أحمد سعد يكشف عن طفولته وعلاقته بـ أشقائه

حل الفنان أحمد سعد ضيفًا مع الإعلامي الإماراتي أنس بوخش، في برنامجه AB talks، المذاع عبر موقع الفيديوهات الشهير يوتيوب، وتحدث خلال اللقاء عن طفولته وعلاقته بـ أشقائه، بالإضافة إلى الحديث عن النجاح الذي حققه خلال السنوات الماضية وتأثير الجمهور بـ أغنية إيه اليوم الحلو ده، وقال: بقالي 3 سنين بنجح نجاح كبير عليا جدًا.

. وكل سنة بيحصل ليا حاجة غريبة الناس بتقولي السنة دي سنتك فبخاف فـ بجتهد أكتر.

أحمد سعد يكشف عن أحب أغانيه

 

وأضاف سعد: النجاح بالنسبالي أن كل الناس في الحياة يلقوا عندك حاجة يحبوها ليك سواء بقى طريقتك أو خفة دمك، والناس بتسمع أغنية إيه اليوم الحلو ده في شوارع باريس والفقراء والأغنياء وبتعمل أجواء حلوة ليهم.. كنت عامل أغنيتين سألت نفسي كتير من أكتر الأغاني اللي بتعبر عني وأغنية أنا إنسان، وبحس إني ببان على شكل وأنا من جوا شكل تاني خالص والصراع بين الخير والشر هو ده أنا.

 أحمد سعد يكشف عن طفولته

 

واستكمل سعد حديثه: حاسس إني أنا طيب وغلبان ومبحبش أبان طيب وغلبان.. بس أنا كده مع نفسي بيصعب عليا نفسي والناس وفي علاقة روحانية بيني وبين نفسي.. وبحب أبين للناس إني الجامد والقوي وأصيع واحد في الكوكب، والبني آدم عايز يوري حاجة عكس اللي جواه وفطرتي فيها حاجات تتداس.. ابتديت أحفظ قرآن وابتهالات دينية في طفولتي وبعدين دخلت في أم كلثوم وعبد الوهاب، وكنت دايما في العيلة بحب أظهر عشان كنا 9  وحب الظهور ده نوع من أنواع الأمراض كنت بحارب طول الأسبوع عشان أبان قدامهم.

 

آخر أعمال الفنان أحمد سعد

 

وكان آخر أعمال الفنان أحمد سعد أغنيته “ سبب فرحتي ” مع الفنانة أصالة والتي حقق من خلالها نجاحًا كبيرًا فور طرحها على “يوتيوب”، حيث تخطيت حاجز الـ 7 وربع مليون مشاهدة، وتصدرت  التريند الأول على موقع الفيديوهات الشهير " يوتيوب "، طرح مؤخرًا أغنية «بعتذرلك»، عبر قناته الرسمية بموقع «يوتيوب» وجميع منصات الاستماع بالعالم العربي ومحطات الراديو، من كلمات محمد الشافعي، وألحان إسلام رفعت، وتوزيع وهندسة صوت يحيى مهدي، ومن إنتاج شركة «مزيكا» للمنتج محمد جابر.

المصدر: بوابة الفجر