ننشر أقوال المتهم بقتل شقيقه وزوجته ببولاق الدكرور (خاص)
تاريخ النشر: 25th, February 2024 GMT
حصل موقع "الفجر" على أقوال المتهم "إسماعيل.ع" بقتل شقيقه وزوجته، وذلك لأن المتهم ألح على شقيقه عدة مرات بترك منزلهم في بيت العائلة، وخاصة بعد حبس زوجته 6 أشهر في قضية تزوير، والذي نتج عنه خلافات وضرب بين الطرفين، بالإضافة لعدم ترك المجني عليهم المنزل، فتعمد المتهم الخلاص منهم وقتلهم.
في السطور التالية سنعرض أقوال المتهم "إسماعيل.
س: ما هي ظروف نشأتك؟
أنا اتربيت في بولاق الدكرور في أسرة مكونة من أبويا عيد إسماعيل أحمد وأمى زينب إبراهيم سيد وإخين إبراهيم الصغير ومحمد أخويا الكبير وبنتين هبة الكبيرة وشيماء الصغيرة
س: وما هي درجة تعلقك بشقيقك المجنى عليه؟
انا كنت بحبه جدا وكنت متعلق بيه بس بدأنا نبعد عن بعض واحدة واحدة من أول ما هي دخلت بيتنا
س: هي الدرجات التعليمية التي حصلت عليها؟
انا معايا الابتدائية
س: وما هي حرفتك ؟
انا شغال مبلط سيراميك نمرة واحد وساعات لما يكون الشغل نايم بشتغل أوبر على موتوسيكل بتاعي، وفي العيد الكبير بشتغل جزار علشان أقلب رزقی وعندى العدة بتاعتي
س: وما هو المقابل الذى تتقاضاه من ذلك العمل؟
ممكن يوصل دخلى إلى ستة آلاف جنيه أو سبعة آلاف جنيه.
س: وما هي حالتك الإجتماعية؟
انا أعزب وعمری ما خطبت أو اتجوزت ولا قريت فاتحة.
س: وما الذى حال دون إتمامك لأى زيجة؟
انا من طبعي جامد ومبحبش الستات
س: وما هي صلتك بكل من المجنى عليهما داليا جمال محمد علی ومحمد عبد إسماعیل احمد؟
داليا تبقى مرات أخويا محمد وهو اتجوزها من عمر ابنهم عبد الرحمن
س: وما هو عمر سالف الذكر المدعو / عبد الرحمن محمد عبد.
هو عنده تقريبا ١٢ أو ١٤ سنة
س: وما هو أثر تلك الزيجة عليك؟
أنا كنت مبسوط لحد يوم دخلته لدرجة أنه فى فرحه مدافعش جنيه وأنا وإبراهيم أخونا الصغير اللي شلنا الشيلة كلها، بس هي من يوم ما دخلت بيتنا وخلت حياتنا جحيم
س: وهل رزق المجنى عليهما سالفى الذكر بثمة أطفال بخلاف سالف الذكر؟
هما مخلفوش غير مرة واحد اللى هو عبد الرحمن وفي مرة هي سقطت بعلم محمد أخويا
س: وما هي تفصيلات إجهاض المجنى عليها؟
هي كانت في أول حملها معدتش ثلاثة شهور تقريبا ومحمد أخويا مكنش عايزها تخلف فراحت سقطت برة في حتة أنا معرفش هي فين
س: ومتى حدث ذلك؟
من نحو سنتين
س: وكيف نما إلى علمك إجهاض سالفة الذكر؟
هي اللي قالتلي بنفسها
س: ولما رغب شقيقك المجنى عليه في التخلص من الجنين؟
علشان هو كان دخله قليل وعلى أده
س: من وما الذي تقصده بعبارة " هي من يوم ما دخلت بيتنا وخلت حياتنا جحيم"؟
هي كانت على طول عاملة مشاكل مع جوزها ومع أختى الصغيرة شيماء
س: وما هي طبيعة تلك الخلافات ؟
هي كانت دايما تعمل مشاكل مع أخويا بسبب المصاريف وأنا كنت دايما بتدخل واديها الفلوس اللي عايزاها وبالنسبة لمشاكلها مع أختى الصغيرة شيماء كانت مشاكل حريم مع بعض لكن مش حاجة كبيرة
س: وهل من اى خلافات بينك وبين المجنى عليهما سالفي الذكر؟
هو بالنسبة لأخويا محمد أنا كنت شايل منه لأنه دايما كان بيعامل أبونا وأمنا أسوأ معاملة مع أنه بيعامل الغريب أحسن معاملة، وكان دايما بيحصل مشاكل ما بينا بسبب إنه كان بيمد ايده عليهم، وكمان بدأ يبقى في مشاكل أكثر من ساعة ما اتجوز داليا والمشاكل كمان كترت من بعد ما داليا مراته اتحبست وطلعت من الحبس، وانا كنت عايزهم يأجروا شقتهم اللي في بيت العيلة وياخدوا ايجارها يقعدو بيه في شقة برة، بسبب كلام الناس الكثير عن مراته أن مشيها بطال.
وتابع: أما بالنسبة لداليا أنا ليا معاها مشاكل كثير بسبب اول حاجة إنه ا كانت بتعمل مشاكل كثير مع أخويا وكانت بتقويه علينا ولما كنت بحاول الجأ لحد من أهلها سواء أبوها أو أمها مكنش في حد عندهم في البيت بيحل معايا، وكمان هي كان مشيها بطال، وأنا عرفت إنها بتكلم رجالة على أخويا وكانت بتستغل عدم وجود اخويا وكانت بتنزل باليل، وترجع بعد الفجر، ولما كنت اسألها بتروحى فين كانت بتعمل نفسها تعبانة علشان تتهرب من أسئلتى، وكنت كل لما أجي أقول لأخويا على اللي بشوفه منها أو اسمعه عنها كان بيمسك فيا وساعات كان بيوصل الموضوع الضرب ولو أمي ادخلت كان بيضربها هي كمان، وكمان قبل ما اقتلهم بكام يوم أنا واخويا مسكنا في بعض بسبب أن هو مصمم يقعدها في البيت وضربني وضرب امه وانا كمان ضربته وبعدها بشوية النجدة جت وحلت ما بينا ومضونا اقرارات عدم تعرض لبعض وعملو مذكرة، انا بصراحة مش فاكر هما عملو ايه أو مضونا على ايه بس محدش فينا راح القسم، وأمي بس هي اللي طلعت على القسم وعملتلو محضر.
س: وما هو وقوع وأثر تلك الخلافات على نفسك؟
أنا كنت باكل فى نفسى وبغلى من اللى حصل من أخويا محمد من ضربه ليا انا وامي، وأنه وصلها إنه ا تدخل الأقسام وكمان انا جبت اخرى من اللي بشوفه وبسمعه في الشارع من الناس وتلقيحهم بالكلام وبقيت خلاص مش قابل وجودهم في البيت ولا بقيت طايق نفسى حتى بسببهم وقررت انى لازم اتخلص منهم من البيت بأي طريقة
س: وما هو المخطط الذي قررت انتهاجه للتخلص من المجنى عليهما سالفي الذكر؟
انا حاولت الأول انى اتكلم مع أبوها علشان أقنعه إنه يفهمها متجيش البيت عندنا وقعدت أحاول برضو مع أخويا محمد، حتى عرضت عليه إنه يأجر الشقة بتاعته في البيت العيلة وياخد ايجارها يدفع بيصيرة.
س: وهل أفلح ذلك المخطط؟
لا هما فضلو يجو البيت يدخلو ويطلعو قصادي ويستفزوني وهي كانت بتستفزني وتقعد تقولي " انا قاعدة على قلبكم ومش ماشية".
س: ومتى راودتك فكرة التخلص من المجنى عليهما؟
انا بدأت افكر فى انهم لازم يمشو من البيت بأي طريقة من أول ما طلعت من الحبس، وبدأت افكر في قتلهم هما الاثنين قبلها بيوم
س: وما الذي دعاك إلى التفكير بقتل المجنى عليهما من الأساس؟
طبعا بسبب المشاكل اللي هي عاملاها وبسبب المشاكل اللى انا شايلها من اخويا، بسبب إنه دائما ينصرها عليا وييجي في صفها ضدي انا وامي وساعات كان بيضربنا وانا كنت خايف امد ايدى عليه لإنه كان جسمه ضعيف
س: ومتى اختمرت تحديدا نية قتل المجنى عليهما بذهنك ؟
يوم الخميس ٢٠٢٢/٦/٢٢ لقيت ابن اخويا عبد الرحمن بيقولي " هي عمته بتبص لي بصات وحشة ليه هو انا عملتلها حاجة "، فأنا ساعتها حسيت ان الحية اللى اسمها داليا بدات تبخ سمها في الواد عبد الرحمن هو كمان وهتولع البيت حريقة
س: وما هي الخطة التي وضعتها لقتل المجنى عليهما ؟
انا فكرت انى اقتلهم بالسكينة اللى كانت عندى واستخدمتها اليوم دة
س: ولما اخترت تلك الوسيلة دون غيرها لقتل المجنى عليهما؟
اول حاجة علشان السكينة اللى معايا حجمها كبير والناس هتخاف تحوش علشان شكلها كبير ويخوف وكمان انا بعرف استخدمها كويس لاني بشتغل جزار في الأعياد
س: وما الذي دعاك إلى انتقاء يوم الواقعة لقتل المجنى عليهما؟
أنا كنت مستنى اول فرصة تجيلي وميكنش عبد الرحمن ابنهم معاهم علشان ميشفش منظر اللي هيحصل، ويوم الجمعة شفتها نازلة لوحدها من البيت ولما لقيتها راجعة هي ومحمد لوحدهم قلت دى الفرصة المناسبة
س: وما هي تفصيلات إقرارك؟
يوم الجمعة لما لقيتها نازلة وبرضو لقحت بالكلام ولقيت عبده مش معاها نزلت وقعدت في المحل اللي تحت البيت، والسكينة كانت موجودة في المحل وأول مالقيتها راجعة هي ومحمد أخويا، حاولت اني اقولهم بالعقل ميدخلوش البيت لقيت محمد بدا يضربني بشنطة كانت معاه في ايده، فقلت مبدهاش ورحت داخل جايب السكينة من المحل، والناس بدأت تتلم ومكنتش شايفهم وسط الناس ورحت داخل العمارة افتكرت انهم طلعو فوق ولما وصلت فوق وملقتش حد رحت نازل وفي الوقت ده لقيت باب العمارة الحديد مقفول، والناس هى اللى قفلتو علشان مطلعلهمش فرحت داخل شقتي أنا وامي اللي في الدور الأرضى ونطيت من شباك الأوضة على الشارع.
واستكمل: ولقيت محمد فى وشى اديته ضربة بالسكينة في صدره، فهو حاول يمشى وادانى ضهره رحت مديله ضربة كمان، ورحت رايح على داليا واديتها نحو 5 ضربات في صدرها وبطنها وكتفها الشمال وراحت واقعة فأديتها ٢ ضربات كمان في رجليها الاثنين ورحت رايح على محمد اديته الضربة الثالثة في صدره قدام السوبر ماركت اللي بعدنا بعمارة وبعدها مشيت وخبيت السلاح في جراج من الجراجات والمباحث جت أخدتني لأن أنا اللي قولتلهم على مكاني وقلتلهم مكان السلاح وراحو جابوه.
المصدر: بوابة الفجر
كلمات دلالية: قتل شقيقه وزوجته قتل شقيقه حبس زوجته قضية تزوير المجنى علیهما المجنى علیه أخویا محمد محمد أخویا عبد الرحمن فی البیت أنا کنت هی کانت وما هو هی کان وما هی
إقرأ أيضاً:
أين وصل السائق المتهم بقتل حبيبة الشماع.. بعد عام على رحيل فتاة أوبر؟
بعد عام على وفاة حبيبة الشماع، المعروفة إعلاميًا بـ"فتاة أوبر"، والتي لقيت مصرعها عقب قفزها من سيارة أوبر ظنًا منها أن السائق يحاول اختطافها، لا تزال تساؤلات كثيرة تحيط بمصير السائق المتهم في القضية.
في السطور التالية، يستعرض "اليوم السابع" آخر تطورات القضية، وما انتهت إليه التحقيقات بشأن سائق أوبر بعد مرور عام على الحادثة التي أثارت جدلًا واسعًا.
محكمة مستأنف جنايات القاهرة، قضت ببراءة سائق أوبر المتهم فى وفاة حبيبة الشماع، من تهمة الشروع فى خطف حبيبة الشماع، فيما قضت بالسجن المشدد 5 سنوات عن تهمة حيازة وتعاطى المواد المخدرة.
وكانت قضت محكمة جنايات القاهرة، المنعقدة بالتجمع الخامس، بمعاقبة سائق أوبر المتهم بمحاولة خطف حبيبة الشماع " فتاة الشروق"، بالسجن المشدد 15 سنة وغرامة 50 ألف جنيه، وإلغاء رخصة القيادة.
وتوفيت حبيبة الشماع فى 14 مارس الماضى متأثرة بإصابتها بعد قفزها من سيارة سائق أوبر.
وأمرت النيابة العامة بإحالة المتهم بمحاولة خطف المجني عليها حبيبة الشماع، إلى محكمة الجنايات المختصة؛ لمعاقبته بتهم الشروع في خطفها بطريق الإكراه، وحيازته جوهر الحشيش المخدر في غير الأحوال المصرح بها قانونًا، وقيادته مركبة آلية حال كونه واقعًا تحت تأثير ذلك المخدر.
وثبت من تحقيقات النيابة العامة أنه بسؤال أول من شاهد المجني عليها -محاولًا إسعافها- بعد أن ألقت بنفسها من سيارة المتهم، أنها ذكرت له أن المتهم أراد خطفها، وقالت نصًا: "أوبر كان عايز يخطفني"، وأن الممثل القانونى لشركة "أوبر" شهد أن المتهم قد أُغلق حسابه عبر تطبيق الشركة من قبل، لكثرة شكاوى مستخدمي التطبيق ضده، إلا أنه أنشأ حسابًا آخرًا عن طريق استخدام رقم قومي آخر استطاع من خلاله إعادة استخدام التطبيق، وقد نسخت النيابة العامة صورة من الأوراق خصصتها لتحقيق واقعة التزوير تلك، كما طالعت الشكاوى المقدمة ضد المتهم بالشركة التي يعمل بها، فتبينت في واحدة منها شكوى لسيدة قررت أنه تحرش بها جسديًا.
هذا وقد كشفت التحقيقات أيضًا عن تعاطي المتهم لجوهر الحشيش المخدر وفق ما أسفر عنه تحليل عينتيْ الدم والبول المأخوذتيْن منه، على النحو الذي أثبته تقرير الطب الشرعي.
من هي حبيبة الشماع؟
الفتاة تدعى حبيبة الشماع، تبلغ من العمر حاليا 24 عاما، خريجة كلية إعلام من الجامعة البريطانية، وتعمل في مجال الآثاث والديكور.
من هو المتهم؟
سائق يبلغ من العمر 34 عاما حاصل على دبلوم فني صناعي قسم تبريد وتكييف، متزوج ولديه 3 أطفال أكبرهم في المرحلة الابتدائية.
بداية الواقعة كانت بتحرير محضر في قسم شرطة الشروق، بمحاولة خطف فتاة تدعى "حبيبة الشماع" بعد ركوبها مع سائق أوبر، لكنها فوجئت بمحاولة خطفها ما دفعها لإلقاء نفسها من السيارة وهي تسير بسرعة كبيرة، ما تسبب في إصابتها بارتجاج وفقدان للوعي وتم نقلها إلى المستشفى.
مشاركة
برعاية منصور بن زايد.. ختام ناجح للبطولة الرمضانية لجمال الخيل العربية