تامر حسني يتصدر تريند "يوتيوب" بأغنية "موضوع رجوعنا" و"ولايهمك"
تاريخ النشر: 10th, February 2024 GMT
طرح نجم الجيل تامر حسني منذ عدة أيام أحدث أغاني ألبوم “هرمون السعادة”،وهما "موضوع رجوعنا"، و"ولا يهمك " واستطاع أن يحقق من خلالهما نجاحًا كبيرًا.
تامر حسني يتربع على عرش “يوتيوب”
واستطاع أن يتربع على عرش "يوتيوب "بالأغنتين، حيث تصدر بموضوع “رجوعنا” المركز الأول، و"ولا يهمك" المركز الثاني.
تامر حسني ينافس على المراكز العالمية
ومن جهة أخرى، ينافس تامر حسني بالعالمية، حيث نشر من خلال حسابه الشخصي بموقع تبادل الصور والفيديوهات إنستجرام إستوري بأنه تصدر المركز الخامس في تريند “يوتيوب”عالميًا بأغنية "موضوع رجوعنا"، والمركز السادس بـ" ولا يهمك".
كليب "موضوع رجوعنا" شاركت في بطولته الفنانة رانيا منصور والأغنية من كلمات الشاعر تامر حسين وألحان مدين وتوزيع وسام عبد المنعم وإخراج تامر حسني
كلمات أغنية "موضوع رجوعنا"
بتلومنى ليه
على إنى عِشت وشُفت بعدك
طب ما أنت برضهُ مشيت
و ماعملتش بوعدك
بقى حلو ليك وبقيت عليا مِحرمهُ !
هُما اللى حبوا بعد فُرقه أجرموا ؟
إحساسي كنت مموته وملجِمهُ
وحرمت نفسي من أحاسيس جه وقتها
مالناش حقوق على بعض مش خلصت بقى
ولا ليك تغيرِ على حاجه يوم أهملتها
القلب صعب يلاقى راحته ولو لقىّ
يفضل مِتبت ف الحياه ويحبها
مابقاش فى بينا ذكرى حُب نِخلده
موضوع رجوعنا مستحيل إستبعدهُ
ولا أخلى قلبى حد يوم يستعبده ُ
ولا أخلي حد ف يوم ينزل دمعتى
بقى ليك حياتك ليك حبيب يستعجلك
دلوقتى تِلحق رد شوف بيرنلك
الوقفه دي مش حقنا وإعمِل حساب
عندي حبيب ب أحتِرمهُ حتى في الغياب
تفاصيل كليب "ولا يهمك"
وطرح أيضًا تامر حسني كليب "ولا يهمك" ووجه في الكليب حديث لفتاه تعرضت للأذي والخيانة من حبيبها وصديقتها سويًا فيوجه لها حديث أنها تنسي الإثنين معًا وتبدأ حياتها من جديد دون الرجوع لأي منهما، وأغنية "ولا يهمك" هي من كلمات وألحان وإخراج تامر حسني وتوزيع عبد الرحمن شوقي.
كلمات أغنية "ولا يهمك"
أعرف واحده حبت واحد
واديتله كل حياتها
وثقت فيه بقى هو الدنيا
وسبب فرحتها
أعرف واحدة حبت واحد
واديتله كل حياتها
فجأه سابها باعها في ثانية
حب صاحبتها
ولا راعوا مشاعرها
ولا حتى عشرة زمان
دبحوا بدم بارد
لمجرد إدت أمان
كانت أقرب صاحبه ليها.. آه
وده رد الجميل
وهو متغيرش لا
ده اعتزل التمثيل
ولا يهمك أنا عارف إنك
صاحية نايمة قلبك حزين
حبيب ندل صاحبه خاينه
ومكنتش النيه باينه من الإتنين
دول صدمتين
المصدر: بوابة الفجر
كلمات دلالية: أحدث ظهور لـ تامر حسني آخر أعمال تامر حسني موضوع رجوعنا تامر حسنی ولا یهمک
إقرأ أيضاً:
"أي كلمة بتضايقني بحولها لطاقة نجاح".. تامر حسني يوجه رسالة للشباب
دئمًا ما يسعى نجم الجيل تامر حسني على دعم الشباب وتوجيه رسائل لهم لتشجعيهم وتحقيق أحلامهم، باستشهاد لبعض المواقف خلال مسيرته الفنية، حيث كشف مؤخرًا عن سبب استمراره في تأليف وتلحين أغانيه، وذلك عبر حسابه الرسمي على موقع الصور والفيديوهات "إنستجرام".
وكتب تامر حسني: "زمان وأنا ببدأ حياتي مكنتش ناوي إني أصمم أكتب أغانيا وألحنها، عملت أول لحن في حياتي لأغنيه اسمها راحت حبيبتي في ألبوم تامر وشيرين، وإنتوا عارفين الألبوم ده إزاي نجح وكل أغانيه نجحت، وكانت الأغنية كلمات الشاعر الكبير بهاء الدين محمد، طلع صحفي ينتقدني وكتب هو أنت لحقت تنجح عشان تلحن".
وتابع: “فسألت نفسي هو كتب كده ليه مع إن الأغنية من أنجح أغاني الألبوم وأكتر أغنية ساعتها أثرت في الشباب، فسألت هو مين الصحفي ده طلع صاحب مطرب معين فعرفت إنه يمكن يكون غيران شوية وخلاص، بعد شوية نزلت أغنية عيونه دار وكسبت مسابقة كبيرة جدًا في مصر ساعتها على نجوم اف إم، وأخدت لقب أغنية القرن، فطلع نفس الصحفي كتب إنت مصمم تلحن ليه تخيلوا أغنية حاصلة على لقب أغنية القرن وبتتحارب !!! من هنا خدني الحماس أدور جوه نفسي وأركز جامد إني أغيظه ومش بس ألحن لاء أنا هلحن وهكتب أغانيا”.
وأردف: "وفعلًا من قلبي بشكر الصحفي والمطرب اللي خلاه يكتب كده لآن لولاهم مكنتش عملت الأغاني اللي هذكرها دي ومكنتش هبقى في مكانتي دي وياريت تركزوا إنهم كلهم كلامي ولحني عشان في ناس كتير متعرفش (نور عيني، كل مره، لما بتكون بعيد، أنا مش عارف اتغير، يا بنت الايه، قسمة ونصيب، هي دي، أنا ولا عارف، يا تاعبني، ضحكتها مبتهزرش، ماتوصينيش، إرجعلي، ميحرمنيش منك، الله يباركلي فيك، صوتِك، بغير عليها، اسكتي، حرقة دم، زي الأيام دي، تليفوني رن، سي السيد، 100 وش، هدلعني".
واختتم تامر حسني قائلًا: "طبعًا لسه في أغاني كتير بس دول اللي حضروا في ذهني دلوقتي ولما لحنت وألفت لغيري كانوا أغنيتين (قوم اقف وأنت بتكلمني لبهاء، وبص بقى لشيرين)، كل دول كلماتي وألحاني تخيلوا بقى قد إيه الصحفي ده والمطرب اللي زقه عليا فادوني في مستقبلي قد إيه كلمة جارحة المقصود منها تحطيمي بكرم ربنا أقدر أحوّلها لأحد الأسباب اللي تخليني أنجح وأكمل 20 سنة من كلامي وألحاني بكتب البوست ده عشان عارف إن كتير مننا بيسمع كلام مُحبط كل يوم فبلفت نظره إنه عنده فرصة كل يوم إنه يسمع كلمة تضايقه عشان يحولها لطاقة نجاح عظيمة تفرق في مستقبله وحياته".
الشباب والرياضة تواصل تنفيذ مهرجان ليالي مراكز الشباب ويصل للدقهلية