«جوزي عارف».. متهمة بقضية مقتل اللواء العبيدي: أنا شغالة بصطاد الرجالة
تاريخ النشر: 3rd, March 2024 GMT
شهدت أولى جلسات محاكمة المتهمين بقتل اللواء حسن العبيدي المسئول اليمني، ظهور المتهمين داخل قاعة المحكمة وانهيارهم بالبكاء.
وقررت المحكمة تأجيل محاكمة المتهمين الـ5 لجلسة 6 مارس المقبل، وهم كل من «رمضان محمد بليدي علي، سن 29، سائق، ومقيم المنيرة الغربية بالجيزة، سبق اتهامه في العديد من القضايا أبرزها «قتل، وسلاح بدون ترخيص، وسرقة، وإتلاف عمد» و «عبد الرحمن أشرف شحاتة مصطفى، وشهرته عبده عسلية، سن 19، خراط، ومقيم الطوابق بالجيزة» و «إسراء صابر محمد عطية، وشهرتها دينا، سن 22، ربة منزل، ومقيمة منشأة ناصر بالقاهرة» و «سهير عبد الحليم محمد عبد الحليم، وشهرتها منة، سن 17، ربة منزل ومقيمة منشأة ناصر بالقاهرة».
حصل «الأسبوع» على اعترفات المتهمة الرئيسية في القضية والتي قالت خلال التحقيقات، «أنا كنت شغالة بتعرف على الرجالة عشان أعمل معاهم علاقات جنسية بفلوس واتعرفت على رمضان محمد في الشغلانة اللي بشتغلها دي وحبينا بعض واتفقنا إننا نتجوز وفعلا اتجوزنا عرفي وفضلنا قاعدين في الفيوم عنده في بيته حوالي شهرين»
وتابعت: وبعد كده قررنا نرجع على القاهرة وأنا عرفته على أهلي وهو قالهم إن إحنا اتجوزنا عرفي وبعد كده رمضان أجر لنا شقة في إمبابة وفضلنا قاعدين فيها حوالي 4 شهور وكان حالتنا المادية ماشية لأن هو كان شغال مع زوج أمي في فرش العربيات.
وأردفت المتهمة بارتكاب الجريمة: بعد كده الدنيا بدأت تزنق معانا فأنا اقترحت على رمضان إن أرجع أنزل أشتغل تاني في شغلانتي مع الرجالة نعمل مصلحة نمشي بيها حالنا عشان الفلوس كانت مزنقة معانا جامد لدرجة إن إحنا قعدنا 3 أيام مكناش بناكل، ورمضان وافق على موضوع شغلي ده واتفقنا إني هنزل لو لقيت أي زبون هركب معاه أقعد معاه في العربية شوية أو أروح معاه الشقة ورمضان هيديني منوم يكون معايا بحيث إني أكون سهيت الزبون وخدرته ويجي رمضان يسرق اللي معاه.
أكملت المتهمة: نزلت قبل موضوع الراجل الخليجي ده بيومين في شوارع المعادي والمنيل، بس محدش وقفني وفي تالت يوم اتعرفت على الخليجي اللي مات، وأنا بتمشى على كورنيش النيل الساعة واحدة ونص الصبح لقيت عربية ملاكي لونها فيراني وقفت عندي ولقيت اللي سايقها بينده لي فرحت ركبت معاه وقعد يتكلم معايا، وفهمت من لهجته أنه مش مصري وهو خليجي وطلب مني إن هو يمارس معايا وهيديني 4 آلاف جنيه، فأنا قلت له ماشي اطلع بينا على الشقة فراح قايلي لأ خليها بكرة أنا رايح أقعد مع أصحابي وأنا لما بصيت في العربية اللي هو راكبها لقيت معاه هدايا كتير ففهمت إنه غني.
أضافت المتهمة: قلت أطلع منه بأي مصلحة وفضلت راكبة معاه في العربية وهو عمال يمسك في أماكن حساسة لحد ما وصلني بالقرب من بيتي وأنا نزلت بعد لما أخدت منه رقم تليفونه وأديته رقم تليفوني واتفقنا إن أنا هروح له تاني يوم، ولما روحت حكيت لرمضان على اللي حصل معايا وعلى الراجل الخليجي المتريش اتفقنا إن إننا نطلع منه بأي مصلحة لأن هو راجل غني ومتريش ومش هيعرف يعمل معانا أي حاجة ومش هيعرف يجيبنا تاني، وفضلت قاعدة في البيت لغاية لما جالي رسالة على التليفون إن الراجل الخليجي حاول يتصل بيا فأنا رحت مكلماه على التليفون وقاللي إنه عايزني أروح له أنا وبنتين كمان عشان معاه واحد صاحبه وهيدينا فلوس كتير أوي وانا قلت له أنا مش معايا غير أختي بس فراح قاللي ابعتي لي صورتها فرحت بعتاله صورة وقلت له إن هي دي أختي فعجبته وقاللي تعالوا انتو الإثنين وراح بعت لي لوكيشن بتاع بيت صاحبه، فأنا رحت حكيت لرمضان على اللي قاله ليا فقاللي انتي هتروحيله انتي وأختك واحدة تشاغله وواحدة تحط له المنوم لغاية لما ينام وأول لما ينام هيطلع هو وعبد الرحمن جوز أختي يسرقوا الشقة وننزل كلنا".
أردفت المتهمة الرئيسية في الجريمة: اتفقنا إن لو الراجل قاوم ولا حاجة هنسكته ونكتفه لغاية لما يبطل أي مقاومة علشان ما يفضحناش، واتفقنا أنا ورمضان على الخطة دي وكلمت مرات أبو سهير وسألتها عليها هي فين قالت لي إن هي لسه راجعة من برة ونايمة هي وجوزها عبد الرحمن فرحنا أنا ورمضان على بيت سهير ولما قلنا ليهم على موضوع الراجل الخليجي وعلى الخطة اللي إحنا حطناها وافقونا عليها وقالو لينا إن هما هينفذوا الخطة دي معانا علشان يطلعوا برده بأي مصلحة وركبنا أنا وسهير تاكسي واتحركنا على بيت الراجل الخليجي وكان ماشي ورانا رمضان وعبد الرحمن".
ليلة تنفيذ جريمة مقتل اللواء العبيديوأضافت: "كلمنا الراجل الخليجي وقولنا له إحنا واقفين عند البيت، فقالنا خليها يوم ثاني علشان صاحبي اللي معايا مشي فراحت سهير مكلماه هي في التليفون وقالت له يعني إنت تجيبنا المسافة دي كلها وترجع في كلامك، فراح قايل لنا خلاص تعالو، ولما رحنا هناك ووصلنا عند العمارة اللي قال عليها كلمناه فراح نازل فتح لي أنا وسهير وطلعنا معاه الشقة بتاعته اللي في الدور الـ 12".
واستطردت المتهمة: "لما دخلنا الشقة قعدنا في الصالة كلنا وشغلنا أغاني، وهو كان حاطط إزازة شكلها فيها خمرة وبدأ يصب ليا ولسهير ولنفسه وبدأ يشرب وقعدنا أنا وسهير نرقص له، وبعدها بحاجة بسيط هو قام دخل أوضة النوم يجيب الشاحن من جوة فرحت مطلعة المنوم وأديته لسهير وهي حطيطله منه شوية في الكوباية اللي كان بيشرب منها وبعدها الخليجي رجع فعلا وشربها كلها وفضلنا قاعدين معاه لغاية لما التلج خلص فقام يجيب تلج من المطبخ".
وأضافت: حطيت جرعة تانية من المنوم في المشروب بتاعه لحد لما بدأ الخليجي يدروخ، و نزلت فتحت باب العمارة لقيت رمضان وعبد الرحمن في وشي دخلوا على طول ورا بعض ورحت سبقاهم على باب الأسانسير وركبوا معايا ورحنا طالعين شقة الراجل الخليجي، ويدوب أول لما حطيت المفتاح في باب الشقة وفتحت ودخلت أنا الأول راح رمضان دخل ورايا وعبد الرحمن فضل واقف على باب الشقة، فالراجل الخليجي شافنا، رحت شدة عبد الرحمن لجوة الشقة وقلت له خش ورحت قافلة الباب علينا بالمفتاح".
وتابعت في اعترفاتها: هما الاثنين فضلوا يمسكوا في الراجل ويحاولوا يكتفوه ويكتموا نفسه لما وصلوا للصالة وقعدوه على كرسي، وبقى رمضان خنقه من رقبته بدراعه الشمال وركبته على الأرض وعبد الرحمن قاعد فوق حجر الراجل الخليجي ولما دفعهم الاتنين، قام عبد الرحمن قلع الراجل الخليجي البنطلون بتاعه وبدأ يضرب الراجل بيه، فأنا قلت لهم صوروه علشان أنا عارفة إنهم بيخافوا من الصور والفضايح، والراجل حاول يقوم لكنه وقع على وشه.
وكانت النيابة العامة تلقت إخطاراً بتاريخ 18/2/2024بالعثور على جثمان المجني عليه مقتولاً داخل شقته بدائرة قسم العمرانية - فبادرت بالإنتقال إلي مسرح الجريمة لإجراء المعاينات اللازمة وانتدبت مصلحتي الطب الشرعي والأدلة الجنائية وبادرت بالأمر بضبط وإحضار من أشارت التحريات إلي ارتكابهم الواقعة وهم سيدتين ورجلين - وأخري أخفت متحصلات الجريمة وباستجوابهم أمام النيابة اعترف المتهمين الأربعة بارتكاب الواقعة بغرض السرقة، وتم ضبط المسروقات لدى المتهمة الخامسة والتي أشارت التحريات بعلمها بكونها متحصلة من الجريمة.
اقرأ أيضاًحضور مستشار رئيس الجمهورية بالسفارة اليمينية جلسة محاكمة المتهمين بقتل «العبيدي»
مقتل اللواء حسن بن جلال العبيدي بالقاهرة.. بيان عاجل من السفارة اليمنية
المصدر: الأسبوع
كلمات دلالية: المسئول اليمني وعبد الرحمن عبد الرحمن قلت له
إقرأ أيضاً:
التمريض الرجالة خناشير والسيدات قمر الليالي.. جراح كبير بقصر العيني يثير الجدل
أثار الدكتور الجوهري محمد الجوهري طبيب جراح بـ قصر العيني الجدل علي جروبات الأطباء والتمريض علي مواقع التواصل الاجتماعي بعد نشر بوست له عبر صفحته الرسمية اعتبرها التمريض إهانة كبيرة لهم.
ووصف الجراح التمريض الرجال بالخناشير والشحطة متابعا أنا هركز في مخ العيان ولا في الشحط اللي معايا.
وواصل الطبيب إهانته للتمريض من خلال بوست كان نصه .
الجرّاحين العواجيز اللي زي حالاتي طول عمرهم متعودين إن حكيمة العمليات بتبقي واحدة ست، متجوزة بقي و لا بنت بنوت مش مهم ، المهم إنها تكون ست.
الستات برضوا حنينين، و البصّه في وشّهم بتشفي العليل ، فما بالك بالجراح الشقيان ! و بعدين هما أساتذتنا القدام زمان كانوا هبل مثلا ، اشمعنا يعني اختاروا الستات لغرف العمليات !! كانوا أساتذة بجد ، حتي في اختياراتهم، و عشنا علي كده سنين وسنين أنا و الجراحين ، المخضرمين اللي زي حالاتي: الحكيمات ؛؛ ستات،
لغاية ما اقتحم المهنة ، الخناشير، الرجّالة يعني ، تلاقي الواحد من دول طول بعرض و بيشتغل : حكيمة عمليات ، طيب أنا طول عمري بسمي حكيمة العمليات اللي بتشتغل معايا في العملية ، بسميها ؛ قمر الليالي: هاتي مشرط يا قمر الليالي ، هاتي مقص يا قمر الليالي،أو امسكي الشفاط يا قمر الليالي ،و بتبقي مبسوطة و قلبها بينط من الفرحة ، من اسمها الجديد،إنما الأخ الخنشور ده هانده عليه و أقول يا إيه ؟
الحقيقة بقول له برضو : يا قمر الليالي ، و يزعل بقي و لا ما يزعلش ، يتفلق، هوا أنا هاركز في مخ العيان و لا في الشحط اللي معايا ،، و بعدين مع الوقت الشحطّه اكتسحوا الملعب ، و شطّار الحقيقة،،و بقي الستات في العمليات عملة نادرة.
النهارد كان عندي عملية ، و النهارد شم النسيم و مش عاوز وجع دماغ ، عاوز اخلص العملية و تني مروٰح للترمس و البيض الملون،و مش ناقصة خناشير هيه، و لجل رحمة ربنا بواحد زي حالاتي نازل يشتغل في الاجازة ، تطلعلي حكيمة العمليات واحدة بنت، و مش أي واحدة، يعني جمعت بين الحسنيين:الالتزام و الشطارة ، و الحلاوة و الحنية ، مش بس كده ،، دي طلعت من دمياط ، و أنا من زمان بقول : يا هناه و يا سعده اللي يتجوز من دمياط؛؛ احسن شعب في مصر ، بلا منازع، شطارة تلاقي و امانة تلاقي ، و حرص علي الفلوس ( مش بخل لا سمح الله ) تلاقي ،
و أدب ما قولاكش، و ما يعرفوش الكدب أبدا و ما يعرفوش قعده القهاوي و لا الكافيهات ، ،و لا الكلام الفارغ ده،، و فوق كل ده و ده الدمايطة عشرة عمر من أيام راس البر. سبحان الله هي دي كانت عمليه بقي و لا فسحة شمّ النسيم».
وسرعان ماعاد الطبيب وأعتذر عن البوست وحذفه ، ونشر بوست جديد كان نصه
« امبارح كان شمّ النسيم يوم جميل كلنا بنحبه و بنحتفل بيه بأكل الفسيخ و الترمس و البيض الملون ، فحبيت أعيد علي المصريين بطريقة ظريفة و كتبت بوست احكي فيه بعفوية عن حيا الشقي و التعب اللي بعيش فيها الأطباء، و الجرّاحين منهم بالذات، الجراحين دول ملهمش إجازات ، ينزلوا يشتغلوا عادي في أي يوم ، شمّ النسيم ماشي العيد الصغير او العيد الكبير ، ينزل يشتغل و دا اللي حصل معايا امبارح.
خرجت من العملية و كتبت بوست فكاهي ، لا اكتر و لا اقل ، و يبدو انه اتفهم غلط.
لأني صحيت النهارده الصبح علي كم هائل من التفاعل علي هذا البوست.
اولا : أنا بعتذر لسوء الفهم.
ثانيا : احنا كجراحين اكتر ناس نعرف فضل و قيمة هيئة التمريض في العمليات.
و نجاح أي عملية يعتمد عليهم في المقام الأول ، و دي حقيقة يعلمها كل الأطباء،
مش محتاجه مني او من غيري التأكيد عليها، و هيئة التمريض سواء كانوا من الرجال او من السيدات في مصر ، هم من افضل هيئات التمريض حول العالم، و دي حقيقة ايضاً يعرفها كل الأطباء،
ثالثا : و دا الأهم أنا كتبت في هذا البوست ( محل الخلاف ) بالحرف ان الممرضين من الرجال ، شُطار الحقيقة، يعني لم أنكر فضلهم، و دي فعلا حقيقة مش محتاجة مني تأكيد ، و يعلمها القاصي و الداني .
رابعاً: الجرّاح اللي زي حالاتي بيقعد في العملية في بعض الأحيان بالأربعة و عشرين ساعة واقف علي رجليه باصص في الميكرسكوب، يعني باصص من خرم ابره علي جرح بالكتير ٣ سم أيديه نفسها اللي بيشتغل بيها ما بيبقاش شايفها ، فما بالك بباقي غرفه العمليات ، اللي زي خلية النحل ، خلية النحل دي اللي بيبقي مشغلها هي حكيمة العمليات، لوحدها، فلهم مني عظيم الاحترام والتقدير، الرجال منهم و السيدات.
نقابة الأطباء تحيل طبيب للتحقيق بعد تصريحات مسيئة لمهنة التمريضتابعت النقابة العامة للأطباء بأسف شديد ما نُشر على لسان أحد الأطباء من تعليقات تحمل إساءة واضحة لأعضاء فريق التمريض، دون أي مبرر مهني أو أخلاقي.
وإذ تؤكد النقابة أن مهنة التمريض بجميع أفرادها، نساءً ورجالاً، تُعد ركيزة أساسية في المنظومة الصحية، ولا يمكن الاستغناء عن دورها في دعم الأطباء وتقديم الرعاية الصحية المثلى للمرضى، فإنها تشدد على أن الاحترام المتبادل بين جميع أفراد الفريق الطبي هو من صلب أخلاقيات المهنة، ولا يجوز المساس به تحت أي ظرف.
وعليه، وبناءً على شكاوي وردت لنقابة الأطباء، قررت النقابة العامة للأطباء، إحالة الطبيب صاحب المنشور إلى لجنة آداب المهنة للتحقيق فيما صدر عنه، من إساءات لا تليق بأخلاقيات المهنة، ومحاسبته وفقًا لما تقره لائحة آداب المهنة.
اعتقال أحد كبار ضباط المخابرات الجوية بعهد النظام المخلوع في سوريا (شاهد)