حلمي عبد الباقي عن أغنية 3 ساعات متواصلة لـ روبي: أي حد عايز يبقى تريند بيبقى في منطقة الجدل
تاريخ النشر: 25th, January 2024 GMT
علق الفنان حلمي عبد الباقي وكيل أول نقابة المهن الموسيقية على الكلمات المستخدمة في المهرجانات الشعبية، موضحًا رأيه في أغنية روبي التي تحمل اسم 3 ساعات متواصلة التي أثارت جدلًا واسعًا خلال الفترة الماضية.
وقال حلمي عبد الباقي مع الإعلامي هيثم بسّام في برنامج ورقة في ملف على قناة النهار: الموضوع قل عن البدايات في المهرجانات، والنقابة عملت تهذيب للقصة ديه وجبنا الناس وقولنالهم أنتوا بتملثوا الفن المصري، ولما بتخرج برا مصر بتمثل مصر؛ لأن الكلمة بشكل عام لما بتدخل بيتي بتاذيني وبتأذي مشاعر مراتي وأولادي.
وأضاف: بدايات الأولاد دول بجد كانت وحشة جدًا والألفاظ مباحة جدًا ومفيش رقابة ووجود السوشيال ميديا عطى فرصة لأي حد يقول اللي عايزه، وإحنا في جيل التسيعنات كنا بنحافظ على مشاعر الناس وعقليتهم، وكان فيه رقابة على الكلمات وبعدين بنسجل وبنبعته تاني بعد ما غنينا، وفي وجود السوشيال ميديا مبقاش فيه رقابة والمفروض كل إنسان عنده رقيب.
حلمي عبد الباقي يتحدث عن أغنية 3 ساعات متواصلةأما عن أغنية 3 ساعات متواصلة لـ روبي، أردف حلمي عبد الباقي: كلام روبي مش عادي بصرف النظر عن إني عضو مجلس نقابة، وإحنا كده بنتحايل على الأغنية لما نشوف الكلمات اللي بعدها، وأي حد عايز يبقى تريند فيبقى في منطقة الجدل، ومن وجهة نظري الشخصية ده بيحصل قصد إن دلوقتي معروف ومعلوم وأي حد في منطقة الجدل تاني يوم بيبقى تريند.
واستطرد حلمي عبد الباقي: إحنا خرجنا عن المسار ولكن مش مطلوب إننا نطلع نغني تراث والمفروض نغني تطور المزيكا والكلمة ومش مطلوب مني أجرّح في حد ولا مطلوب من أي مطرب أو مطربة تطلع تغني تراث ولكن تحترم عقلية المشاهد أو المستمع، وكل شيء اتغير مش الفن بس وكل حاجات زمان شبه مبقيتش موجودة دلوقتي، وده برجع لانتشار السوشيال ميديا بشكل فظيع.
الجدير بالذكر أن الإعلامي هيثم بسّام يقدم برنامج ورقة في ملف عبر شاشة قناة النهار، ويتذاع البرنامج يوم الخميس من كل أسبوع في تمام الساعة الرابعة عصرًا.
المصدر: بوابة الفجر
كلمات دلالية: الفنان حلمي عبد الباقي أغنية 3 ساعات متواصلة المهرجانات الشعبية مجلس نقابة حلمی عبد الباقی ساعات متواصلة
إقرأ أيضاً:
أغنية ماشيين لتامر عاشور ومدين تتصدر تريند يوتيوب
حققت أغنية "ماشيين"، التي أبدع في غنائها الفنان تامر عاشور ولحنها الملحن مدين، نجاحًا ملفتًا في فترة قصيرة، وتصدرت تريند موقع الڤيديوهات يوتيوب، وحصدت إشادات واسعة من الجمهور والنقاد على حد سواء.
الأغنية ضمن أغاني ألبومه الجديد "ياه"، لاقت تفاعلًا واسعًا بين الجمهور، الذي أبدع في عمل فيديوهات مميزة باستخدام الأغنية، ما زاد من انتشارها وشعبيتها، وقاموا بغنائها عبر هاشتاج "غني_ألحان_مدين" تعبيرًا عن إعجابهم بالألحان المميزة التي قدمها مدين في الأغنية، ليصبح الهاشتاج ضمن الأكثر تداولًا على منصات التواصل الاجتماعي.
الجدير بالذكر أن هذا النجاح يضاف إلى سلسلة من الأعمال الناجحة التي جمعت بين تامر عاشور ومدين وهم" هقدر، ماكملناش، وقت الوداع، كرهيني فيكي، سنين عيشناها، خلصانة الحكاية، حبيبي أنت حبيبي، احنا الدنيا".
جنين ومخيمها.. سماع دوي انفجار كبير بمخيم جنين