سيد الطيب: هل في عضو لجنة حي ولا لجنة مقاومة ولا عضو نقابة ولا حزب بيتهم ما اتنهب؟
تاريخ النشر: 14th, February 2024 GMT
“يكون من الصعب عليك تصديق ..الحقيقة.. عندما تكون الأكاذيب هي بالضبط ما تريد سماعها”
هل صحيح الجنجويد بسألوا من بيوت الضباط واللجان بتوصف ليهم؟
يعني الجنجويد ما بدخلوا اي بيت الا يسألوا اول ده بيت منو؟
.. الحقيقة ..
الجنجويد احتلوا بيوت الاطباء والمعلمين وضباط الجيش والشرطة والتجار والمزارعين والمغتربين.
هل في عضو لجنة حي ولا لجنة مقاومة ولا عضو نقابة ولا حزب بيتهم ما اتنهب؟ وما اتضرر من الحرب؟
طيب ليه في قناة طيبة وتلفزيون السودان ولايفات صفحات الكيزان كل الكلام عن اللجان متعاونة مع الجنجويد وبتوصف ليهم البيوت؟
مع انو ناس اللجان ديل نفسهم مافيهم زول بيتو ما اتنهب..
انت عارف وهم عارفين .. الجنجويد نهبوا كل البيوت بلا فرز.
نهبوا البيوت في المدن .. ونهبوا البيوت في القرى..
الجنجويد لصوص ما عارفين الفرق بين بيت الكوز الفاسد وبيت الثائر الشريف.
نهبوا بيوت اسر اتبنت بعرق جبينهم ودم قلوبهم وشقى عمرهم.
ونهبوا بيوت كيزان بنوها بالفساد وسرقة المال العام.
في الظروف دي لما يكون همك تصفى حساباتك الوسخة مع اللجان يبقى حربك الحقيقية ما مع الجنجويد وعامل حساب انك بكرة بتتفق معاهم وبترجعوا واحد زي ما كنتوا قبل اقل من عام.
وبينما انت شغال ده ما وقتو .. ده ما وقتو .. اعرف انهم مؤمنين انو ده الوقت المناسب جداً للقضاء عليك تماماً مرة واحدة والى الابد.
سيد الطيب
المصدر: موقع النيلين
إقرأ أيضاً:
إستهداف الجنجويد للمنشآت المدنية جريمة حرب مكتملة الأركان
حسب القانون الدولي، إستهداف الجنجويد للمنشآت المدنية مثل الخزانات ومحطات توليد الكهرباء والكباري جريمة حرب مكتملة الأركان، إذ أن القانون يمنع تدمير البنية التحتية المدنية. لكن شرائح واسعة من الطبقة السياسية السودانية لا تتصدى لهذه جرائم حرب بالفعل المناسب واللغة المناسبة ببساطة لأنها تعول على عنف الجنجويد وتدمير هم للوطن لإجبار الجيش على تسوية تعيد قيادات هذه الطبقة لشراكة في السلطة تغير الوجوه ولا تغير السياسات كما كانت سابقتها المثالية المتناغمة.
المسكوت عنه يكشف أكثر ما يظهر المنطوق، وكذلك تفعل اللغة المخاتلة والتظاهر وإمساك العصا من منتصف لم يعد له وجود.
معتصم اقرع
إنضم لقناة النيلين على واتساب
منتخب مصر للناشئين والناشئات في الجودو يتصدر البطولة العربية بـ10 ميداليات