.. «هتعملى أكل إيه أول يوم رمضان»
أو «هتكلوا إيه فى أول يوم رمضان»؟؟
سؤال اعتدت أن أسأله وأستقبله من أسرتى وأهلى وأصدقائى مع قدوم شهر الخير والبركات
وأعتقد أن معظم الأسر المصرية إن لم يكن أغلبها تتبادل هذا السؤال فيما بينها.. حتى كاد يكون السؤال الشرعى والطبيعى والمعتاد مع قدوم شهر الصوم.. والحقيقة لا أفهم سر ارتباط هذا السؤال بأول يوم رمضان فقط.
مكافأة للجسم والنفس مع تجربة إجهاد أول يوم صيام وبعد ذلك يصبح الجسم فى حاله تعود.. الله أعلم.
المهم.. كل سنة كانت إجاباتى لا تتغير.. بحب اعمل دكر بط يتوسط صينية جلاش باللحمة المفروم مع طبقين ملوخية خضرا وسلطة وشوربة..
منذ أيام استقبلت هذا السؤال من أمى أطال الله فى عمرها «هتعملى أكل ايه أول يوم رمضان»
وقبل ان اجيب عليها وبحسبة بسيطة فى ذهنى فكرت قليلا..
فوجدت أن سعر دكر البط تخطى حاجز الـ٥٠٠ جنيه.
وكيلو اللحمة المفروم وصل ٤٠٠ جنيه، بخلاف شراء الملوخية ولفة الجلاش ولوازم السلطة والشوربة.
يعنى تكلفة وجبة فطار اول يوم فقط تخطت الألف جنيه(!!).. فقولت فى عقل بالى بلاها بط وجلاش.
اشوف الحمام... وقبل ان أجيب على سؤال امى
وجدت ان سعر جوز الحمام تخطى الـ١٧٥ جنيهاً،
يعنى تكلفة شراء ٦ حمامات فقط سيتخطى الألف جنيه(!!) بدون لوازم الحشو والسلطة أو أى طبق إضافى بسيط بجانبه.. رجعت وقلت بلاها حمام وبط خلينى فى الأرخص.. الفراخ وطبعاً فكرت على طول فى الفراخ البيضاء وليست البلدى لأنها الأغلى.. فوجدت سعر الفرخة البيضاء ذات الوزن المناسب ٢٥٠ جنيهاً مع كيس الرز وخضار وشوية سلطة تصل تكلفة فطار أول يوم الـ٤٠٠ جنيه.. فطار فقط بدون حسبة السحور والياميش والعصائر والحلويات والذى منه..
فجأة قطعت أمى حبل أفكارى ونهرتنى قائلة: بقالك ساعة بتفكرى هتعملى ايه اول يوم رمضان!!.. رديت بسرعة البرق ودون تفكير وقلت: هنيجى نفطر معاكى يا ست الكل ولقمة هنية تكفى مية وربنا يخلى اللى بيعزم،
ابتسمت ضاحكة وقالت كعادتها: أهلاً وسهلاً
ثم لاحقتنى بسؤال ذكى: طيب وباقى الشهر هتعملى ايه؟!!!
لحقتها بإجابة اذكى وقلت لها بحكمة وتفاؤل مشروع «رأس الحكمة»
الذى يسعى لإنعاش الاقتصاد المصرى ويقضى على فرعنة الدولار وتصير الأسعار فى متناول الجميع:
إن شاء الله حمام وبط وفراخ ولحمة.. وكل ما تشتهى الأنفس.. وكل سنة وانتم طيبون
[email protected]
المصدر: بوابة الوفد
كلمات دلالية: مشروع رأس الحكمة اول يوم رمضان الاقتصاد المصري الهدهد غادة ماهر أول یوم رمضان
إقرأ أيضاً:
«مدفع رمضان».. سيدة من قنا تفوز بـ 100 ألف جنيه في حلقة اليوم
أهدى الفنان محمد رمضان، خلال حلقة اليوم من برنامج مدفع رمضان، جائزة تقدر 100 ألف جنيه، لسيدة من محافظة قنا، بسبب متابعتها له على صفحته الشخصية بموقع الفيديوهات والصور إنستجرام.
وقال محمد رمضان، خلال الحلقة الثالثة عشر من برنامج مدفع رمضان، المذاع على قناة dmc: «أول شخص هاقبله انهاردة عاملي فولو على صفحتي الشخصية على إنستجرام».
وفازت سيدة من محافظة قناة بمبلغ يقدر بـ 100 ألف جنيه، ما أدى إلى فرحة كبيرة ظهرت على وجهها، وسأل رمضان السيدة قائلًا: «ايه هو أكثر بوست ليا بيعجبك على إنستجرام؟ لترد: «إني أشوفك في رمضان أكتر بوست بيعجبني ليك وكنت متابعة إعلان مدفع رمضان».
وكان الفنان محمد رمضان، قال إن برنامج «مدفع رمضان» تم صناعته بمحبة كبيرة للشعب المصري، كاشفًا عن أنه قال للشركة المتحدة للخدمات الإعلامية عند تعاقده على تقديم هذا البرنامج: «أنا جاهز أروح كل شبر في مصر علشان نفرح الناس».
اقرأ أيضاًبـ 300 ألف جنيه.. سؤال حلقة اليوم من برنامج مدفع رمضان: «كسبت كام واحد انهاردة؟»
برنامج مدفع رمضان.. سيارة الأحلام تحقق حلم شخص من الإسكندرية بسداد قرضه
مش مصدق نفسه: «الفلوس دي مزورة؟».. مزارع يفوز بـ 100 ألف جنيه في برنامج مدفع رمضان
حكام الإمارات يعزون خادم الحرمين في وفاة الأميرة نورة بنت بندر بن محمد