هنا الزاهد تكشف عن علاقتها بأحمد فهمي بعد انفصالهما

كشفت الفنانة هنا الزاهد عن علاقتها بالفنان أحمد فهمي خاصة بعد انفصالها عنه، موضحة أن انفصالهما تم في هدوء نظرًا لوجود عشرة بينهما لمدة خمس سنوات.

 

وقالت هنا الزاهد في تصريحات إذاعية: مش لازم كل اتنين يبقوا مع بعض ويبقى فيه مشاكل، فيه ناس مش بيتوافقوا مع بعض وبيبقى في منتهى الشياكة والاحترام وكنا أصحاب في الأول وفيه بينا عشرة 5 سنين وهو شخص محترم جدًا، ومفيش أي ضغينة.

 

وأضافت هنا الزاهد: ومش شايله هم أشوفه وشوفنا بعض في جوي اوردز وسلمنا على بعض وهو دلوقتي صديق وزميل في المهنة وده عشرة كبيرة، وأي حد بيجيب سيرة أي حد تبعه أو هو بحط إيدي في عينه.

 

وأردفت هنا: الحياة مش بتقف، فيه حاجات بتضطري فيها تقولي لا خلاص النصيب لحد هنا، وده مش معناه إني وحشة أو هو وحش والحياة بتكمل، في الأول الحاجة صعبة جدًا عشان فيه عشرة والحياة مكملة ولازم تقفي والحمد لله أنا تمام وهو مبسوط جدًا وإحنا أصحاب.

وتابعت هنا الزاهد: فيه ناس بتبقى متضايقة، والحياة قصيرة جدًا لازم تشوفي حياتك، ولو عايزة أي حاجة هكلمه ولو هو عايز أي حاجة هيكلمني وإحنا أصحاب في الآخر.

 

انفصال أحمد فهمي وهنا الزاهد

 

يذكر أن هنا الزاهد انفصلت عن أحمد فهمي رسميًا في شهر نوفمبر الماضي بعد زواج 4 سنوات، حيث كتبت على استورى حسابها بموقع إنستجرام: "الحمد لله تم الانفصال بينى وبين أحمد بعد 4 سنوات زواج وربنا يكتب لكل واحد فينا الخير".

وكشفت مصادر مقربة من أحمد فهمي وهنا الزاهد أن انفصالهما تم منذ 3 أشهر تقريبًا دون حدوث طلاق رسمي، حيث انتظر الثنائى إنهاء إجراءات الطلاق والتي تأخرت بسبب انشغالهما بتصوير أعمالهما الفنية، حيث كانت هنا تصور فيلم "فاصل من اللحظات اللذيذة" ومسلسل "إقامة جبرية"، بينما أحمد فهمى كان خارج القاهرة من أجل العمل على أكثر من مشروع سينمائي جديد.

وتزوج أحمد فهمى وهنا الزاهد عام 2019 بعد قصة حب قصيرة، وتعاونا فنيًا في أعمال "الواد سيد الشحات" الذي عرض في شهر رمضان 2019 وشارك في بطولته محمد عبد الرحمن "توتا" ومسرحية "جوازة معفرتة" التي تم عرضها بالسعودية، وفيلم "مستر إكس" الذي عرض مؤخرًا في السينمات، وكذلك مسلسل إذاعي.

المصدر: بوابة الفجر