بعد كهربا.. لاعب جديد خارج حسابات كولر في الأهلي
تاريخ النشر: 27th, February 2024 GMT
أكد الإعلامي محمد شبانة، أن محمود متولي مدافع الأهلي لم يشارك سوى في 42 مباراة على مدار السنوات الماضية مع الفريق، لذلك فإن اللاعب أصبح خارج حسابات إدارة الكرة والجهاز الفني.
واضاف شبانة فى تصريحات تلفزيونية، "أن النادي سوف يعمل على ضم مدافع جديد، ومن أبرز المرشحين محمد إسماعيل مدافع زد، وأحمد حسام لاعب الجونة.
وكان الأهلي قد نجح في الفوز على ميدياما الغاني بهدف دون مقابل، قبل أن يحسم تأهله إلى دور الثمانية من دوري أبطال أفريقيا.
ومن المقرر أن يواجه النادي الاهلي، مع بلدية المحلة، مساء اليوم الثلاثاء، في تمام الساعة السابعة مساءً على ملعب استاد القاهرة الدولي.
ويحتل النادي الأهلي، المركز الـ 10 فى جدول ترتيب الدوري المصري الممتاز برصيد 14 نقطة بعدما لعب 6 مباريات، حقق الفوز فى 4 لقاءات وتعادل فى مباراتين ولم يخسر، وسجل لاعبوه 12 هدفاً وتلقت شباكه 4.
المصدر: صدى البلد
إقرأ أيضاً:
خالد طلعت يهاجم مسئولي النادي الأهلي.. تفاصيل
هاجم الناقد الرياضي خالد طلعت مسؤلي النادي الأهلي عبر صفحته على موقع التواصل الاجتماعي فيسبوك.
وكتب خالد طلعت:"مسؤولو وإعلاميو ولجان النادي الأهلي بيعملوا حاجة غريبة جدا دلوقتي بيضحكوا بيها على جمهورهم كالعادة.
بيحاولوا يصوروا ان الأهلي انتصر في معركة الانسحاب لمجرد ان مفيش خصم 3 نقط زيادة رغم إن العكس هو الصحيح والأهلي هو الخاسر الوحيد.
وللأسف فيه زملكاوية كتير بيساعدوهم في كده لما بينزلوا انهم زعلانين ومقهورين من القرار الجديد وكأنهم خسروا المعركة وده مش صح خالص.
الأهلي انسحب من ماتش الزمالك وخسر المباراة 3-0 وخسر 3 نقط مهمة في مشوار المنافسة على الدوري وخسر ملايين الجنيهات عقوبة خسائر المباراة رغم ان المباراة فنيا كانت سهلة للاهلي وكان أقرب للفوز.
الأهلي قال في بيان واضح وصريح ان الماتش هيتلعب بحكام أجانب وده محصلش وكلامه متنفذش.
الأهلي قال إن الماتش لو متلعبش بحكام أجانب مش هيستكمل الدوري ، وده محصلش والاهلي هيستكمل الدوري عادي يعني كلامه متنفذش ورجع في كلامه وخسر المعركة الأساسية.
المعركة الاساسية هو ان الماتش يتعاد أو لاء أو يتحسب فوز الزمالك والأهلي خسر المعركة ، خصم 3 نقط زيادة دي عقوبة اكتر او مغلظة ممكن تتنفذ وممكن لاء وانا قلت مش هتتنفذ من اول يوم واتعملت لحفظ ماء وجه الأهلي زي لما واحد يدخل خناقة ويتضرب علقة جامدة وبعد ما يضرب ويقوم يروح شاتم اللي ضربه ويقوله يا حمار.
الأهلي خرج خسران كتير وخسر أسطورة ان الأهلي مبيعملش حاجة غير لما يكون دارسها ، وخسر انه قال قرار انه مش هيكمل الدوري لو الماتش متعادش ومنفذش كلامه ودي اول مرة تحصل في تاريخ الأهلي".