حميدتي بصلي الجمعة وين؟

بعد مضي أكثر من 10 شهور من الحرب التي يخوضها الجيش السوداني لإنهاء تمرد قوات الدعم السريع وتسلسل الأحداث المثيرة المصاحبة لها، ومن ضمنها ظهور واختفاء محمد حمدان دقلو “حميدتي”، حيث كان هذا محور تساؤلات عديدة من المتابعين على شبكات التواصل الاجتماعي.

حميدتي بصلي الجمعة وين؟ سؤال طرحه أحد أعضاء مجموعة إلكترونية يجمع ما بين الجدية والسخرية، وكانت إجابات المعلقين على المنشور بحسب رصد محرر “النيلين” على النحو التالي:

هو حميدتي كان بصلي كان عمل العملو دا؟
مش بصلي الجمعة وين هو حيصليها واقف ولا قاعد ولا راقد؟

الاشاوس عايزين صلاة جماعة معاهو اظهر وبان يا حميدتي
انا حارد ليك يا جماعة، لو هو فعلا موجود في أي دولة ولو حتى في السودان ما في شي بمنع انو يظهر في صلاة جمعة ولا غيرها ـ وخاصة هو بقول انهم على حق ومتمسكين بالدين.

اجي يا اخواني حميدتي شنو البصلي الجمعة، هو الصلاة العادية دي بصليها؟

ورد أحد الدعامة على المنشور قائلاً:
واجعكم وين؟ يظهر تقولو وووب يختفي تقولو وووبين، قائدنا وفارسنا واميرنا يظهر متين ما يظهر ويختفي متين ما يختفي.

ورغم انقطاع الاتصالات في السودان حافظ العديد من المتابعين على وجود ومشاركات فاعلة على شبكات التواصل الاجتماعي، في امتداد للصراع من على الميدان الواقعي إلى الميدان الرقمي.

رصد وتحرير – “النيلين”

المصدر: موقع النيلين