رامي صبري لـ«أجمد 7»: حفل ليالى سعودية مصرية يليق بمصر وفخورين بيه جدًا
تاريخ النشر: 20th, February 2024 GMT
حل السوبر ستار رامي صبري، ضيفا على برنامج «أجمد 7» مع جيهان عبد الله، اليوم الإثنين، على «نجوم إف إم»، للحديث عن آخر أعماله الفنية.
رامي صبري يتحدث عن حفل ليالي سعودية مصرية
وتحدثت عن حضوره حفل «ليالي سعودية مصرية» فى دار الأوبرا المصرية، قائلًا: «هناك تطور ملحوظ واهتمام ومجهود كبير من هيئة الترفيه بالمملكة العربية السعودية وبنش مارك، ومعالي المستشار تركي آل الشيخ، هو بيفكر وينتج ونقدم حفلات مهمة هناك، وجاء لمصر لأنه بيحبها جدا، وهيئة الترفيه بيشتغلوا فن بجد».
وتابع: «اختيارهم لدار الأوبرا لإقامة الحفل شيء محترم لأنها تمثل بلدنا مصر في عالم الفن، وإحساس رائع التواجد وسط هذا الجمع الكبير من فناني مصر والوطن العربي، وكانت حفلة عظيمة جدا بقيادة شركة (بنش مارك) وهما ناس محترفين جدا، وعملوا حفل كبير يليق بالجمهور المصري وكنا فخورين الحقيقة».
كما تحدثت رامي صبري عن أغنية «بين الحيطان» من ألبومه الأخير وسر نجاحها الكبير بين الجمهور، قائلا: «هي أغنية مختلفة في كل حاجة لم تُقدم من قبل، سواء المزيكا أو الكلام، وأنا بغنيها حسيت إني بعمل حاجة جديدة وتليق على كل الحالات التي يعيشها أي شخص سواء وفاة قريب منك أو حبيبتك انفصلت عنك، أنا شخصيا بكيت وأنا بسمعها لتذكري شقيقي الراحل كريم، وهي بتلمس نقطة الفراق، وحتى كنت أريد تصويرها وكأن شخص عزيز عليّ توفى ولكن المخرج قال لي الأغنية كئيبة كفاية، فصورناها فيديو كليب عن انفصال حبيبين».
المصدر: بوابة الفجر
كلمات دلالية: حفل ليالي سعودية مصرية أغنية بين الحيطان برنامج أجمد 7 رامی صبری
إقرأ أيضاً:
رامي صبري يثير الجدل بصورة رفقة تامر حسني
علق الفنان رامي صبري علي صورة له رفقة الفنان تامر حسني عبر صفحته على موقع التواصل الاجتماعي فيسبوك.
وكتب رامي صبري :"أنا بشوف الصورة دي بشكل تاني خالص
أولاً تامر فنان أخ وغالي ومحترم ( وواثق في نفسه ) ودي للاسف مش موجودة كتير في مغنيين كتير ناجحين ولكن عندهم مشاكل كبيرة"
وأكمل :" ومايعرفوش يبقوا زي الراجل المحترم اللي ماسك المايك ده
تامر حسني فنان كبير جداً جداً ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جداً .. أولاً علشان عنده صفاء نفسي مش موجود عندي أنا شخصيا"
وأضاف رامي صبري :"اه والله أنا دايماً ليا رد فعل انما هو بيسيب الحاجات زي ماهي وما بيحبش يرد ودي حاجة صعبة جداً جداً .. عاوز أقول مش كل فنان أو نجم يستحق .. لان دايما الأخلاق واحترام زمايلك هو الموضوع مش بس الفن ".
وأختتم :"شكراً تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه
قريباً جداً هتشوفوا وهاتسمعوا أغنية ( فعلاً مبيتنسيش)
على جميع منصات الموسيقى في العالم".
كولر يستبعد كهربا من قائمة الأهلي أمام المصري