تحية رمضانية للأحباء: أروع عبارات ورسائل التهاني بمناسبة شهر رمضان 2024
تاريخ النشر: 20th, February 2024 GMT
تحية رمضانية للأحباء: أروع عبارات ورسائل التهاني بمناسبة شهر رمضان 2024.. زاد البحث عن رسائل تهاني رمضان 2024، حيث إن هناك أيام قليلة وسوف يهل علينا شهر رمضان المبارك أعاده الله علينا وعليكم بكل خير ويمن وبركات، فهو شهر الفرح والسعادة والسرور، وتزامنا مع اقترابه يتم تبادل التهاني بين الجميع معبرين عن فرحتهم، فهذا الشهر ننتظره من العام للعام فهو يجدد نشاطنا ويغير من حالتنا النفسية ونسأل الله أن يبلغنا رمضان لا فاقدين ولا مفقودين.
يمكننا توضيح بعض من الرسائل التي يمكن تبادلها سواء بإرسالها على الموبايل أو السوشيال ميديا، ومنها ما يلي:-
تحية رمضانية للأحباء: أروع عبارات ورسائل التهاني بمناسبة شهر رمضان 2024كل سنة والجميع بخير والأمة الإسلامية بأفضل حال.
نسأل الله في هذه الأيام المباركة الجميلة أن يعيننا على الصيام ورمضان كريم.
هل علينا الشهر الكريم بأجمل أيامه وبركاته كل عام وأنتم بخير.
يا فرحة القلوب ويا سعد الدروب هل علينا أفضل الشهور أعاده الله علينا وعليكم بالخير.
طال انتظار قدومك يا أجمل الشهور ونتمنى ألا تنتهي سريعا حيث تجدد أملنا في الحياة.
نتمنى من الله أن يجعلنا من العتقاء من النار في هذه الأيام المباركة شهر كريم علينا جميعا.
يا رب اجعل هذه الأيام خير على جميع الأمة الإسلامية واغفرلنا ذنوبنا وتقبل صيامنا.
رسائل تهاني رمضان قصيرةفيما يلي بعض الرسائل القصيرة والتي يمكن إرسالها للعائلة والأصدقاء والأحباب:-
يا الله اغفر لنا ذنوبنا وتقبل أعمالنا في هذا الشهر الكريم المبارك رمضان كريم.
ارحمنا يا رب برحمتك واقبل توبة كل تائب بهذا الشهر فأنت المطلع على القلوب.
نتمني ألا ينتهي هذا الشهر ونحن جميعا تائبين إلى الله طالبين منه السماح والمغفرة، شهر سعيد.
نهنئكم بحلول شهر رمضان المبارك فهو شهر الغفران والرحمة والأيام السعيدة الجميلة.
قبل تعليق الزينة بحلول رمضان نهنئكم جميعا على قدوم أفضل الأيام إعادة الله علينا وعليكم بالخير.
المصدر: بوابة الفجر
كلمات دلالية: رمضان رمضان2024 تهاني شهر رمضان رسائل تهنئة شهر رمضان شهر رمضان
إقرأ أيضاً:
بالمصرى أسئلة بديهية بمناسبة الشهر الكريم
تابع أحدث الأخبار عبر تطبيق
أسئلة بديهية بمناسبة حلول شهر رمضان المبارك بتخلينى أستغرب وأفكر ومحتاج نفكر مع بعض ونلاقى إجابات يقبلها المنطق والعقل.
لو مريض بمرض مزمن وماينفعش يبطل العلاج وربنا أعطاه رخصة الإفطار علشان صحته يقوم هو يزايد على ربنا ويقرر يصوم وبالتالى حياته تتعرض للخطر ويتعب أكتر ويدخل فى مشاكل صحية أكتر ويتعب ويجهد ويعذب كل اللى حواليه!.. هل ده صح؟
هل الصيام عن شرب الميه والأكل فقط ولا اللسان والألفاظ الخارجة والطباع السيئة والنم على خلق الله والكدب والسرقة وكل الموبيقات؟
هل طبيعى تبقى سفرة رمضان مليانة بكميات أكل مهولة وما لذ وطاب وكأننا داخلين فى مجاعة والا مفروض يكون الأكل طبيعى ولو زاد عليه يبقى صنف حادق وصنف حلو وكفى.. بدل التخمة والإهدار للمال والجهد ولنعمة ربنا اللى الناس بتعملها طول الشهر بحجة إن ده شهر كريم؟
إحنا ليه ربطنا رمضان بعادات عجيبة وكأن الصيام مش هاينفع من غيرها؟.. الستات بتنزل تشترى كافتان (قفطان) وتتسابق فى أشكاله وألوانه وتتباهى بأسعاره الخزعبلية علشان الخيم الرمضانية والسهرات والمنظرة الكدابة! والحلو بقى افتكاسات عجب العجاب كنافة بالمنجة وقطايف برجول السمان المخلى وكنافة بالسجق وكنافة بالنوتيلا وفاضل شوية ويعملوها بمحلول معالجة الجفاف والأسعار بقت برقم وجنبه أصفار كتير والناس بتتمنظر بأنها بتهاديها أو بتتهادى بيها وكل مافتكس أكتر كل ماتدفع أكتر وأكتر.
حتى الفول ماتسابش فى حاله.. فاضل شويه ويضيفوا عليه موز باللبن أو معجون أسنان ولو شيطانك وزك ورحت خيمة رمضانية تتسحر هايتقدملك حاجات عجب مالهاش لون ولا طعم وتلاقى نفسك بتدفع فاتورة برضه خزعبلية وتروح بيتك مقهور باكى شاكى وتنزل الفاتورة على الفيسبوك علشان تبقى ترند وكأنك مارحتش برجليك وكأن النداهة هى اللى ندهتك.
أنا بالنسبالى رمضان مفترض يكون فيه إحساس أكبر بالمحتاجين والفقراء والغلابة المحرومين طول السنة الموجودين بكثرة حوالينا فى القرى والنجوع والأحياء الشعبية وطبعاً الأقربون أولى.. لأن مافيش عيلة مافيهاش حد محتاج أو طبعاً أهالينا المنكوبين فى غزه اللى مش عارفين يلاقوها منين والا منين وربنا يعينهم وهما أولى بالفلوس اللى بنهدرها فى أكل نهايته وللأسف بتبقى فى سلات القمامة.
بالنسبالى رمضان هو شهر بتختبر فيه نفسك وتروضها على الصبر واحتمال الجوع والعطش وكمان عن عاداتك السيئة فعلاً وقولاً علشان تكمل بعده طول السنة مش مجرد شهر وخلاص.
بالنسبالى رمضان فيه روحانيات أكتر وتدريب وتطهير للنفس أكتر.. وهو لمة الأحباب فى مكان واحد يتقاسموا اللقمة سوا ويتكلموا ويدفوا قلوب بعض.
أنا بحب فانوس رمضان المصرى القديم القزاز الملون أبو شمعة مش الفانوس الصينى أبو بطارية.. بحب رمضان البسيط والكنافة التقليدية بتاعت جدتى اللى لو كانت بتحب تجود فيها يادوب يتحط جواها شوية سودانى مجروش، والقطايف يادوب جواها زبيب وبشر جوز هند وقرفة.
بالنسبالى رمضان هو كل البيوت فاتحة الراديو على صوت الشيخ محمد رفعت والنقشبندى والراحل سيد مكاوى وبعدها "بلغنى أيها الملك السعيد" بصوت الراحلة زوزو نبيل وبعده كل البيوت بنشوف فوازير نيللى أو شريهان أو فطوطة ومسلسل حلو بنتابعه كلنا وكفى ولا كان فيه إعلانات فيها فواصل مسلسل مش العكس.. بالنسبالى رمضان مافيهوش برامج اللت والدخول فى الأعراض وأسرار البيوت والفضايح علشان نسب المشاهدة.
ياترى إنتوا كمان رمضان بالنسبالكو زمان كان أحلى والا رمضان دلوقتى؟.. وكل سنه وأنتم طيبين.
موعد طرح تذاكر مباراة العراق والكويت بالبصرة