أحمد سعد بتصريحات مثيرة عن الموت وطفولته وحبّه للشهرة
تاريخ النشر: 28th, February 2024 GMT
متابعة بتجــرد: حلّ الفنان أحمد سعد ضيفاً على برنامج ABtalks، الذي يقدّمه الإعلامي الإماراتي أنس بوخش على “يوتيوب”، حيث تحدث عن يوم وفاته، مؤكداً أنه يحب هذا اليوم لأنه يحرّره من القيود، قائلاً: “أنا بحب يوم وفاتي وبعشقه، اليوم اللي هتحرر فيه من كل الحاجات اللي ماسكاني، وفيه أغنية أنا عاملها رثاء لنفسي عشان تنزل بعد وفاتي”.
وأضاف سعد: “عايز أعيش في سلام من جوا ومن برا، وحلمت حلم وأنا عندي 25 سنة وشوفت حاجات عن نفسي غريبة جداً، فيها شخص مختلف تماماً، شفت أنا فين وممكن أروح فين بعد كده، وصحيت من الحلم ميت من العياط وبسبح كتير، وعندي إحساس دايماً وأنا ماشي بالعربية بقعد أستغفر لكل الناس… وأنا متديّن ومتصوف بشكل معين”.
وتحدث أحمد سعد أيضاً عن علاقته بعائلته، وعن طفولته، فقال: “ابتديت أحفظ قرآن وابتهالات دينية في طفولتي وبعدين دخلت في أم كلثوم وعبد الوهاب، وكنت دايماً في العيلة بحب أظهر عشان كنا 9، وحب الظهور ده نوع من أنواع الأمراض، كنت بحارب طول الأسبوع عشان أبان قدامهم”.
وأضاف: “النجاح بالنسبة لي إن كل الناس في الحياة يلاقوا عندك حاجة يحبوها ليك سواء طريقتك أو خفّة دمك، والناس بتسمع أغنية “إيه اليوم الحلو ده” في شوارع باريس والفقراء والأغنياء وبتعمل أجواء حلوة ليهم”.
وكشف سعد عن تركه للمنزل وهو في سنّ الـ15 قائلاً: “سبت البيت وأنا عندي 15 سنة… اخترت إني عايز أكون مستقل في حياتي ومكنتش بشرب سجاير ولا بعمل أي حاجة في الحياة، وفضلت طول الوقت عايش عشان أثبتلهم إن وجهة نظري صح… طول حياتي بثبت للناس ومفكرتش أثبت لنفسي، وكل الناس في طفولتها بتخرج، أنا كنت بروح أشتغل في 4 أماكن ورا بعض وأمسك شنطة الملحن وأعمله شاي عشان أغنّي وأقول مواويل”.
وعن رأيه في الشهرة، أوضح سعد: “مقدرش أعيش من غير الشهرة… والحاجة الوحيدة اللي آذتني فيها إني مش عارف أكون مع ولادي في الملاهي”.
أما عن النجاح الذي حققه خلال السنوات الماضية وتأثر الجمهور بأغنية “إيه اليوم الحلو ده”، فقال أحمد سعد: “بقالي 3 سنين بنجح نجاح كبير عليا جداً… وكل سنة بيحصل ليا حاجة غريبة، الناس بتقولي السنة دي سنتك فبخاف فبجتهد أكتر”.
وعن أقرب الأغاني إليه والتي تعبّر عن شخصيته، أوضح سعد: “كنت عامل أغنيتين سألت نفسي كتير عن أكتر الأغاني اللي بتعبّر عني وأغنية “أنا إنسان”، وبحس إني ببان على شكل وأنا من جوا شكل تاني خالص، والصراع بين الخير والشر هو ده أنا”.
وأضاف: “حاسس إني أنا طيب وغلبان ومبحبش أبان طيب وغلبان… بس أنا كده مع نفسي بيصعب عليا نفسي والناس وفي علاقة روحانية بيني وبين نفسي… وبحب أبين للناس إني الجامد والقوي وأصيع واحد في الكوكب، والبني آدم عايز يورّي حاجة عكس اللي جواه وفطرتي فيها حاجات تتداس”.
main 2024-02-28 Bitajarodالمصدر: بتجرد
كلمات دلالية: أحمد سعد
إقرأ أيضاً:
مذيعة شهيرة تهاجم سمية الخشاب.. والسبب؟
متابعة بتجــرد: شنّت المذيعة مروة صبري هجوماً حاداً على الفنانة سمية الخشاب بسبب النصائح التي أسدتها الى طلاب الثانوية العامة وقالت فيها إن لا أهمية للشهادة العلمية ولكن الأهم هو الحصول على المال.
ونشرت مروة مقطعَي فيديو من برنامجها “قعدة ستات” قالت فيهما: “الناس في الثانوية العامة بتبقى محتاجة تشجيع ودعم، اتفاجئنا بالفنانة المحترمة سمية الخشاب في عز الخوف والرعب والطلاب قاعدين بيذاكروا والأهالي بتدفع دم قلبها على الدروس ومرعوبين على أولادهم ونفسهم يجيبوا أعلى المجاميع، بتقولهم ولا تعليم ولا شهادة ولا نيلة اللي معاه فلوس هو اللي هيقدر يصرف على نفسه والشهادة هتعملها قرطاس طعمية”.
وأضافت: “أنا قلت الصفحة بتاعتها اتسرقت أكيد مفيش فنانة مصرية اسمها معروف وعملت بطولات تطلع تقول نصيحة زي دي للطلاب. أي حد مشهور في المجتمع إحنا بنبقى واخدينه قدوة وبنبقى شايفين إنه بيتكلم صح في ناس بتحبه وبتسمعه، إذا بكلمة منك ممكن تدعمي بتوع ثانوية عامة وأهاليهم وبكلمة منك ممكن تحبطي بعض الناس ولكن أعتقد إن مفيش حد ممكن يأثرّ فيه التصريح اللي إنتي كاتباه لأن دا تصريح ميطلعش من فنانة ولا يطلع من إنسان عايش على وجه الأرض طبيعي”.
واختتمت مروة صبري حديثها بالقول: “إنك تقولي للعيال الغلابة اللي قاعدين بيذاكروا ونفسهم ينجحوا ويعملوا أحسن حاجة والآباء اللي فلوسهم يا عيني رايحة على الدروس الخصوصية وعايز ابنه أو بنته يبقوا أحسن الناس ويحققوا أحسن النتايج ويدخلوا أحسن الكليات وتطلعي تقوليلي في الآخر هتعملها قرطاس طعمية ولا قرطاس لب دا كلام، للأسف إني اتأكدت إن الصفحة بتاعة سمية الخشاب متسرقتش وأن البوست دا هي اللي كاتباه دي من الحاجات الغريبة جداً. متسمعوش كلام سمية الخشاب، الشهادة مهمة وبتحدد مصير”.
main 2024-07-03 Bitajarod
السيرة الذاتية لـ أيمن بهاء الدين نائب وزير التربية والتعليم الجديد