عمرو مصطفى بعد تصريحات رامي جمال: «لو جبت اسمي تاني هقاضيك يا مطرب الدرجة الخامسة»
تاريخ النشر: 22nd, July 2023 GMT
ظهر الفنان رامي جمال مؤخرًا، في أحد اللقاءات التلفزيونية، وتحدث عن المطرب والملحن عمرو مصطفى، قائلا: «نرجسي وعاب في كل زملائه».
أخبار متعلقة
عمرو مصطفى: «أنا نرجسي ومغرور وعايز صورتي تكون وحشة»
رامي جمال منتقدًا عمرو مصطفى: عاب في كل زمايله (فيديو)
رامي جمال عن عمرو مصطفى: «عاب في كل زمايله.. ومفيش حد لسه مزعلوش»
وكتب عمرو مصطفى منشور عبر حسابه الرسمي بـ«فيس بوك»، ذكر فيه أنه إذا زُج باسمه مرة أخرى في تصريحات تلفزيونية، سيتخذ إجراءات قانونية ضد الشخص الذي تحدث عنه.
وكتب عمرو مصطفى في منشوره: «هو أنا أترككم تتعدوا بشكل غير قانوني على ألحاني يعني، ولحن تم غنائه في برنامج على الهواء خدته وعملت منه أغنية، وصورتها وفي الآخر طالع تقول عليا نرجسي نحن في زمن يصدق فيه الكاذب ويكذب فيه الصادق».
وتابع عمرو مصطفى في تصريحاته: «أقسم بالله لو شوفتك في أي مكان أنت وأشكالك لن تجدوا مني غير نظرة احتقار، وأوعى تجري تسلم عليا زي ما عملت قبل كده، علشان ههزائك، وأوعي تجيب اسمي تاني في مكان علشان هقاضيك انت وكل إلى شبهك مطربي الدرجة الخامسة.. زمن الرويبضة».
تصريجحات رامي جمال عن عمرو مصطفى
ومؤخرًا، قال رامي جمال، خلال لقائه ببرنامج «حبر سري»، مع الإعلامية أسما إبراهيم، للتعليق على تصريح سابق لعمرو مصطفى قال فيه «أنا المبدع»: «مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة.. غير كده مكانش هيبقى قاعد يتكلم إنه ملحن شاطر».
وتابع: «في الحقيقة في نوع من النرجسية، أنا مش بحبه.. وفي فرق بين إنك واحد من الملحنين العباقرة اللي التاريخ مش هينكرهم، لكن لسه مين كده مازعلتوش منك، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبّر بعض أحسن».
عمرو مصطفى الملحن عمرو مصطفى رامي جمال الفنان رامي جمال رامي جمال وعمرو مصطفى عمرو مصطفى ورامي جمالالمصدر: المصري اليوم
كلمات دلالية: زي النهاردة شكاوى المواطنين عمرو مصطفى الملحن عمرو مصطفى رامي جمال الفنان رامي جمال زي النهاردة عمرو مصطفى رامی جمال
إقرأ أيضاً:
نقل مطرب المهرجانات مسلم للمستشفى بعد تعرضه لوعكة صحية مفاجئة
تعرض مغني المهرجانات مسلم، لوعكة صحية مفاجئة، نقل على إثرها للمستشفى، دون الكشف عن أي تفاصيل.
وشاركت يارا تامر، خطيبة مسلم، صورة لـ مسلم من داخل المستشفى، وظهر فيها وبيده «كانيولا»، وعلقت عليها قائلة: «ألف سلامة عليك يا نور عيني»، وهو ما أثار قلق جمهوره ومحبيه.
وكان مطرب المهرجانات مسلم، أعلن خلال الفترة الماضية، عن فسخ تعاقده مع منتج أعماله سلطان الشن بعد خلافات استمرت لأكثر من 4 سنوات.
وشارك عبر حسابه على موقع التواصل الاجتماعي «إنستجرام»، مقطع فيديو، قال فيه: «النهاردة أكتر يوم أنا مبسوط فيه في حياتي، عمري ما هنسى اليوم ده أبدًا، يوم رحمة من ذل وتعب وإرهاق وسنين معافرة»
وأضاف: «النهارده تم فسخ العقد بيني وبين المنتج المحترم سلطان الشن، الحمد لله بشكر ربنا وبحمده على كل حاجة، أنا كان نفسي الحاجات دي تخلص بدون مشاكل بس أنا استنيت قانون بلدي وربنا نصرني والحمد لله مشيت مرضي».
وتابع: «مش عايز حاجة غير إني أبقى في حالي وأشتغل، نفسي أكبر ويبقى عندي أمل أعمل حاجة لكن الموضوع ده كان معطلني وضاغط على نفسيتي، وبعد كدة مفيش قفل أغاني تاني ولا أي حاجة وحشة بتحصل لي».
واختتم: «فيه حاجات كتير حلوة جاية وأغاني كتير بتتعمل جديدة ودويتوهات حلوة كتير.. أنا كنت نادر ندر أن لو ده حصل هدبح 3 عجول، إن شاء الله يومين وهدبحهم وكل اللي محتاج حاجة يكلمني، وأي أخت نفسها تفرح وأجيلها الفرح تكلمني».
اقرأ أيضاًاليوم.. محاكمة مسلم ونور التوت بسرقة لحن أغنية أول حياتي ياما
استكمال محاكمة مسلم ونور التوت لاتهامهما بسرقة لحن أغنية.. بعد قليل
وكيل إمارة الرياض المساعد للحقوق يحضر حفل سفارة جمهورية اتحاد ميانمار بمناسبة اليوم الوطني لبلادها