«مبغنيش في أماكن فيها رقاصات وأصبت بالبهاق بسبب الحزن».. أبرز تصريحات رامي جمال في «حبر سري»

تصدر المطرب رامي جمال، تريند مؤشر البحث الشهير «جوجل»، وذلك بعد حلوله ضيفاَ على الإعلامية أسما إبراهيم ببرنامجها «حبر سري» الذي يذاع على شاشة «القاهرة والناس».

أخبار متعلقة

رامي جمال منتقدًا عمرو مصطفى: عاب في كل زمايله (فيديو)

رامي جمال: إليسا كانت مخبية عليا إن سعد لمجرد اللي هيغني في «أول دقيقة» (فيديو)

رامي جمال عن عمرو مصطفى: «عاب في كل زمايله ومفيش حد لسة مزعلوش»

وفي السطور التالية، نستعرض أبرز تصريحات رامي جمال لـ«حبر سري»

رامي جمال :«مبغنيش في أماكن فيها شرب أو رقاصات»

أكد رامي جمال رفضه الغناء في أماكن فيها شرب خمور أو تشاركه راقصات، قائلا: «عندي تحفظات على حاجات معينة وبرفض الرقاصات برضو ومتطلعش الرقاصة معايا في فقرتي في حفلة أو فرح».

وأوضح رامي جمال، أنه يفضل الاستحواذ على الاهتمام لذلك لا يفضل وجود راقصات معه، مضيفا: «لو اتعمل لي مفاجأة بوجود راقصة في فرح همشي، والرقص فن في ناس بتحبه ولكن متطلعش معايا أنا شايف آخد الاهتمام لوحدي».

رامي جمال عن موقفه من تحريم الفن :«أنا مش شيخ»

رد رامي جمال على موقفه من تحريم الفن، قائلا: «أنا مش شيخ وشايف كل الشغلانات فيها الحلال والحرام وفي شبهات ممكن الواحد يتجنبها ومش عايز أحدد الشبهات عشان لو في زملاء بيعملوها، واللي يحلل ويحرم الشيوخ وشايف إن فني أقدمه لوحدي».

رامي جمال :«مستحيل ألحن مهرجانات..مش ذوقي»

أكد رامي جمال أنه من المستحيل تقديم الحان لمطربي مهرجانات، قائلا: «مستحيل ألحن مهرجانات ومش ذوقي وأنا اتحاسب على اللي بعمله ومش عايز أقدم فن أعتذر عنه بعد كده في يوم من الأيام، حتى لو الدنيا جت عليا مش هغني مهرجانات وأستعين بأهلي».

وأضاف، أنه من نجوم الصف الأول في التلحين ولكن ما زال أمامه الكثير من الأحلام ليحققها»، متابعًا: «أنا من نجوم الصف الاول ومن وجهة نظر السوق والمتعهدين صف أول ومن وجهة نظري لسه كتير على اللي حلمت به».

تفاصيل إصابة رامي جمال ببمرض البهاق

كشف رامي جمال، تفاصيل سبب إصابته بمرض البهاق لأول مرة، قائلا: «المرض بالفعل جالي بسبب الحزن، والقصة بدأت أني في يوم سافرت أصور أغنية ليا مع مخرج وكانت تكلفتها ضخمة مبلغ 100 ألف دولار، وبعد انتهاء التصوير لقيت المخرج بيماطل في تسليم الكليب».

وأضاف، أنه مع إصراره أخبره المخرج أن الهارد المسجل عليه كل تفاصيل الكليب اتكسر، متابعا: «كان ابتلاء كبيرا وحركة لو حد جديد ميقعش فيها وفكرت أنه ممكن يكون مقصودة ولكن طلع كلامه صح».

المصدر: المصري اليوم