ياسمين عز: ليه الستات بتاخد حلة ورق عنب معاها وهي مسافرة الساحل؟ (فيديو)

قالت الإعلامية ياسمين عز إن الفترة الحالية فترة إجازة وأغلب المواطنين يستغلونها في الترفيه، سواء من خلال السفر للساحل الشمالي أو غيرها من المدن الساحلية للاستجمام وغيره.

أخبار متعلقة

بعد خسارة القمة.. ياسمين عز تدافع عن لاعب الزمالك: «حالته النفسية صعبة»

ياسمين عز تكشف دليل التعامل مع الزوج الزملكاوي بعد خسارة القمة: «بلاش الكلمة دي»

ياسمين عز: اتجوز مُدرّسة «هاتسيب لك حصتها في الفرخة» (فيديو)

وحذرت عز، خلال تقديم برنامجها «كلام الناس»، المذاع عبر قناة «إم بي سي مصر»، السيدات المتزوجات من واحد من الأمور التي قد تفسد متعة المصايف على الأزواج والتي يقع فيها قطاع كبير من السيدات المتزوجات، قائلة: «إوعي تاخدي حلة محشي معاكي وانتي طالعة المصيف أو طالعة الساحل، مفيش مبرر إننا ناخد محشي معانا الساحل».

وتابعت ياسمين عز: «ليه واخدة معاكي حلة ورق عنب للمصيف، إحنا قولنا بانيه متبل بالبيض والبقسماط هيقلب رائحة العربية ولكن ماشي عشان نوفر في الأسعار، والست تكون موفرة لفرعونها، الأسعار بقت غالية وأهي حاجة سريعة تتعمل ساندوتشات على الشاطئ، لكن ليه ناخد محشي معانا المصيف».

وواصلت «عز»: «هتعملي المحشي ازاي في المصيف من غير الشوربة بتاعته، هتعملي المحشي بمرقة الدجاج مش بيبقى حلو، ومن ثم فرعونك حبيبك هيزعل إن الأكل مش حلو وانتي هتقفشي، بدل ما تشموا هوا وتفرحوا مع بعض تتخانقوا وتعكننوا على العيلة كلها وتسمعوا صوتكم على المصيف كله، والموضوع يتحول لمأساة بسبب حلة ورق العنب».

واستكملت أن ورق العنب أو غيره من أنواع المحاشي من الممكن تناولها قبل السفر للمصيف، أو تخزينها ليكون طعاما جاهزا يتم تناوله عقب العودة من رحلة الاستجمام أو الترفيه، «مش لازم ناكل محشي في المصيف يا مدام».

واختتمت ياسمين عز: «أنا بحبك وعاوزة مصلحتك إوعي تاخدي ورق عنب وانتي مسافرة المصيف، والموضوع ده ينطبق كمان على الكرنب والبتنجان والفلفل وأي نوع محشي تاني خُلق في الوجود».

ياسمين عز الساحل الشمالي ورق عنب الستات

المصدر: المصري اليوم