عمرو أديب يوجه رسالة للحكومة: «انزلوا اضربوا السوق يا جماعة» – فيديو
تاريخ النشر: 26th, February 2024 GMT
علق الإعلامي عمرو أديب، على انخفاض سعر الدولار في السوق الموازية بعد إعلان الحكومة عن توقيع صفقة مشروع رأس الحكمة، وتأثير ذلك على انخفاض أسعار السلع في الأسواق المصرية بشكل عام.
وقال أديب خلال تقديمه برنامج «الحكاية»، عبر فضائية «MBC مصر»، الأحد: «السوق امبارح والنهارده ولمدة 10 أيام كمان هيجربك، أخبارك إيه؟ إنت جامد أد إيه؟ انت بتتحرك إزاي، إنت بتوزع الفلوس إزاي، هتعمل إيه؟!».
وأشار إلى أن أهم شيء هو نزول الأسعار واستدامتها لمدة طويلة، موضحًا: «أنا مش عايز الأسعار تنزل يومين، الاستدامة هي الاختبار، السوق بيلاعبك ويشوفك. السوق بيجربك، أنت جد، وهتنزل فلوس؟».
ووجه «أديب» رسالة للمواطن قائلًا: «دورك تقول للتاجر إيه أنت مش شايف الدولار نزل أد إيه، عاوزين الحاجة حلوة وجميلة ورخيصة».
وأضاف مناشدًا الحكومة إتمام سياساتها النقدية سريعًا: «الحق السوق وهو سخن، انزلوا اضربوا السوق يا جماعة، لو اتضرب دلوقتي هيكمل ضرب. مفيش حد في مصر مش عارف إن بابا بعت فلوس.. في فلوس جاية تهدي النفوس، استغل وتحرك ونزل حاجات في السوق، افتح بضائع وحرك سياساتك النقدية والحاجات اللي عاوز تعملها قبل العيد».
ووصف «أديب» توقيع صفقة رأس الحكمة بالعظيمة والجيدة، مشددًا على أنه يجب ألا تضيعها الدولة وعلى أهمية استغلالها بشكل أمثل.
المصري اليوم
المصدر: موقع النيلين
إقرأ أيضاً:
كاف يخطر الزمالك بموعد مباراة بلاك بولز بطل موزمبيق