شنو اي زول نزل بوست عن انقطاع الانترنت والاتصالات الهاتفية في السودان تجو ناطين ليه كان قاطع في دارفور من 10 شهور؟ دي مزايدة جديدة كمان ولا نوع جديد من الابتزاز الرخيص؟
لا وكمان وصلت مرحلة فلنقاي تابع لحركة مناوي جاي في صفحتي يقول لي يا عنصري ليه ما اتكلمت عن انقطاع النت في دارفور

بالله شوف الناس دي وصلت ياتو مرحلة في الوضاعة

ياخ اخر خطاب لفكي جبريل ممثل دارفور في اعتصام الموز وحكومة انقلاب 25 أكتوبر 2021 بتكلم عن الاستنفار من اجل تحرير الجزيرة ما جاب سيرة انقطاع النت في دارفور بالغلط.


اخر خطاب لرئيسك مني اركو مناوي قاعد يحكي في نكات ويطاعن في ناس الحرية والتغيير وما جاب سيرة انقطاع الانترنت ولا في شكل قصة من قصصه البايخه.

نحن ما قاعدين ننحاز لي اقليم ولا جهة ولا قبيلة وإلا ما كان هتفنا ضد المخلوع البشير والمؤتمر الوطني المنحل يا عنصري ومغرور كل البلد دارفور.
الفرق بينا وبينك اننا ما قاعدين ندي فرصة لي زول يقول هو ممثلنا الجغرافي ونقدسه لو اشتغل لمصلحة المنطقة او استغل المنصب لمصلحته الشخصية.
بنعتبر التوم هجو ممثل الوسط بنعتبرو زكاة الاقليم

الجاكومي ممثل الشمال هل تعلم انو ما لقى اي فرصة غير يمشي القاهرة يلولي عيال صلاح قوش ننني ننني..

حصل يوم سمعت بي واحد مننا طلع قال استهداف الجاكومي استهداف للشمال، او استهداف التوم هجو استهداف للوسط

بتدافع عن ارجوازات زي مناوي وخائن زي فكي جبرين استرخص حتى دم اخوه من اجل المنصب وجاي تتبكى وتقول ما اتكلمتوا عن انقطاع الانترنت.

بنتكلم عن انقطاع الانترنت لما قطعتو سوا في فض الاعتصام وفي انقلاب 25 أكتوبر وبنتكلم عن انقطاع الانترنت الان لانو مرتبط بحياة الناس وما رفاهية بالنسبة لينا.

القطعوا الاتصالات في كل السودان ياهم ذاتم الارتكبوا الجرائم في دارفور وياهم ذاتم الكنت قاعد معاهم في اعتصام الموز بتهدد في المواطنين السودانين بنقل الحرب للخرطوم وبتهتف ليهم الليلة ما بنرجع الا البيان يطلع.

حا تفضل لي متين حاسي بالدونية والنقص والسودانين كلهم ضحايا حروب واتساووا في النزوح واللجوء والتشرد وفقدان الامن والامان؟

قبل ما تحوم في صفحات الناس وتلومهم امشي لي شيخك الشوم فكي جبريل وامشي لي رئيسك الارجوز مناوي قول ليهم بدل عايزين تستنفروا للجزيرة وتحكوا نكات لي ناس بورتسودان اتكلموا عن دارفور شوية لانكم قاعدين في السلطة الانقلابية باسمها وعندكم معسكرات نازحين الناس بتموت فيها بالجوع. واتذكر كل اجزاءه لنا وطن يا فلنقاي لذلك نرفض الحرب لانها اكبر جريمة ترتكب في حق الشعب.

* تعريف الفلنقاي: هو الشخص الذي يخدم السلطان بمقابل مادي أو معنوي بدون التفكير في الآثار والمضار الأخلاقية والوطنية والإنسانية لما يقوم به.

سيد الطيب

المصدر: موقع النيلين

كلمات دلالية: عن انقطاع الانترنت فی دارفور

إقرأ أيضاً:

جيش سوداني عرمرم وأسود الدروع وكل قوات الإسناد في طريقها إلى دارفور

#خلاصة_الوضع_العسكري في 5 اخبار :
١/ الجنجا بدات حفر خنادق حول الضعين ونيالا و…
٢/ جيش عرمرم وأسود الدروع وكل قوات الإسناد في طريقها إلى دارفور
الجيش المخابرات الاحتياطي الإسناد

13 متحرك و (… ) الف مقاتل و 3000 آلية قتالية ستحدث الفرق
٣/ عمد الإدارة الأهلية المتواضعة مع الجنجا واسرهم انتقلوا لجنوب السودان في الطريق الى يوغندا

٤/ قيادات شعبية واهلية من المسيرية بدأت سحب أبنائها للموطن وتدير حوارا مع ال.. لإيقاف القتال
٥/ وصول باخرتين مكملات بأحدث العتاد إلى بورتسودان والتفريغ اشتغل
كبروا الله ادعوا لجيشكم وقعدوا فراجة
#الجيش_السوداني #السودان #معركة_الكرامة
الحكيم محمد هاشم الحكيم

إنضم لقناة النيلين على واتساب

مقالات مشابهة

  • ذَهاب دارفور سيقود إلى فُقدان الشرق
  • حر الصيف يدفع الناس للغليان ضد سلطات الامر الواقع في عدن  
  • منظمة انتصاف تدين استهداف العدوان الأمريكي حي وسوق فروة بالأمانة
  • صيانة فنية في مقسم القريا بالسويداء لتفادي انقطاع الاتصالات
  • منظمة انتصاف تدين استهداف العدوان الأمريكي حي وسوق فروة بأمانة العاصمة
  • الأمم المتحدة: انقطاع الإغاثة عن شمال دارفور يعرض النازحين لخطر الأوبئة والمجاعة
  • السودان مأساة لا تنتهي: آلاف النازحين يصلون شمال دارفور هربًا من قوات حميدتي
  • جيش سوداني عرمرم وأسود الدروع وكل قوات الإسناد في طريقها إلى دارفور
  • د. محمود المساد يكتب .. بين قانوني الجرائم الإلكترونية، وضريبة الأراضي والأبنية
  • هيئة الأوقاف تُدين العدوان الأمريكي على مقبرتي ماجل الدمة والنجيمات بالأمانة