أحمد فهيم: «اشتغلت حلواني قبل ما أدخل التمثيل»
تاريخ النشر: 18th, July 2023 GMT
تحدث الفنان أحمد فهيم عن الفنان الراحل خالد صالح، موضحًا صلة القرابة بينهم، وأنه أكتسب منه العديد من المهارات التمثيلية، كاشفًا عن المهن التي امتهنها قبل مهنة التمثيل، بجانب حديثه عن عائلته.
أخبار متعلقة
أحمد فهيم أول الحضور في حفل توزيع جوائز «كأس إنرجي»
أحمد فهيم وتامر فرج وبسنت حاتم أبرز المنضمين لحكاية «آخر نفس»
أحمد فهيم يكشف مفاجأة عن مشهد ضرب محمد رمضان بالخطأ في جعفر العمدة (فيديو)
وقال فهيم خلال لقائه مع المذيعة نورهان عبدالفتاح ببرنامج زووم ونص، المذاع عبر شاشة قناة هي، إن المرحوم خالد صالح كان خالي وأخويا الكبير وصاحبي وكل حاجة في حياتي، واشتغلت معاه 15 سنة بداية من فيلم خلي الدماغ صاحي والنعامة والطاووس وميدو مشاكل، وهي فوضى، رحلة كبيرة اتعلمت منه كل حاجة مش في التمثيل بس في الحياة كمان، لو فيا حاجة حلوة تبقى من المرحوم خالد صالح.
وتابع: «لما قولتله إني عايز أمثل قالي مفيش حاجة اسمها عايز تمثل، ينفع تقول أنا عايز أبقى دكتور أو محامي؟ التمثيل مهنة زيها زي الدكتور والمحامي لازم تتعلم الأول وبعدين تقول أنا عايز أمثل، أتعلم الأول واتمن من أدواتك وبعدين نقول أنك ينفع تمثل، وبالفعل فضلت 10 سنين بتعلم وبتفرج، يارب أكون اتعلمن وأكون قادر أقدم للناس حاجة تليق بيهم».
أما عن المهن التي امتهنها قبل امتهانه مهنة التمثيل، فعلق أحمد فهيم، قائلًا: أنا اشتغلت في الحلويات زمان وحاجات كتير مش حلويات بس، اشتغلت مندوب مبيعات، وفي معرض عربيات، بس ولا حاجة اشتغلتها وكنت ناوي أكمل فيها، أنا كنت ناوي أبقى ممثل ومستني الفرصة، وكل اللي كنت بشتغله كنت بتعلم منه اللي فادني في التمثيل.
وعن علاقته الأسرية بـ أولاده، فقال أحمد فهيم: أنا مش طول الوقت مع أولادي بحكم شغلي، وبحاول على قد ما أقدر لما يكون في وقت فاضي أشوفهم وأسافر معاهم، والحمد لله أولادي متفهمين طبيعية شغلي، وطبعًا جدًا فرحانين بنجاحي وأصحابهم اللي مكانوش بيكلموهم من زمان يكلموهم تاني، وبقى عدهم حالة من الفرحة وأنا مبسوط إني سبب في سعادتهم، وأولادي الصغيرين لما بيمشوا معايا ويشوفوا الناس بتتصور ومعايا بقوا هما كمان يقفوا معايا يتصوروا، الحمد لله عايش حالة فنية وأسرية ناجحة.
وأضاف: أنا مش أب شديد خالص أنا سهل وكل اللي يهمني إني ابسطهم ونفسي أحقق لهم كل اللي بيتمنوه، ولغاية دلوقتي محدش منهم فكر إنه يدخل الوسط الفني، وربنا يوفقهم في أي مجال يختاروه.
أحمد فهيم الفنان أحمد فهيم تصريحات أحمد فهيم أحمد فهيم في مسلسل جعفر العمدة أحمد فهيم وخالد صالح الفنان خالد صالح
المصدر: المصري اليوم
كلمات دلالية: شكاوى المواطنين أحمد فهيم أحمد فهیم
إقرأ أيضاً:
بعد تصدر مسلسل سيد الناس التريند.. عمرو سعد يعلق: اللي جاي منتهي القوة
تصدر مسلسل سيد الناس بطولة النجم عمرو سعد وإخراج محمد سامي تريند الأعلى بحثا عبر محرك البحث جوجل وموقع التواصل الاجتماعي فيس بوك وموقع اكس.
وأعرب الفنان عمرو سعد عن سعادته من ردود الأفعال حول الحلقة الأولى من مسلسل "سيد الناس"والذي عرض عبر قناة mbc مصر ومنصة شاهد.
وأضاف عمرو سعد عبر "فيس بوك":"لله الحمد واللي جاي منتهي القوة إن شاء الله وشكرا محمد سامي وكل نجوم سيد الناس وشكرا انور الصباح وعلي حسن وكل من امام وخلف كاميرات ملحمة سيدالناس".
ابطال مسلسل سيد الناس:
مسلسل سيد الناس من بطولة عمرو سعد، الهام شاهين ، سلوي عثمان ، ريم مصطفى، أحمد زاهر، أحمد رزق، إنجي المقدم، خالد الصاوي، منة فضالي، نشوى مصطفى، رنا رئيس، ملك أحمد زاهر، أحمد فهيم، محمود قابيل، سلوى عثمان، طارق النهري، ياسين السقا، إنجي كيوات، ساندي علي، أسما سليمان، علياء صبحى والعمل من إخراج وقصة محمد سامي ومن كتابة ورشة قلم .
قنوات عرض مسلسل سيد الناس:
يعرض مسلسل سيد الناس علي عدد من القنوات الفضائية ومنها قناة mbc مصر وقناة mbc مصر دراما وقناة mbc العامة وقناة mbc العراق ، بالإضافة الي منصة شاهد الالكترونية .
فريدة سيف النصر: الست لو عدت الـ 60 سنة من حقها تقلع الحجاب شرعًا