"أسلوبك مش حلو معايا".. ننشر أقوال ضحية الطعن في واقعة قتل صديقه لدفاعه عنه بإمبابة| خاص
تاريخ النشر: 23rd, January 2024 GMT
يتابع موقع "الفجر" نشر أقوال المجني عليه ضحية الشروع في قتل على يد شاب بإمبابة، حيث شهدت دائرة قسم إمبابة جريمة قتل بشعة بإقبال شخص يدعى محمد عربي على قتل شهيد الشهامة صلاح فتحي، والشروع في قتل صديقه عبدالله علي بعد نشوب مشادة كلامية بينهم خلال حضورهم عقيقة أحد أصدقاءهم.
وفي السطور التاليه نستكمل أقوال المجني عليه "عبدالله.
س: وما هي بادره التقائك بالمتهم محمد عربي ابراهيم حامد ؟
احنا كنا في العقيقه ورضا صاحبي شد مع واحد من اللي كانوا مع محمد عربي وهو الدخل وانا اتدخلت وشدينا
مع بعض
س: وهل تطورت تلك المشاده إلى مشاجره ؟
لا لان حماده صاحب العقيقة تدخل وخلص المشكلة
س: وهل كان برفقة المتهم سالف الذكر اشخاص اخرين ؟
أيوة كان معاه خمس أشخاص تانيين معرفش منهم غير واحد اسمه وسام ابو النجا ومعرفش اسمه بالكامل
س: وما الذي بدر منكم جميعا عقب انتهاء المشاده ؟
انا والناس اللي معايا قعدنا علي ترابيزتنا ومحمد عربي والناس اللي معاه قعدوا شويه وبعد كده مشيوا ركبوا عربيه
معرفش ارقامها ولا نوعها.
س: وما الذي بدر منك ومن برفقتك حينها ؟
رضا صاحبنا لما شاف محمد عربي واللي معاه ماشين معانا دا نشوفه عايز مننا ايه
س: هل تتبعتم المتهم ومن برفقته انذاك ؟
ايوة انا وصلاح ركبنا الموتوسيكل بتاع رضا وصلاح اللي كان سابق ورضا ومحمد خلف ومصطفى غلامه كانوا راكبين موتوسيكل ثاني وسامي شارون كان راكب موتوسيكل ثاني لوحده ومشينا وراهم.
س: وما هو الطريق الذي سلكه المتهم ومن برفقته وتتبعتموهم من خلاله ؟
هما طلعوا من شارع ٣٤ اللي كان فيه العقيقة لشارع الاعتماد الشارع امتداد الوحدة وبعدها طلعنا على شارع الوحده نفسه وبعدها هما دخلوا شارع الغيط واحنا وقفنا عند محل اسمه جوري الشام قابلنا واحد صاحبنا اسمه عوض وقفنا سالنا رايحين فين قولنالوا اللي حصل فاركب معايا انا وصلاح ودخلنا كلنا شارع الغيط.
س: وهل تقابلتم مع المتهم ومن برفقته حينها ؟
لا احنا لقيناهم وصلوا لحد نص شارع الغيط وساعتها رضا ومحمد خلف كملوا وراهم وانا وصلاح وسامي ومصطفي وحسن رجعنا ثاني عند محل جوري الشام
س: وما الذي دعاكم للرجوع وعدم التوجهه لمكان تواجد المتهم ومن برفقته ؟
هو ساعتها حسن قال لرضا يروح هو يتكلم مع الواد اللي شد معاه واحنا هالستناه عند المحل.
س: وما هي مواصفات المتهم والحاله التي ابصرته عليها حينها ؟
هو ضخم وعريض واصلع وكان لابس چاكت فرو برو لونه جملي وحاطت ايديه في جيوبه وكان هادي ما بينش عليه
س:هل من شده حوار دار بينك وبينه ؟
هو جه عليا قالي عايز اتكلم معاك وانا اتمشيت معاه لحد ناصية الشارع، ولقيته بيقولي انت كنت بتكلم معايا كده ليه وانا رديت عليه وقولتله انت اللي عايز منى ايه، لقيته بيقولي انا عايز منك دم ومره واحدة لقيته مطلع مطواه وضربني بها
س: ما هي كيفية قيام المتهم بالتعدي عليك بالضرب ؟
هو مرة واحدة طلع مطواه قرن غزال من جيبه اليمين وضربني في وشي منا الناحية اليمين وبعد كده راح ضاربنی في دراعي اليمين وبعد كده صلاح الله يرحمه جري عليه وضربوا بالبونيه في وشه، وساعتها محمد راح ضارب صلاح بالمطواه في صدره تقريبا، وانا بصيت على صلاح لقيته بيقع من طوله على الأرض ومحمد جالي تاني وقالي انا عايزك انت وراح ضاربني في بطني
س: كم عدد الضربات التي كالها لك المتهم ؟
٥ ضربات
س: این استقرت لك الضربات ؟
ضربتين في وشي من الناحية اليمين وضربه في دراعي اليمين وضربتين في بطني.
س: وما هي الاصابات التي لحقت بك ؟
انا متعور في وشي وبطني ودراعي
س: وهل استخدم المتهم أي اسلحه في التعدي عليك ليك بالضرب ؟
المطواه اللي كانت معاه
س: وما هو وصف ذلك السلاح الأبيض؟
هي مطواه قرن غزال عاديه جدا
س: ذكرت انك كنت تسير رفاقه المتهم وفوجئت به يقوم بالتعدي عليك بالضرب باستخدام السلاح الأبيض، فالم
تحاول مقاومته أو مفاداته؟
هو غفلني وضربني مرة واحده وهو بيكلمني وانا مكنتش مدي خوانه حتي المطواة اللي كانت معاه طلعها من جيبه مفتوحه وماكنش فيه فرصه اني اقاوم
س: وما هي وجهته تجاه المتهم حال تعديه عليك بالضرب ؟
هو كان ماشي جمبي علي اليمين ولما ضربني كان واقف قدامي بزاوية
س: وهل ابصرت قيام المتهم بالتعدي علي المتوفي إلى رحمه مولاه / صلاح فتحي نصر ؟
ايوه
س: ما هي كيفيه ذلك ؟
هو صلاح لما شاف محمد بيضرني جري على محمد وضربوا بالبونيه في وشه وساعتها محمد ضرب صلاح بالمطواه في صدره تقريبا وقعه على الأرض وصلاح ما قمش تاني
س: وما هو السلاح المستخدم في التعدي علي المتوفي إلى رحمه مولاه / صلاح فتحي نصر ؟
نفس المطواه اللي محمد ضربني بيها
س: وكم عدد الضربات التي كالها إلى المتوفي إلى رحمه مولاه سالف الذكر ؟
ضربه واحده بالمطواه
س: وأين استقرت تلك الضربة ؟
في صدره تقريبا
س: وما هو سبب قيام المتهم بالتعدي عليك بالضرب ؟
علشان لما شدينا مع بعض في العقيقة
سى وهل كان يعلم المتهم بمكان تواجدك؟
انا معرفش بس اكيد ان لما رضا ومحمد خلف راحولهم اتكلموا مع بعض وعرفوا ان احنا واقفين على ناصية الشارع قدام محل جوري الشام
س: وما هو قصد المتهم من التعدي عليك بالضرب ؟
هو اكيد قصده يموتني
س: وما سبب قيام المتهم بالتعدي علي المتوفي إلى رحمه مولاه / صلاح فتحي نصر ؟
علشان صلاح جري عليه لما شافه بيضربني وضربه باليونيه في وشه
س: وهل علم المتهم بوفاه المتوفي إلى رحمه مولاه في الحال إلى تعديه عليه بالضرب ؟
معرفش بس هو بعد ما ضربني في بطني في حد من اللي واقفين قال ان الواد مات وساعتها هو طلع يجري
كشفت التحريات قيام المتهم "محمد.ع" بقتل الشاب "صلاح" وإصابة صديقه بسبب خلافات بينهم، حيث طلب منه المتهم الحضور معه لحل المشكلة.
لكن تفاجأ صديق المجني عليه بقيام المتهم بالتعدي على صديقه، امامه فقرر التدخل لانقاذه ولكن تفاجأ بتسديد المتهم له 4 طعنات نافذة بالبطن والرئة ادوا لوفاته في الحال.
المصدر: بوابة الفجر
كلمات دلالية: امبابة قتل صديقه محمد عربی صلاح فتحی اللی کان وما هو وما هی
إقرأ أيضاً:
محمد رمضان يطرح أغنية «بمزاجي»
طرح محمد رمضان أغنية جديدة، تحمل اسم «بمزاجي»، عبر عدد من منصات الأغاني المُختلفة بجانب يوتيوب ميوزك.
ونشر رمضان تدوينة على «إنستجرام» أعلن فيها عن الأغنية، وقال فيه: «فين اللي كان بيطبطب.. على قلبي يجي ويرطب، تعلّي لما أهبّط.. أخس هي تربرب، بمزاجي، ثقة في الله نجاح».
وتقول كلمات أغنية «بمزاجي»:
أولها بس بحبك
عقلك سابق سنك
لا ومفيش منك
حبيتها مش هتحبك
قبله زي اللي قبله
عدوا زي اللي عدوا
أحمد زي عبده
عبده قلبه وجعه
اللي بينا خوديه
بس قلبي انسيه
مفيش منه مفيش تاني
مفيش منه مفيش
زن زن في دماغي
اللي يطلع من لساني
أنا مش بعيده تاني
كله كله بمزاجي
مين اللي كان بيطبطب
على قلبي ييجي ويرطب
تعلي لما أهبط
أخس هي تربرب
شياطين الإنس اتجمعوا
يشوفوكي جنبي يولعوا
مهما يحاولوا يوقعوا
حبيبي هفضل أدلعه
أيوة أنا ابن حلال
بقدر الجمال
ماليش في الشمال
حتى اسألي دلال
بعد بكرة أنا هاجي
أو بعد سنتين عادي
معاها أو معاكي
ما أنا أصلا بمزاجي
اللي بينا خوديه
بس قلبي انسيه
مفيش منه مفيش تاني
مفيش منه مفيش
زن زن في دماغي
اللي يطلع من لساني
أنا مش بعيده تاني
كله كله بمزاجي
View this post on Instagram
A post shared by Mohamed Ramadan (@mohamedramadanws)
وطرح مؤخرًا الفنان محمد رمضان، أحدث أغانيه والتي تحمل اسم «مفيش كده»، بمناسبة موسم عيد الأضحى المبارك، وتُعد أولى أغانيه لموسم الصيف، وهي أغنية من كلمات وألحان أحمد الديزل.
وقرر رمضان مؤخرًا عدم المشاركة في الموسم الرمضاني المُقبل، 2025، وذلك بعد غيابة في 2024، حيث كان آخر مسلسل له هو مسلسل جعفر العمدة، الذي قدمه في 2023 بمشاركة عدد كبير من الفنانين من بينهم هالة صدقي ومنذر رياحنة وزينة وإيمان العاصي ومنة فضالي وأحمد فهيم وجوري بكر وعدد آخر من الفنانين، ومن تأليف وإخراج محمد سامي وإنتاج سعدي جوهر.
البث المباشر لمشاهدة مباراة البرتغال وفرنسا يلا شوت اليوم في ربع نهائي يورو 2024