صبري فواز يكشف الهدف من مسلسل "وبينا ميعاد 2"
تاريخ النشر: 12th, February 2024 GMT
أكد الفنان صبري فواز فى تصريحات تليفزيونية أن الهدف من مسلسل “وبينا ميعاد2” أن نتقرب شوية من نفسنا وقلبنا ونضم على حضن بعض كعائلة ونتشاور على العلاقات الانسانية بجمالها ومشاكلها وفكرة التعامل مع الأبناء".
وأضاف صبري فواز، خلال حوار ببرنامج "السفيرة عزيزة"، المذاع على قناة دي أم سي، أن الفن ليس مطلوبًا منه تقديم الحلول فقط وعلى الأقل يشاور على المشاكل ويغوص في مشاكل العائلة، ويجب على الأب والأم التعامل بمنطق وجهة نظر الأبناء عشان يعرفوا يقنعوهم.
وتابع: "الناس محتاجة الدراما الاجتماعية بدليل لما عملنا الجزء الأول اتعمل مجموعة المسلسلات بنفس الشكل وفي عطش أن الناس تشوف نفسها"، متمنيًا أن يكون للجزء الثاني نفس صدى الجزء الأولى، موجها رسالة لكل أب يطالب بالاستماع إلى مشاكل أبنائه.
وكان أكد الفنان صبري فواز أنه لن يظهر في أى عمل درامى خلال شهر رمضان المقبل، لافتًا إلى أن مسلسل "وبينا ميعاد" سوف ينتهى قبل شهر رمضان، ولذلك قرر عدم المشاركة خلال شهر رمضان حتى لا يثقل على المشاهد.
وأضاف: ولذلك فهي فرصة أيضًا بالنسبة له هذا العام ليقضى إجازته في هذا الشهر للراحة والعبادة والأسرة.
ويشارك صبري فواز حاليًا فى مسلسل “وبينا ميعاد 2” الذي نال اعجاب الجمهور.
قصة مسلسل وبينا ميعاد
ويذكر ان دارت أحداث الجزء الأول من المسلسل حول عائلتين مختلفتين؛ عائلة حسن (صبري فواز) الذي توفيت زوجته وتركت له أربعة أولاد (على وطاهر ومراد ومصطفى) نشأوا على الديمقراطية، وعائلة نادية (شيرين رضا) التي طلقها زوجها تاركا لها أربع فتيات (أروى وهند وليلى ونيللي) نشأن على الكبت والديكتاتورية، تحاول الفتيات الخروج من تحت سيطرة الأم لممارسة حياتهن العادية، لكن الأم تراقب الجميع طوال الوقت.
أبطال مسلسل وبينا ميعاد 2
ويشار إلى أن المسلسل بطولة شيرين رضا، وصبرى فواز، ومدحت صالح، ووفاء صادق، وبسمة، وإيهاب فهمي، وهيدي كرم، ونور محمود، ومحمد مهران، وأسامة الهادي ويوسف الكدواني، ويوسف إبراهيم، وأميرة أديب، وآية سليم، وتسنيم مطر.
وكان حرص المطرب هيثم سعيد على الرد بشان تساؤل الفنان صبري فواز عن الفرق بين أغنية "قشطة يابا" وأغاني المهرجانات بعد طلب صبري من المتخصصين في الفن الرد على استفساره.
وقال هيثم سعيد عبر حسابه على فيس بوك : "أقول لحضرتك يا أستاذ صبري قشطه يابا، الشاعر بيقدم الكلمات للمصنفات الفنيه مكتوبة قبل التنازل للمطرب، بتفحصها لجنه قراءة للتأكد من خلوها من أي الفاظ أو ايحائات غير لائقه ومن أصالتها "مش مسروقه يعني" وبعد الموافقه اللي بتستغرق 3 أيام عمل بييجي الشاعر مره كمان عشان يستلم الموافقه وبعدين يعمل التصريح/ التنازل للفنان عشان يدخل يسجل الأغنيه
وبعدها يطرحها".
وأضاف: "إن لم يتم الموضوع بالألية السابقه تقوم النقابه بإتخاذ الإجراء المناسب نحو الفنان النقابي سواء عامل/منتسب سواء بالإيقاف أو الغرامة".
وتابع: "أما عن المهرجان بيكتب الأغنية، يسجلها، يطرحها يعني الفرق ما بينهم زي الفيلم اللي حضرتك بتمثله كده وافلام التيك توك بتاعة ايه ده.. ده مالطو أو الفيلم الإباحي اللي اتصور عند الهرم أو أي محتوى درامي خاص يعرض على الإنترنت بدون رقابه، بس يا أستاذنا".
المصدر: بوابة الوفد
كلمات دلالية: صبري فواز وبينا ميعاد 2 العلاقات الإنسانية السفيرة عزيزة دي أم سي وبینا میعاد صبری فواز
إقرأ أيضاً:
تامر حسني يرد على منشور رامي صبري
رد الفنان تامر حسني علي منشور الفنان رامي صبري عبر صفحته على موقع التواصل الاجتماعي فيسبوك.
وكتب تامر حسني:"حبيبي يا رامي إنت قبل ما تكون نجم كبير و مُهم إنت صاحبي من أيام الطفوله و دي حاجات الناس متعرفهاش و يمكن مكنش في فُرصه نحكي ده قبل كده .. إنت يا رامي صاحب عُمر و مشوار مشيناه من الطفوله و أنا في الصوره ماسك المايك لأخويا و لصوت مصري عظيم يستحق …. شُكراً يا حبيبي على كلامك الغالي اللي من القلب أنا فعلاً إشتغلت معاك من كل قلبي و بكُل حرص علينا إحنا الاتنين بكُل التفاصيل بدافع الحُب و الصداقه و إن ربنا يكرمنا مع بعض … أعتقد إن التعاون ده هيحمس كُل جيلنا إنه يعمل أفكار مشاركه كده وأنا بنادي بيها من زمان من أيام تامر و شيرين و بعدها تامر و بهاء في أغنية قوم اقف وأنا وإنت بعدها إتكلمنا من سنين عشان نجمع البعض من جيلنا و عملنا المستحيل و للأسف معرفناش فقولنا نبدأ بنفسنا عشان نحمس الكُل … حقيقي جمهورنا يستاهل مننا كُل الجديد و كل المُفاجآت اللي تفرحه و المطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم إنتظروا كليب فعلاً مبيتنسيش بيني و بين أخويا النجم الكبير رامي صبري باشا".
وكان قد علق الفنان رامي صبري علي صورة له رفقة الفنان تامر حسني عبر صفحته على موقع التواصل الاجتماعي فيسبوك.
وكتب رامي صبري :"أنا بشوف الصورة دي بشكل تاني خالص ..أولاً تامر فنان أخ وغالي ومحترم ( وواثق في نفسه ) ودي للاسف مش موجودة كتير في مغنيين كتير ناجحين ولكن عندهم مشاكل كبيرة".
وأكمل :" ومايعرفوش يبقوا زي الراجل المحترم اللي ماسك المايك ده تامر حسني فنان كبير جداً جداً ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جداً .. أولاً علشان عنده صفاء نفسي مش موجود عندي أنا شخصيا".
وأضاف رامي صبري :"اه والله أنا دايماً ليا رد فعل انما هو بيسيب الحاجات زي ماهي وما بيحبش يرد ودي حاجة صعبة جداً جداً .. عاوز أقول مش كل فنان أو نجم يستحق .. لان دايما الأخلاق واحترام زمايلك هو الموضوع مش بس الفن ".
واختتم :"شكراً تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه قريباً جداً هتشوفوا وهاتسمعوا أغنية ( فعلاً مبيتنسيش) على جميع منصات الموسيقى في العالم".
لهذا السبب.. كولر يجب أن يرحل في يناير