أزمة تطبيق بنكك الخاص ببنك الخرطوم أكبر بنك في السودان
تاريخ النشر: 3rd, February 2024 GMT
السادة بنك الخرطوم… واضح جداً أنكم لما كتبتوا الإسلوغن بتاع تطبيق بنكك :(مافى حدود مافى مستحيل) ماكنتوا عاملين حساب الظروف الحالية دى!!
وواضح كمان إنكم ماقادرين تسيطروا على السماسرة وتجار الأزمات البيستغلوا حوجة الناس ويرجعوا خدمة بنكك الفقدوها كتااار بى مبالغ فلكية أقلاها ٢٠٠ ألف جنيه من زول منكوب أصلاً!!
نحن مقدرين جداً صمودكم ووقفتكم القوية وحقيقة سترتونا فى كتير من المواقف وإجتهدتوا فى المحافظة على إنسيابية الخدمة… لكن للأسف ماقدرتوا تعالجوا مشكلة إستعادة الحسابات الضاعت بسبب نهب التلفونات وتغييرها والنزوح واللجوء وغيرها من أسباب قسرية إتفرضت على الناس.
رجااااءاً راعوا للعملاء الفى ذمتكم ديل…فى كتااار حياتهم واقفة ومصالحهم معطلة.. والإستغلال الحاصل ده بيعرض معلومات الحساب للخطر وبيدخل الناس المضطرة دى فى حتة ضيقة جداً ولايخفى عليكم الحوجة الكبيرة لخدمتكم الجليلة.
نقول هذا وكلنا أمل وثقة فى حرصكم وتقديركم وإهتمامكم.
ودمتم
داليا الياس
داليا الياس
المصدر: موقع النيلين
إقرأ أيضاً:
معارك دارفور .. على طريق الجزيرة -الخرطوم-كردفان
من كل النواحى تجرى التجهيزات لمحاربة الجنجويد في ولايات دارفور و مطاردتهم مثلما حدث في ولاية الجزيرة والوسط عموما والخرطوم و كردفان الكبرى
كافة الاستعدادات لإسناد القوات المرابطة في الفاشر ودعمها بمتحركات من كردفان ومن الشمال
لم تعد خطوط الإمداد عبر ليبيا أو تشاد كما كانت ومهابط الجنجويد باتت تحت الطيران الحربي الجديد والكماشة تضيق يوما بعد يوم
ستكون معارك دارفور هي الجحيم الذي يقضي على الجنجويد جراء ما ارتكبوا من انتهاكات في دارفور وفي كل مكان من السودان
بكرى المدنى
الفاخري: نرفض العقوبات الأمريكية على جنوب أفريقيا