إبراهيم حسن: "لازم اللاعبين تعرف أنها مش في رحلة"
تاريخ النشر: 15th, February 2024 GMT
كشف إبراهيم حسن مدير المنتخب الوطني، عن سعادته بتوليه المسؤولية رفقة توأمه مدرب الفراعنة، موجهًا عدد من الرسائل إلى المنظومة الرياضية في مصر.
وتابع إبراهيم خلال المؤتمر الصحفي لتقديم الجهاز الفني للمنتخب: سعداء بوجودنا مسؤولين عن منتخب مصر، البلد التي نعشقها، موكدا أنه علي المستوى الرياضي مثلنا مصر بالشكل الأمثل، حتى أكبر البطولات كأس العالم.
واضاف: أنا وحسام عارفين قيمة منتخب مصر والتيشيرت كويس، ولازم كل لاعب بيمثل منتخب الفراعنة يكون عارف إنه مش جاي رحلة ولا يوم ويعدي، وإحنا مسؤولين عن نقل خبراتنا في الملاعب للاعبين والروح التي كنا عليها في السابق.
المصدر: البوابة نيوز
كلمات دلالية: إبراهيم حسن حسام
إقرأ أيضاً:
طفلك أمانة
اسمحولي التحدث بالعامية في هذه المقالة
دورك كبير جدا ومهم مع طفلك، يعني مش المدرسة لوحدها ولا الأخصائيين لوحدهم، لازم دورك كأب وكأم مهم جدًا في تربية وتعليم وتعديل سلوك الأطفال وتنمية مهاراتهم المختلفة.
يعني محدش يعتمد على المدرس لوحده، الطفل بيقعد في الحضانة أو المدرسة أو حتى الجلسة التأهيلية شوية، لكن بيكمل في البيت باقي الوقت لو أهملته مش هيتعلم من المكان التعليمي لوحده.
عليك إيه؟
1- في حال أي ملاحظات غريبة على الطفل اكشف عضويًا عليه الأول لدى طبيب مختص.
2- لو تمام عضويا ابتدي دور على الجلسات التأهيلية.
3- معاها نفذ في البيت إرشادات الجلسة والبرنامج العلاجي والأهداف، لو منفذتش مش هتنفع الجلسة لوحدها، لازم الجلسة مع دور الأسرة فى البيت.
4- لازم تختار حضانة كويسة وأمنة على طفلك وتعلمه وترفهه برده، أو مدرسة كويسة مفيهاش إهمال ولا تنمر.
5- خصص وقت لطفلك اتكلم معاه ومتستهيفوش.
6- خصص وقت لراحته ورفاهيته حسب سنه وإدراكه.
7- شجعه على ممارسة نشاط رياضي أو فني عشان يلاقى ثقته بنفسه خارج إطار الدراسة.
8- بلاش بلاش بلاش نقد ليه طول الوقت، ده حيجبله ضغط نفسي.
9- اسمع طفلك لو مسمعتوش حيدور بره على إللي يسمعه ومع الوقت وكبر العمر حيفهم إنك أهملته زمان وهو صغير، وممكن يغرق في أصدقاء السوء.
10- متقارنوش بحد وملكش دعوة بأطفال حد تاني دخلوا مدارس ايه وعملوا ايه عشان ميغيرش من حد، وكمان لأن كل طفل يختلف عن التانى بفطرة الفروق الفردية بين الناس.
11- بلاش تشتكى منه وخصوصا أدامه عشان متعقدوش وتزود عدوانيته.
12- افهم طفلك وتقبله كما هو تكن سعيدا وتوصل طفلك للصحة النفسية السوية.
اقرأ أيضاًأستاذ اجتماع: «المواطنة الرقمية» أصبحت جزءًا من تربية الأطفال
صعوبات تعلم الأطفال
بسبب سوء الأحوال الجوية.. «الأونروا» تعلن ارتفاع وفيات الأطفال في غزة إلى 7
رحيل صادم لرياضي مصري واتحاد اللعبة يعلن وقف النشاط