ألفت عمر تثير الجدل: “مبقاش فيه رجّالة دلوقتي”

القاهرة- متابعات- على هامش حضورها العرض الخاص لفيلم “مطرح مطروح”، للفنان محمود حميدة، علّقت الفنانة ألفت عمر على فكرة أن المرأة باتت تقوم بكل شيء بدلاً من الرجال، بالقول: “السيدات دلوقتي همّا القائمات على العمل، وهمّا اللي سايقين الدنيا، مفيش رجالة، أنا ضد إننا نضع المرأة في دايرة مغلقة، الست على فكرة مقعّدة بعض الرجالة في بيوتهم، وفي رجالة قاعدة بتاخد القبض الخاص بزوجاتهم، وإحنا مش هنهزّر دول خايبين، والستات اللي بتصرف عليهم أخيب منهم”.

وعن رأيها في الإعلامية ياسمين عز، قالت ألفت عمر: “أنا ضد الفرعون ومعجبنيش الكلام دا، وأي حاجة زيادة عن اللزوم أنا مبحبهاش، لأني مبلعبش على الترند، أنا بتكلم عن الواقع، فمطلعش أضحك على الجمهور علشان أكسب فلوس”. وأضافت: “لو كنت عملت كده كنت هبقى أشهر واحدة، لكن مبحبش فكرة خداع المُشاهد، ربنا هيحاسبني عليها، وهما لسة موعيوش للفكرة دي”.

المصدر: رأي اليوم