منى زكي لـ«أسرار النجوم»: فيلم «رحلة 404» يتناول فلسفة الذنب والغفران وهاني خليفة مخرج كبير
تاريخ النشر: 26th, January 2024 GMT
تحدثت الفنانة منى زكي عن فيلمها الأحدث في دور العرض وهو فيلم «رحلة 404»، وذلك خلال مداخلة هاتفية لبرنامج «أسرار النجوم» مع إنجي علي عبر إذاعة «نجوم إف.إم».
وقالت منى زكي عن مخرج العمل هاني خليفة: «مخرج كبير جدا وبحبه أوي عالمستوى الإنساني والفني وبيركز في التفاصيل والنتيجة اللي طالعة دي هي رؤية هاني في الدور والفيلم، صحيح كان معانا ورق مكتوب حلو أوي لمحمد رجاء لكن هاني خليفة له رؤية مميزة وتدخله في أدائنا كممثلين هو اللي طلع الشحنة القوية دي وأنا بحبه وأتمنى ما يقعدش في البيت والوسط بيفتقده».
وعن رأي زوجها الفنان أحمد حلمي في العمل، قالت: «حلمي مبسوط من الفيلم جدا ومبسوط بيه ومعجب جدا وهو راجل محترم، وهو من أول ما اتجوزنا بيساند وبيفهم يعني إيه المرأة بتكون متضايقة من حاجة وهو بيحب ينصر المرأة بشكل عام، والطريقة اللي بيتعامل بيها مع مامته وأخته بيبين احترامه».
كما تحدثت عن الفلسفة وراء فكرة الفيلم، وقالت: «ربنا الأعظم مننا كلنا بيغفر فالمفروض الناس كمان لا تحكم عليكي ولا تصدر أحكام يعني أنا دي وجهة نظري والفلسفة اللي ورا الفيلم فكرة الذنب وإحساس الشخص بالذنب وتساؤلاته جواه هل هيتغفر له ولا لا، فدي الفلسفة ورا حدوتة الفيلم اللي متقدمة.. وأنا في الحقيقة طبعا بغفر وأكيد بتمنى أي حد غلطت في حقه يغفر لي، وأنا مع إني أغفر ويتغفر لي».
وعن التأجيلات التي شهدها الفيلم على مدار السنوات الماضية، قالت: «أكيد كنت قلقانة القلق الطبيعي والقصة عندي من 2013 وإحنا ابتدينا نصور من 3 سنين وخلصناه على طول، بس ما كنتش متوترة لكن كان نفسي الفيلم يفضل على مستواه ورغم اللي حصل فضل على مستواه».
المصدر: بوابة الفجر
كلمات دلالية: مني زكي آخر أعمال منى زكي برنامج أسرار النجوم فيلم رحلة 404 انجى على
إقرأ أيضاً:
حنان تطلب الخلع.. زوجي بيسرق ملابس بنت خالتي من الحمام
حنان سيدة ثلاثينة تقدمت إلى محكمة الأسرة بدعوى خلع من زوجها بسبب موقف بشع تعرضت له في منزل خالتها، حيث قام زوجها بسرقة ملابس ابنة خالتها الخاصة من الحمام، وهو ما جعلها في موقف محرج مع ابنة خالتها، وبمواجهته قرر أنه لا يعلم شيء عن الواقعة.
سردت حنان قصتها عن زوجها أمام محكمة الأسرة في الكيت كات لـ صدى البلد، وقالت أنها تبلغ من العمر 33 عاما وأن زوجها شخص متصابى يقوم بحركات صبيانية منذ أن تزوجته قبل 4 سنوات، حيث شاهدت على هاتقه مقاطع فيديو خارجة وأخبرها حينها أنه فيرس أصاب الهاتف، ثم عثرت على محادثات له مع قاصرات على الهاتف وبعد مرور 4 سنوات قررت الانفصال عنه إلا أنه رفض ذلك فقررت التقدم بدعوى خلع منه.
قالت حنان عن قصتها مع زوجها «وأنا عندي 28 سنة اتقدم محمود لأسرتي عشان يتجوزني، وهو كان ساكن في العمارة اللي قدامنا ووالدته كانت صاحبة والدتي، واتخطبت ل محمود فترة 9 شهور وبعدها اتحدد ميعاد الجواز، واتجوزته وكانت الأمور كويسة وطبيعية في أول شهور لحد ما عدى سنتين على جوازنا وبعدها بدأت المشاكل، ساعتها كانت أول مرة أشوف حركات جوزي اللي مش طبيعية وأنه لسه عيل عنده 19 سنة.
وتابعت حنان، في الوقت ده وبعد مرور سنتين على الجواز كنت ماسكة تليفونه عادي ودوست على ارشيف المحادثات بالصدفة ولقيته مكلم بنات صغيرة وشوفت واحدة فيهم باعتة له صورها الخاصة وشكلها كان باين أنها مكملتش 17 سنة وسألته واتخانقت معاه لكنه قالي ده كان زمان وأنا نسيت أمسح المحادثات دي ومسحها بسرعة قبل ما أتأكد من التاريخ بتاعها، وأعرف هي قديمة ولا جديدة، لكن كان في حاجة جوايا اتكسرت.
وأضافت حنان بعدها كانت مشكلة تانية بيني وبينه لما شوفت صور على تليفونه وفي المرة دي حصل خناقة كبيرة وروحت بيت أهلي وجه صالحني بعد قصص كتير وحوارات بيني وبينه، وقولت خلاص اسامحه، لكن في المرة الأخيرة اللي حصل كان موقف محرج جدا ليا ومكنش ينفع أني اسكت عليه أو اعديه المرة دي والدنيا تمشي زي كل مرة.
واختتمت حنان قائلة «روحت بيت خالتي وكان معايا محمود وتاني يوم مشينا من عندها عادي، لكن لقيت بنت خالتي كلمتني قالتلي حنان كان في هدوم خاصة بيا في الحمام ولما دخلت ملقتهاش ودورت كويس وأنا فاكرة أنها كانت في الحمام، وأنا أول ما قالت شكيت على طول في محمود لأنه هو اللي ممكن يعمل كدة، واتخانقت معاه وقولت له أنت سرقت هدوم بنت خالتي النسائية من الحمام وقالي أنتي اتجننتي وبعدها طلبت الانفصال لكنه رفض وطلبت الخلع منه».
1.5% زيادة في إجمالي المساحة المنزرعة عام 2022 / 2023