الرئيس السيسي: الحوار الوطني كان فرصة نتكلم في مواضيع كتيرة

قال الرئيس عبد الفتاح السيسى: «كنت بتكلم من شوية قبل ما ادخل مع الضيوف بقولهم انتوا عارفين يعنى إيه نخسر أكتر من 450 مليار دولار فى أحداث 2011 و2012 و2013، عارفين يعنى إيه نواجه الإرهاب ونتكلف اكتر من 120 مليار جنيه، هى الأمور دى إحنا دولة مش غنية ولا وحاجة مواردنا متستحملش صدمات زى دى ودولتنا متستحملش صدمات لأن معندناش موارد تهدر بالطريقة دي».

أضاف الرئيس السيسى، خلال احتفالية عيد الشرطة الـ 72: «لكن مكنش فيه خيار تاني لينا في مواجهة الإرهاب اللى قعدنا نخوض فيه 10 سنوات مكنش فيه سبيل إلا إحنا نواجهه والا البلد مكنتش تبقا مستقرة أبدا وكمان يبقا فيه اعتداء هنا وتخريب فى المحافظة دى زى ما كمان بيحصل قبل كده، لكن ده بفضل الله تحقق بإيه؟ تحقق بتضحيات، فيه فرق إن احنا نقراها وتضحيات الشهداء القوات المسلحة والشرطة وفئات أخرى من المجتمع فرق إن إحنا نقول متنسوش واحنا لسه بنكرم 4 من أسر الشهداء إن ده تمن كبير قوى بتدفعه مصر من أجل أمنها وسلامتها واستقرارها، طيب الأموال اللى بتنفق فى هذا الأمر هى ملهاش تأثير على اقتصادنا؟، شوفوا إحنا عندنا أزمة واحدة فى الاقتصاد ويمكن استغل الفرصة إن احنا فى الحوار الوطنى إللى اطلقناه من سنتين كان فرصة كويسة قوى إن احنا نتكلم فى مواضيع كتيرة جدا سياسية واقتصادية واجتماعية وأمنية يمكن، لكن إحنا بنتأكد إن إحنا هنطلق حوار تانى والحوار الوطنى لن يتوقف ومجلس الأمناء هيبقا مسؤول إنه يبقا مستمر علشان الحيوية اللى هو حققها خلال الفترة إللى تم فيها إجراء هذا الحوار».

الرئيس السيسي يشارك أعضاء المجلس الأعلى للشرطة في صورة تذكارية

شارك الرئيس عبد الفتاح السيسي، في صورة تذكارية مع الدكتور مصطفي مدبولي، رئيس مجلس الوزراء، واللواء محمود توفيق وزير الداخلية وأعضاء المجلس الأعلى للشرطة، فور وصوله لأكاديمية الشرطة حيث يشهد احتفالية وزارة الداخلية بعيد الشرطة، فيما نشرت الصفحة الرسمية لوزارة الداخلية صور بعنوان «قد المسؤولية» وأغاني وطنية عن الاحتفال.

اقرأ أيضاًالرئيس السيسي يشاهد عرضا فنيا باحتفالية عيد الشرطة عن تضحيات الأبطال

بدء احتفالية وزارة الداخلية بعيد الشرطة الـ 72 بحضور الرئيس السيسي

المصدر: الأسبوع