مدرسة لغات تحولت لـ"بلوجر" تقدم وصفات مصرية وعالمية على التواصل الاجتماعي

من أجل تحقيق حلمها منذ الصغر وحبها في المطبخ تكاتفت هي وزوجها في بناء منصه على مواقع التواصل الاجتماعى وبدأت في تقديم وصفات للسيدات المصرية باقل التكاليف لمساعدتهم فى مواكبة الأكلات بأسعار تناسب البيت المصري، ولم تكتفى بهذا قامت بجمع الاكلات العالمية ، وعقب الشهرة تركت التدريس للتفرغ لمتابعيها على السوشيال ميديا.

"قبول".. قصة سيدة يمنية خطفت قلوب المصريين بالشاي الكرك والقهوة العربي قصة وأبطال وموعد انطلاق العرض المسرحي "سناب شات"

وقالت بسمة درغام ، صاحبة 48 عاما ، وتعمل بلوجر عقب تركها للتدريس ، أنا اتعلمت الطبخ من والدتى من صغرى وكنت بحب المطبخ جدآ، ولما كبرت واتجوزت كنت بعمل اكلات الشيف نفسه ميعرفش يعملها، جوزى مصمم جرافيك خدت رايه اننا نعمل منصه على السوشيال ميديا وأقدم أكلات للناس باسعار مناسبة.

واشارت درغام ، المنصة بدأنا فيها من 2010 وتزايدت بشكل كبير لأن الناس حبت واهتمت باللى بقدمة، فقررت أن أتركت التدريس وإن استكمل مسيرة السوشيال ميديا بعد ما زاد متابعيني على منصات التواصل الاجتماعى، قررت أن اصور كل خطوة بعملها من اول ما بنزل اشترى الاكل والاسعار لحد الشكل النهائى فى الطبخه .

اوضحت بسمة ، كملت بدعم زوجى ، امتد الأمر أن أولادى بيساعدوني، عبد الرحمن 19 سنه طالب في ثانية كلية إدارة وتكنولوجيا، وزياد 17 سنة في ثانيه ثانوي، بيساعدونى ديمآ على تطوير المحتوى، وبتقنيات مختلفة قدرنا نوصل إلى قاعدة جماهيرية كبيرة  ، كنت بصور وصفاتي فى المطبخ ، وبعدها انتقلنا لليوتيوب، وقرأت كتير في مجال التصوير والفوود ستايلنج لحد ما وصلت للمستوى ده ومازلت بتعلم.

واوضحت بسمة ، الموضوع معايا لم يتوقف عن وصفات وسوشيال ميديا ، قررت ان اجمع اكتر الشيفات وتشارك بمئات الوصفات في جميع مواقع التواصل الاجتماعي، كمان شاركت في مبادرة النملية لتوثيق الوصفات المصرية ومبادرة نكهة عربية لتوثيق الوصفات العربية، بحاول دايمًا أوصل للناس، الفضل لربنا وجوزي ربنا يجازيه كل خير هو مستشاري الأول وأول شخص بيشوف الصورة قبل النشر وبيناقشني دايمًا ، وبحلم ان يبقى عندى ملايين المتابعين حولين العالم واوصل وصفالتى للعالمية .

 

المصدر: بوابة الوفد