منذ بداية الحرب كان الجيش في وضع الدفاع والجنجويد يهاجمون. الآن جاء الدور على الأوباش.
ظل الجيش يهاجم ويطحن الأوباش ويتقدم بثبات في أم درمان خلال الفترة الماضية دون أن نسمع بأي فزع أو امداد داخل إلى أم درمان.

– ماذا؟
هل تخلى عيال دقلو عن مرتزقتهم في أم ردمان وتركوهم لمصيرهم؟
يبدو أن ذلك ليس في أم ردمان وحدها، فالطاحونة انتقلت إلى بحري اليوم منذ الفجر.


ماذا استفادت المليشيا من اجتياح ولاية الجزيرة وتهديد سنار والقضارف؟

لا شيء سوى إشعال المقاومة الشعبية ضدها في كل السودان. وها هي الآن تُسحق في معركة العاصمة.

لقاء الكباشي بعدالرحيم دقلو، إن صح، هل أدى لتوقف طاحونة الجيش عن سحق الأوباش؟
– لأ.
طيب خلاص، شكراً.

حليم عباس

المصدر: موقع النيلين

إقرأ أيضاً:

عيال توتو اختاروا لورقتهم العاوزين يناقشوها عنوان: “تداعيات حرب السودان”!

على أيام سنوات الأفيون قابلني بوستر اعلاني لندوة. بعدين كاتبين تحت اسم مقدم الندوة كصفة تعريفية: “مهتم بالشأن السوداني”.

قلت بقلبي: ياخي خلاص يا اكوادوري أرجوك ما تهتم بشأننا تاني!
طيب.. تفتكروا بعد كدا ممكن يهمني محتوى ندوته؟ وهو سوداني وبعرّف نفسه ك”مهتم بالشأن السوداني”!
مستحيل طبعا
اها من شويه كمان قابلوني عيال توتو اختاروا لورقتهم العاوزين يناقشوها عنوان: “تداعيات حرب السودان”!

واللهو دا مفهوم عنوان ممكن تختاروا الأمم المتحدة أو جامعة الدول العربية، أو مثلًا الاتحاد الافريقي يختار يعقد جلسة دا عنوانها، أو عنوان مقالة علمية لباحث مصري أو جزائري..
أنا حقيقي بقيت ما فاهم؛ الناس دي بتلطّش ساي وما عندها مستشعرات أو أدنى حساسية لطبيعة المفردة. وقبلها اخضاع ذواتهم لتساؤلات مهمة زي: إنت منو؟ وبتتكلم عن منو؟ وياربي أنا قاصد بلدي ولا بتكلم عن بلد تانية غريبة عني؟
ولا يكون الواحد فينا بقى عمر احساس أكتر من اللازم. ما فاهم!

طب يا بانكيمونات يا حلوين بصدد نقاشكم عن “تداعيات حرب السودان”: هل ح تعربوا لينا عن قلقكم حيال الأحداث التي تدور في السودان؟ ولا ماف قلق بشأن المواطنيين السودانيين إن شاء الله؟

محمد أحمد عبد السلام

إنضم لقناة النيلين على واتساب

مقالات مشابهة

  • عيال توتو اختاروا لورقتهم العاوزين يناقشوها عنوان: “تداعيات حرب السودان”!
  • واشنطن تهدد السوداني.. ماذا نعرف عن المحتجزة الإسرائيلية في بغداد؟
  • الجيش بالطريقة دی حَيَعوِّق الدَّعامة، ياجماعة!!
  • العيلفون الأبية.. وأسطورة السيف والأمير!
  • دار أبي سفيان الآمن هو في طرد آل دقلو من بينكم
  • لماذا يدعم ناشطو الديمقراطية السودانيون الجيش الآن؟
  • «لعب عيال».. dmc تروج للحلقة 4 من «ساعته وتاريخه» قبل عرضها
  • لعب عيال.. تفاصيل الحلقة الرابعة من مسلسل ساعته وتاريخه 2
  • الجيش السوداني يستعيد مدينة المحيريبا وسط ولاية الجزيرة
  • الجيش السوداني يتقدم وسط الجزيرة وتأكيد مقتل قائد كبير بالدعم السريع