مى فاروق تطرح "كل الحبيبة" على اليوتيوب
تاريخ النشر: 15th, February 2024 GMT
طرحت النجمة مى فاروق، على اليوتيوب، وجميع المنصات الرقمية، ومحطات الراديو، بمناسبة عيد الحب، فيديو كليب جديد لأغنيتها " كل الحبيبة " والتى تتعاون فيها مع الشاعر، تامر حسين، والملحن عزيز الشافعي، والموزع الموسيقى أحمد الموجى، والأغنية من إخراج إيهاب العادلي وأحمد الششتاوى، وتوزيع شركة ديجيتال ساوند.
دارت فكرة التصوير فى إطار رومانسي بسيط، من خلال ظهور مى داخل ستوديو تصوير، وتقوم بعمل جلسة تصوير، وأثناء ذلك تعبر عن فرحتها وشعورها بالسعادة مع حب جديد.
يذكر ان الفنانة مى فاروق كانت قد روجت لأغنيتها الجديدة، عبر صفحاتها الرسمية على المواقع الاجتماعية، ولاقت العديد من التعليقــات والإشادات من محبيها ومعجبيها الذين عبروا عن اشتياقهم لسماع الأغنية.
يذكر أيضا ان مى كانت قد طرحت منذ فترة قريبة، أغنية بعنوان "ليه " كلمات خالد امين، وألحان محمد رحيم،وتوزيع موسيقى أحمد عبد السلام، وإخراج إيهاب العادلي وأحمد الششتاوى وحققت نجاحا كبيرا، على اليوتيوب وجميع المنصات الرقمية والمواقع الاجتماعية.،كما تعيش مى حالة من النشاط الفنى الكبير وتستعد لإحياء مجموعة من الحفلات خلال الفترة المقبلة..
تقول كلمات اغنية "كل الحبيبة ":..
عارِف كُل الحّبيبه
وكلامهم على أغانيهم
وعدد ناس فرحانه بيهم
أنا عشقى أكتر بشوية
مرة أو اتنين لاء ميه
مين فيهم شاف الطيبة
أتحدى ّ أحن ما فيهم
لو شوفوا طيبتك بعينيهم
زى ما شُفتها ب عينيا
يجوا يشوفوا الحنيه
تعرف ساعات ب أستكرتك
على نفسى لما بأبصُ لك
ولما ب أسمع ندِهتك
ياما بعينيا ب أصورك
كل الكلام اللى إتكتب
ف الحُب قبلك ده إتلغىّ
إنت الوحيد اللى إتوهب
وصف الحياة دى كُلها
بكرة حايتقال أسامينا
ل لقلوب لسه بيتلاقوا
حايقلوا فى إتنين ياما دقوا
م الدنيا جمال ليالها
كانوا أغلى حبايب فيها
ده إحنا ف دنيا لوحدينا
ومفيش زينا هنا تاني
لاقيا ف حُضنك ده مكاني
طول مانا شايفاك حواليا
انا مابغمضشى عينيا
عارف فيك حاجه غريبة
وعينيك لما أسرح فيهم
والله دُنيا لوحديهم
دنيا بلفها ميت لفة
وأحُضن إيديك وأتدفى
الناس لو فيهم عيبه
أنا ليه بقى مش لاقيالك
حاجه ألاحظها و أقولهالك
كُلك ياحبيبى مزايا
وحقيقى فرقت معايا
تعرف ساعات ب أستكرتك
على نفسى لما بأبصُ لك
ولما ب أسمع ندِهتك
ياما بعينيا ب أصورك
كل الكلام اللى إتكتب
ف الحُب قبلك ده إتلغىّ
إنت الوحيد اللى إتوهب
وصف الحياة دى كُلها
المصدر: صدى البلد
كلمات دلالية: مي فاروق عيد الحب كل الحبيبة
إقرأ أيضاً:
بالمصرى حضارة وتحضر.. تصرفات محتاجة تفعيل القوانين
تابع أحدث الأخبار عبر تطبيق
للأسف فى بعض السلبيات من المواطنين أعتقد مهم جداً تتغير.. وللأسف دى مش حاتتغير غير بتفعيل قوانين صارمة علشان الناس لو مش حاتتعلم يبقى على الأقل تخاف من العقاب.
الكلاكسات اللى عمال على بطال واللى ماعرفش مين فهمهم إنها دليل على الفرحة لو بيزفوا عروسة، وبدون أى مراعاة إن دى ممكن تكون مزعجة لناس مريضة أو بتذاكر أو حتى نايمة علشان تعرف تنزل شغلها الصبح.
عدم احترام الناس لأماكن مرور المشاة أو الإشارة.. فاتبقى حضرتك سايق وتلاقى حد جرى قدام العربية علشان سيادته قرر يعدى الشارع وطبعاً هو بيعرض نفسه للأذى وبيعرضك أنت كمان لمسئولية أو لا قدر الله مأساة لو مالحقتش تفرمل وتعديه، وفى ناس بيبقى عندها بلادة عجيبه بيعدى ببطء ويعمل نفسه مش واخد باله.
إلقاء القمامة فى الشارع علب حاجات ساقعة على أكياس شيبسى على علب سجاير فارغة على كيس الساندوتش على أى حاجة وكأن الشارع بينضف نفسه تنضيف ذاتى.
العربيات اللى خارمين فيها الشكمان علشان يطلع صوت مزعج وعجيب وغالباً العربية مافيهاش نور فأنت تلاقى حاجة مضلمة ماشية جنبك ومطلعة صوت يخرم طبلة ودنك وقال يعنى كده روشنة.
عربيات النقل اللى أغلبها مافيهاش نور واللى ماشية كأنها عجلة وقاعدة ترمى يمين وشمال وتخليك سايق دفاع عن النفس وتربكك وتبوظ أعصابك.
الخناقات فى الشارع بين الشباب اللى كمان مش عارفة هو جايب موضة حلقة الراس واللبس العجيب اللى لابسه ده منين ونازل وواخد قرار يستظرف على خلق الله.. قال يعنى الواد دمه خفيف وماجابتوش ولادة ومعاهم شوية بنات برضه عجيبة لابسة ضيق وحاطه ٤ كيلو ماكياج ومغطية شعرها قال يعنى محجبة وماعرفش هى البنات دى إزاى أهاليهم سايبينهم ينزلوا متآخر كده وهل شايفين إن لبسهم ده لائق؟.
ده غير بقى نظراتهم الاستفزازية للناس ومش عاجبهم حد وممكن يقرروا ياخدوا صورة فى نص الشارع علشان ينزلوها على مواقع "التفاصل" ونشاهد قبل الحذف.
الشباب العجيب اللى بيدخل مول شلة لا بيشتروا ولا بيقعدوا ياكلوا.. هما داخلين يعاكسوا ويهرجوا بصوت عالى ويرخموا على الناس ويبهدلوا الدنيا ويمشوا.
كمان أنا الحقيقة إتربيت إن عيب صوت البنت يبقى عالى فى العموم وما بالك بقى فى مكان عام طريقة كلام البنات وضحكهم بصوت عالى وكأن مافيش فى المكان غيرهم.. شئ فى الحقيقة منفر ومزعج وعيب ومحتاج إن الأهل يعلموا بناتهم إيه يصح وإيه مايصحش.
المتسولين المحترفين اللى بيدخلوا وسط العربيات ويلزقوا فى شباك العربية وتبقى ماشى خايف تخبطهم وخايف منهم وعليهم وخصوصاً لما بيبقوا أطفال صغيرين.
والسايس اللى بيظهرلك بس وأنت ماشى مش وأنت بتركن.
الكوبرى معمول لتسهيل المرور مش للفسحة ولا لعربيات البطاطا والترمس وحمص الشام والبيض والسميط والقهوة والشاى وتعالى يا شابة أشوفلك البخت.
الميكروباسات اللى ممكن فجأة تقف علشان تنزل حد أو تركب حد ومابتهتمش بالإشارة وممكن تقف فى مدخل شارع وتوقف صف عربيات وراها وطبعاً الكلاكسات شغالة وهو يحلف طلاق بالتلاتة ما هو ماشي.
ولو فضلت أكتب فى السلبيات اللى بيعملها المواطن حاتهاجم من ناس خيالها المريض حايصورلها حاجات وتعمل نفسها بتدافع عن المواطن البسيط الغلبان.. والغلب والله مالوش علاقة بالتصرفات السلبية.
يا ساده.. تفعيل القوانين فى أى بلد متحضر هو اللى بيخلينا نحسد بلاد بنزورها على نضافتها ونظامها لأن الإنسان بطبعه يميل للعشوائية لكن الفرق هو تفعيل القانون اللى بيطبق على الكل دون استثناء.. ده لو نفسنا نتطور ونبقى بلد حضارة وتحضر بحق وحقيق.
طبيبة توضح أسباب خفقان القلب أثناء الحمل وكيفية التعامل معها