شوهني وأقسم بالله حقي راجع.. ريهام سعيد تنشر صور جديدة لتشوه وجها

تواصل الإعلامية ريهام سعيد نشر صور وفيديوهات تبرز تشوهه وجهها عبر موقع تبادل الصور والفيديوهات إنستجرام، ردا على مبررات طبيب التجميل الذي اتهمته فى تشويه وجهها.

وقالت الإعلامية ريهام سعيد فى منشور عبر إنستجرام: لن أرد على هذا الهذي، ولن أنجرف لحرب ليس بها أي جدوي، طريقي هو التقارير الطبية والقضاء.

ريهام سعيد عبر انستجرامأزمة ريهام سعيد

وأضافت: يا جماعة لما حد يسرب صوت لواحدة ها تعمل له إعلان لو النتيجة كويسة، ده يقلل مني ولا من اللي محتاج إعلانات؟ وده إيه دخله في إنه شوهني؟ وهو فيه دكتور يسرب صوت المريضة؟ فين نقابة الأطباء اللبنانية؟ أقسم بالله العظيم حقي راجع.

تشوه وجه ريهام سعيد

جاء ذلك بعدما تسبب الطبيب في تشوه الإعلامية، حسب مزاعمها؛ بنشر تسريب صوتي لها عبر إستورى إنستجرام، يخبر المتابعين بأنها أتت إليه مشوهة، معلقًا: التشوه موجود من قبل العملية.

وكانت ريهام سعيد اثارت حالة الجدل الواسعة منذ أيام، ذلك بعدما خرج طبيب التجميل نادر صعب عن صمته، ليرد على اتهامها له بتشويه وجهها بعد خضوعها لعملية جراحية مؤخرا في المستشفى الخاص به في بيروت، للتبادل الاتهامات بينهن ويخرج كل منهما ليرد على الآخر، وما زال تبادل الاتهامات مستمرا.

وردت الإعلامية ريهام سعيد على تعليق الطبيب موضحة أن «العملية فشلت وحدثت مضاعفات وتشوهات في وجهها بسبب الطبيب المعالج».

وقالت ريهام سعيد في مقطع فيديو شاركته عبر موقع فيسبوك: “حقيقي أنا مستفزة جدا من الناس اللي بتكلمني بتقوللي علقي.. أعلق على إيه ولا إيه.. على اللي حصل في وشي.. العيب اللي عملت عشانة العملية لسه موجود، بس زيادة عن ده طلع كرمشة على وشي وخطوط غريبة جنب عيني”.

وأضافت: "أنا عايزة بس أقول حاجة بسيطة جدا للناس، أنا حقي هاخده بالقانون من الدكتور.. أنا عيني باظت.. وعيني اللي بتلف لوحدها دي عندي بيها مستندات، شوفتوا وشي بقى عامل إزاي.. شوفتوا عمليات التجميل حلوة إزاي.. ضحكتي بقت من هنا لهنا، أنا مش عارفة إزاي.. إنت (الطبيب) بتتكلم ولا بترد إزاي".

 

واستطردت: "نزل فيديوهات زي ما أنت عايز، وأنا عشان ست محترمة لحد دلوقتي مش عايزة أرد.. أنا بتكلم بس عشان هو منزل صورة بشكلي قبل وبعد العملية.. ليه مش عارفة.. أنا مجبتش سيرتك، إزاي بتقول هترفع قضية.. إنت اللي ترفع ولا أنا؟".

 

وكانت ريهام سعيد قالت خلال الساعات الماضية إنها لأول مرة تظهر في لايف عبر «إنستجرام" دون فلتر أو ميكاج، والسبب أنها تريد إخبار الجمهور بما حدث لها في عملية التجميل الفاشلة، مشيرة إلى أنها تعالج نتيجة هذه العملية منذ 3 أشهر.

 

وأضافت ريهام سعيد في بث مباشر عبر "إنستجرام" موجهة رسالة لجمهورها: “هل هذا شكلي؟ هل هذا شكل ريهام سعيد؟ الدكتور بعد ما العملية باظت عمل فيلر في وشي على الحفر اللي ظهرت بعد العملية الفاشلة في وشي بعد ما بوظلي شكلي، وعملي خطوط زي الشيطان، وأجرى لي خياطة تحت العين وهذه جريمة، وحاجبي زي الشيطان عشان كده عملت تاتوه ومسحت الحاجب وعدلته”.

 

المصدر: بوابة الوفد