فن إيناس النجار: «لو اتجوزت هتجوز مصري.. ومبحبش البخيل ولا المسهوك»

فن، إيناس النجار لو اتجوزت هتجوز مصري ومبحبش البخيل ولا المسهوك،تحدثت الفنانة إيناس النجار، عن الفرق بين الرجل المصري والرجل التونسي، مؤكدة أنها لا .،عبر صحافة مصر، حيث يهتم الكثير من الناس بمشاهدة ومتابعه الاخبار، وتصدر خبر إيناس النجار: «لو اتجوزت هتجوز مصري.. ومبحبش البخيل ولا المسهوك»، محركات البحث العالمية و نتابع معكم تفاصيل ومعلوماته كما وردت الينا والان إلى التفاصيل.

إيناس النجار: «لو اتجوزت هتجوز مصري.. ومبحبش البخيل...

تحدثت الفنانة إيناس النجار، عن الفرق بين الرجل المصري والرجل التونسي، مؤكدة أنها لا يمكنها أن ترتبط برجل بخيل خاصة وإذا كان بخيل في مشاعره.

وقالت إيناس النجار خلال حوارها مع الفنانة انتصار وبدرية طلبة ونوليا، في برنامجهم “من غير نفسنة” المذاع عبر شاشة قناة "هي": اللي معندوش ثقة في نفسه بلاش منه، والمستبد بلاش منه لأننا بنلاقي مستبدين كتير في حياتنا حتى العملية، والنرجسي بلاش منه، وبلاش من المسهوك لأن هيكون وراه مصائب ده تمثيل وبيكون عايز يوصل خاصة لو واحدة بتشتغل وناجحة، طيب وتستعجل ليه ما عني ما اتجوزت، تتجوز صح أو قاعدتها كده أحسن.

وتابعت إيناس النجار: ولكن في راجل طبيعي وكويس مش شرط يكون كريم الكرم الفظيع، ولكن أنا بشتغل وأنت بتشتغل واللي معانا يكفينا.

مبحبش الراجل اللي يخبي

وأضافت: أنا مبحبش الراجل اللي يخبي أنا مدياك عمري وحياتي وسني وسنين حياتي كلها، أنت تخبي عليا ليه؟ المفروض أن الحياة دي بنتقاسم فيها كل حياتنا الزوجية والمعيشية والمادية، لأن الست بتدي الراجل كل حاجة، مشكلتنا أننا عاطفين شوية.

وأكدت إيناس النجار، أنها لا يمكنها الارتباط برجل بخيل، قائلة: عمري ما قابلت راجل بخيل لأني كريمة جدًا، ومستحيل واحدة كريمة ترتبط بواحد بخيل، ولكن كل اللي شوفتهم كذابين، ومستحيل ارتبط براجل نكون قاعدين أنا وهو نشرب قهوة وأدفع لنفسي أو أدفعله أنا، وفي بني آدمين بيبقوا بخلاء في المشاعر ودي أوحش من بخل الفلوس.

الفرق بين الرجل المصري والتونسي

كما كشفت إيناس النجار، عن الفرق بين الرجل المصري، والتونسي، قائلة: عمري ما ارتبطت في تونس، وتقيمي للراجل التونسي على والدي، وأنا بشوفه أعظم أب وأعظم راجل في العالم الله يرحمه، أما الراجل المصري في رجالة كويسين أوي وبتفهم في الأصول وتعرف يعني إيه مسئولية بيت وعائلة وأنه مسئول عنك، ولكن ممكن يكون في ديفوهات زي ما في الرجالة التونسية ديفوهات، ولو حسبناها أكيد هتجوز من هنا راجل مصري، أنا كنت متجوزة مصري.

وأضافت: زمان كنت بحب الحياة ولكن كل حاجة كان ليها وقتها، وأكتر حاجة بضيع فيها فلوس لبسي، ولسة كنت مسافرة عملت شوبينج برقم خزعبلي، لو مكنتش صرفته كان زماني جبت بيه بيت.

جنسية إيناس النجار

كشفت الفنانة إيناس النجار عن جنسيتها للمرة أولى، موضحها أنها تحمل الجنسية التونسية وليست المصرية، بجانب حديثها عن تفاصيل بدايتها الفنية.

وقالت: بدأت تمثيل من بدري أوي وأنا صغيرة من سنة 2003 كنت طفلة كان عندي 13 سنة، وأول فيلم عملته مع انتصار كان عندي 16 سنة، أنا وهي كنا صغيرين.

وتابعت إيناس النجار، حديثها عن بدايتها الفنية قائلة: والدي الله يرحمه هو اللي كان بيشجعني على التمثيل، وبعدين أختي كانت بتدعمني، وموضوع التمثيل كله جه صدفة لأني كنت بعمل إعلانات، وبعدين دخلت في مسلسل العصيان، وبعدين اترشحت في فيلم ميدو مشاكل، كل حاجة جت صدفة مكنش في حاجة مترتبة.

وأضافت: أستاذ أحمد السبعاوي هو اللي اكتشفني، وبعدين أستاذ محمد النجار اشتغلت معاه فيلم ميدو مشاكل، وبعدين اشتغلت فيلم بحبك وأنا كمان، فقالي اسم إيناس عبد الناصر تقيل شوية والناس ممكن متفهمهوش، فأنا هكتب اسمك إيناس النجار وهنسبك بنتي فنيًا.

كما تحدثت إيناس النجار عن تفاصيل حياتها الشخصية، موضحة أنها تُقيم في مصر وتزوجت من رجل مصري، قائلة: عندي بيت حلو في تونس، ولكن بحلم بـ بيت في مصر لأني عايشة هنا ومستقرة من سنين كتير أوي، وناس كتير أوي بيقولولي لهجتك مصرية أوي، وأنا مقدمة على الجنسية المصرية وإن شاء الله هتيجي.

“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.

المصدر: صحافة العرب