لأول مرة منذ 30 عاما السودانيين يفاجئون بمشكلة تستعصي على الكيزان أنفسهم
تاريخ النشر: 13th, February 2024 GMT
درس قاسي للسودانيين .. بالذات الذين كانوا ينتظرون مؤسسات الدولة العميقة تنتهي ليهم من المليشيا والغزو الأجنبي بسرعة، وبعدها الكيزان يرجعوا والأمن يستتب .. ليس حبا في الكيزان .. لكن عشان يمارسوا هوايتهم السودانية الاصيلة .. يشتموهم في بيوت البكا والأعراس والمنتديات وينظروا للحلول .. ويلخوا الكسرة بأم رقيقة وجيب الشطة يا ولد.
أجمل حاجة بالنسبة للسوداني كانت انه يلقى ليه حكومها تتحمل المسئولية ويمارس معاها البطولات في الفضاء المفتوح .. وبعدها يشوف قريبه أو صاحبه فيهم ويشيل ورقك وتصاديقه ولسانه الطويل ويمشي ليه .. ويشتغلها ليه وهو يشرب القهوة وبرضو يشتم فيه .. (ناسك ديل كعبين لكن انت زول كويس ومخلص ومغشوش فيهم).
لأول مرة منذ ثلاثين عاما يفاجئون بمشكلة تستعصي على الكيزان أنفسهم .. بالمناسبة قد تصلوا لدرجة تحنسوهم وتحلفوا عليهم عشان يرجعوا .. نصيحتي كانت انو اي إعلان سياسي جديد يختصر الطريق ويقول حوار يشمل كل القوى السياسية وبالذات المؤتمر الوطني والحركة الاسلامية وبالذات أحمد هارون والكيزان الملاحقين خارجيا .. لانه درجة تركيزهم على الداخل أشد واحتياجهم للسند الشعب أكثر. أما المقبولين في الخارج .. ايقاعهم بطيء ورايقين.
مكي المغربي
المصدر: موقع النيلين
إقرأ أيضاً:
على قادة هذه الميليشيا التوقف عن قتل السودانيين وتشريدهم
لأكثر من عام والجنجويد شغالين في سكان الجزيرة نهب وتشريد وسفك للدماء، عشرات المجازر، على رأسها مجزرة الهلالية والسريحة وود النورة، تسببوا في نزوح ثلاثة ملايين مواطن، اغتصبوا مئات الفتيات، دمروا المشروع الزراعي ونهبوا المحاصيل وذبحوا البهائم،
ووصل بهم الحقد حد كسر الترع وإغراق القرى بمن فيها، واليوم في أول هجوم قامت به القوات المشتركة على قاعدة الزرق_ معقل آل دقلو ومهجع مصارينهم البيض_ تعالت صرخاتهم للمطالبة بحماية السكان وحقوق الإنسان، فهل إنسانهم غير إنسان الجزيرة أَمْ لهم بَرَاءَةٌ فِي الزُّبُرِ؟ على قادة هذه الميليشيا التوقف عن قتل السودانيين وتشريدهم، فالحريق الذي أشعلوه في هذا البلد المسالم لن يكونوا بمأمن منه.
عزمي عبد الرازق
إنضم لقناة النيلين على واتساب
بعد اجتماع مع الشرع..سوريا: اتفاق على حل الفصائل المسلحة