الأهلي بيعمل إيه.. تعليق مثير من خبير تحكيمي على مجاملة اتحاد الكرة
تاريخ النشر: 28th, February 2024 GMT
علق عامر العمايرة الخبير التحكيمي على حقيقة مجاملة اتحاد الكرة للنادي الأهلي .
وكتب العمايرة من خلال حسابه الشخصي فيس بوك :" مش بحب أناقش حد مش حابب أو عايز يفهم
و مش مقتنع غير باللى بيقولوا الصحفيين و اللاعبين السابقين المنتمين لناديه بس لازم نشرح و نفند وجهة نظرهم بنفس المنطق بتاعهم يمكن فعلاً عندهم حق والأهلى بيتجامل و فى فساد لصالح الأهلى من كل المنظومة فى البداية نعرض طرحهم.
وتايع :" أنبى لعب 14 مباراة فى الدورى و الأهلى لعب 7 مباريات وتم مجاملته بتأجيل ال 7 مباريات الآخرى.
أنا لما مسكت جدول الدورى قولت تصدق فعلاً حاجة غريبة و واضح من الطرح ده أنك عندك حق بس ممكن نشوف الأهلى كان موجود فين و بيعمل إيه وقت المباريات ال 7 المؤجلة.
اضاف :" الأهلى لعب مباراة كأس سوبر أفريقي و 4 مباريات الدوري الأفريقي و 3 مباريات كأس العالم للأندية و 7 مباريات بدورى أبطال أفريقيا و مباراتين كأس السوبر المصري يعنى 17 مباراة (زيادة 10 مباريات عن المباريات ال 7 المؤجلة).
طب هل الزمالك لعب 14 مباراة زى أنبى و زى ما حضرتك عايز الأهلى يلعب و بلاش مجاملة للأهلى كفاية، لا الزمالك لعب 9 مباريات فقط و مؤجل له 5 مباريات لأنه لعب 7 مباريات بكأس الكونفدرالية يعنى أقل 10 مباريات عن الأهلى طب ليه الزمالك ملعبش ال 5 مؤجلات وهو قاعد يتفرج على الأهلى وهو بيلعب 10 مباريات زيادة عنه.
لو عندك ردود منطقية عن سبب تأجيل مباريات الزمالك ال 5 و الأهلى بيشارك خارجياً فى 10 مباريات زيادة عنه قول و كمان يا ريت تجيب تواريخ مباريات الأهلى ال 17 و طبق عليهم اللائحة و قولى كان يلعب ال 7 مؤجلات أمتى علماً بأن بمباريات الفيفا و الكاف لها الأولوية على المباريات الإقليمية و المحلية وفقاً للوائح الفيفا و الكاف.. منتظر ردكم.
المصدر: صدى البلد
إقرأ أيضاً:
عرفنا الأهلي خايف ليه.. تصريح مثير من إعلامي شهير عن أداء الزمالك أمام الجونة
سخر الاعلامي عبد الناصر زيدان من اداء نادي الزمالك امام الجونة اليوم في كاس عاصمة مصر .
وكتب زيدان من خلال حسابه الشخصي فيس بوك : “ ويقولك الاهلي كان خايف يلاعبه تقريبًا كده عرفنا الاهلي كان خايف من ايه ” .
سيطر التعادل الإيجابي 1-1 على لقاء الزمالك والجونة باستاد القاهرة ضمن منافسات الجولة الثانية من بطولة كأس عاصمة مصر
واحرز على الزاهدي هدف تقدم الجونة في الدقيقة 59 من عمر الشوط الثاني
ونجح محمود حمدي الونش في إحراز هدف تعادل الزمالك في الوقت القاتل 90+4 قبل إعلان حكم المباراة انتهاء اللقاء.
بهذه النتيجة يحتل بتروجت صدارة المجموعة الأولى برصيد 6 نقاط بينما يحتل الجونة المركز الثانى برصيد 4 نقاط ويحل الزمالك في المركز الثالث بنقطة وحيدة بينما يقع سموحة ومودرن سبورت فى المركز الرابع والخامس على التوالي بدون رصيد.