وكأننا  داخلين فى مجاعة والا مفروض يكون الأكل طبيعى  ولو زاد عليه يبقى صنف حادق وصنف حلو وكفى.. بدل التخمة والإهدار للمال والجهد ولنعمة ربنا اللى الناس بتعملها  طول الشهر بحجة إن ده شهر كريم؟

 إحنا ليه ربطنا رمضان بعادات عجيبة وكأن الصيام مش هاينفع من غيرها؟.. الستات بتنزل تشترى كافتان (قفطان) وتتسابق فى أشكاله وألوانه وتتباهى بأسعاره الخزعبلية علشان الخيم الرمضانية والسهرات والمنظرة الكدابة! والحلو بقى افتكاسات عجب العجاب كنافة بالمنجة وقطايف برجول السمان المخلى وكنافة بالسجق وكنافة بالنوتيلا وفاضل شوية ويعملوها بمحلول معالجة الجفاف والأسعار بقت برقم وجنبه أصفار كتير  والناس بتتمنظر بأنها بتهاديها أو بتتهادى بيها وكل مافتكس أكتر كل ماتدفع أكتر وأكتر.

حتى الفول ماتسابش فى حاله.. فاضل شويه ويضيفوا عليه موز باللبن  أو معجون أسنان ولو شيطانك وزك ورحت خيمة رمضانية تتسحر هايتقدملك حاجات عجب مالهاش لون ولا طعم وتلاقى نفسك بتدفع فاتورة برضه خزعبلية وتروح بيتك مقهور باكى شاكى وتنزل الفاتورة على الفيسبوك علشان تبقى ترند وكأنك مارحتش برجليك وكأن النداهة هى اللى ندهتك.

 أنا بالنسبالى رمضان مفترض يكون فيه إحساس أكبر بالمحتاجين  والفقراء والغلابة المحرومين طول السنة الموجودين بكثرة حوالينا فى القرى والنجوع والأحياء الشعبية وطبعاً الأقربون أولى.. لأن مافيش عيلة مافيهاش حد محتاج أو طبعاً أهالينا المنكوبين فى غزه اللى مش عارفين يلاقوها منين والا منين وربنا يعينهم وهما أولى بالفلوس اللى بنهدرها فى أكل نهايته وللأسف بتبقى فى سلات القمامة.

بالنسبالى رمضان هو شهر بتختبر فيه نفسك وتروضها على الصبر واحتمال الجوع والعطش وكمان عن عاداتك السيئة فعلاً وقولاً علشان تكمل بعده طول السنة مش مجرد شهر وخلاص.

بالنسبالى رمضان فيه روحانيات أكتر وتدريب  وتطهير للنفس أكتر.. وهو لمة الأحباب فى مكان واحد يتقاسموا اللقمة سوا ويتكلموا ويدفوا قلوب بعض.

أنا بحب فانوس رمضان المصرى القديم القزاز الملون أبو شمعة مش الفانوس الصينى أبو بطارية.. بحب رمضان البسيط والكنافة التقليدية بتاعت جدتى اللى لو كانت بتحب تجود فيها يادوب يتحط جواها شوية سودانى مجروش، والقطايف يادوب جواها زبيب وبشر جوز هند وقرفة. 

بالنسبالى رمضان هو كل البيوت فاتحة الراديو على صوت  الشيخ محمد رفعت والنقشبندى والراحل سيد مكاوى وبعدها "بلغنى أيها الملك السعيد" بصوت الراحلة زوزو نبيل وبعده كل البيوت بنشوف فوازير نيللى أو شريهان أو فطوطة ومسلسل حلو بنتابعه كلنا وكفى ولا كان فيه إعلانات فيها فواصل مسلسل مش العكس.. بالنسبالى رمضان مافيهوش برامج اللت والدخول فى الأعراض وأسرار البيوت  والفضايح علشان نسب المشاهدة.

ياترى إنتوا كمان رمضان بالنسبالكو زمان كان أحلى والا رمضان دلوقتى؟.. وكل سنه وأنتم طيبين.

مقالات مشابهة

  • بالمصرى أسئلة بديهية بمناسبة الشهر الكريم
  • حملة "رمضان في دبي" تنطلق نهاية الأسبوع الجاري مع مجموعة من التجارب المميزة التي تعكس قيم وجوهر الشهر الفضيل
  • برنامج ثقافي وفني عبر الوطن خلال الشهر الكريم
  • دعاء صلاة التراويح في رمضان.. احرص عليه في ليالي الشهر الكريم
  • رمضان كريم
  • نوادر رمضان.. كيف ظهر الشهر الكريم في التراث العربي؟
  • دبي تحتفل بشهر رمضان بالفعاليات والأنشطة النابضة بالحياة
  • رمضان 2025 .. دول تبدأ الشهر الكريم غدا| ما السبب ؟
  • الإيثار ورمضان: تجسيدُ العطاء والروح الطيبة
  • نيللي كريم تهنئ جمهورها بحلول شهر رمضان الكريم