لقيتوا الراجل عم احمد رجل كبير سن ومسكين قلتوا تكملوا رجالتكم واستعراضكم فيه !

( بعض ) من الشعب السوداني بحقر بالزول المسكين والما عندو لسان وما عندو معرفة كويسة …
أولاً –
الذين وجهوا سهامهم تجاه الرجل المسكين ( عم أحمد ) المتواجد في ( التك توك ) بالسباب والشتيمة بل حرضوا علي فتح بلاغات في السعودية ضده وتكالبوا البقية بالإصطياد في المياه العكرة وحاولوا توصيف مكان سكنه وأرادو قطع عيشه وعيش اولاده لا يعلموا أي ضرر ممكن يلحقوا بيهو وهم ما عارفين ظروفه هل هو مريض أم لا ؟
مع إختلافي الكامل مع سلوك ( عم أحمد ) في التك توك وأنا ضدو.

.
لكن السؤال —
هؤلاء الحاقدين من السودانيين ما شايفين ( بعض ) من بنات السودان يلعبوا جولات ويعملوا عليهم أحكام ويستحموا في الدش قدام خلق الله أمام الكاميرا !
هؤلاء الحاقدين ما شايفين ( بعض ) من بنات السودان يلعبوا جولات ويتمسحوا في كل أماكن جسدهم قدام الكاميرا !
هؤلاء الحاقدين ما شايفين ( بعض ) بنات السودان رموا بعلم السودان في الأرض!
هؤلاء الحاقدين ما شايفين ذلك الشاب السوداني المشهور الذي يشبه المراة في التك توك بتلفظ بقول شنو ومطول لسانو مع بنات من كل الدول وقدام الكاميرا بطلب منهم أشياء تافهه !
هؤلاء الحاقدين ما شايفين الراجل السوداني الذي عمل عملته الحقيرة في قست قدام الكاميرا قدام خلق الله !
الأمثلة الفوق دي كلها أتكلمتوا عنها ولا فكرتوا تقولوا كلمة ولا تفتحوا خشمكم دا !
الأمثلة الفوق دي كلها داست بسمعتكم الأرض وسمعة شرف البلد كلها وبرضو ما بتقدروا تتكلموا طبعا ؟
الأمثلة الفوق دي لي ما قلتوا عايزين تفتحوا فيهم بلاغ وترحلوهم السودان ؟
لقيتوا الراجل عم احمد رجل كبير سن ومسكين قلتوا تكملوا رجالتكم واستعراضكم فيه !
عليه ( بعض ) السودانيين بتفقوا علي الناس الضُعفاء لكن الأقوياء وإصحاب اللسان ما بهبشوهم ،،،
ناس حقارة وحاقدة وبتاعين وجاهات وبتاعين تراكيب ..
هو في جريمة وسمعة أكتر من رمي علم السودان ودوسو بالجزمة الحصلت قبل أيام في التك توك ..
( نداء لأهلنا من النيل الأبيض في التك توك كلهم أمشوا لي عم أحمد دا واقعدوا معاهو برواق وبأذن الله بحصل خير لا تتركوه للكلاب الضالة ديل ) …
عائشة الماجدي

المصدر: موقع النيلين