ديوانية الجديان ملتقى لاهل السودان في الكويت
تاريخ النشر: 21st, January 2024 GMT
مع بداية الحرب في السودان بين الجيش السوداني و مليشيا آل دقلو اشتغلت مجموعات شيطانية على وتر القبلية و الجهوية بهدف تفكيك وحدة السودان و ظهرت بوادر إنقسامات و خلافات داخل المجتمع السوداني بسبب دعوات و آراء قِلة من الدهماء و الرجرجة و كان ممكن تفتك فعلا” بوحدة السودان و المجتمع .. و الظاهرة دي امتدت و وصلت للجاليات السودانية في دول المهجر لانو الارض في المهجر خصبة جدا” بسبب وجود جمعيات و نوادي جهوية و قبلية كتيرة .
حكاية جمعية اولاد منطقة كذا و نادي قبيلة كذا في دول المهجر حاجة جميلة و هدفها الاساسي نبيل جدا لكن مع بداية الحرب في السودان اصبحت الجمعيات و النوادي دي بتعتبر قنبلة موقوته ممكن تهدد وحدة السودان و نسيجه المجتمعي .. الحاجة دي من زمان كانت شاغلة بالي جدا و كنت دائما” بفكر في حلول اخرى تكون فاعليتها كبيرة .
بعد الحرب بي تلاته شهور قررنا نحن مجموعة ما بتتعدى اصابع اليد إنو نخلق نادي مختلف داخل الجالية السودانية .. نادي يجمعنا كلنا بمختلف الوانا و مناطقنا .. قررنا إنو ندفن حكاية جمعية اولاد بحري و اولاد كسلا و اولاد المحس و اولاد المسيرية ..
فقمنا استأجرنا شقة داخل الكويت عشان تكون نادي ثقافي و اجتماعي لأبناء السودان لاننا ما بنعرف غير إننا سودانيين و كفى .. كانت اكبر مشكلة واجهتنا هي اسم النادي لحدي ما ربنا الهمني بي أسم ( ديوانية الجديان ) و الحمد لله تم افتتاحها قبل خمسة شهور و ظلت متنفس و ملتقى لأبناء السودان بمختلف الوانهم السياسية و قبائلهم و مناطقهم .. كلنا كنا تحت راية ( الله و الوطن ) و من بداية التأسيس واجهتنا مشاكل كتيرة جدا” كان ممكن تفرتق التجمع ده و تنتهي منه تماما” لكن سبحان الله كل ما نقول خلاص ح تتفرتق بنلقى إنها باقية و تتمدد غصبا” عن كل خائن و فاجر و عنصري حاول يفرتقها بالفتنة او بالإشاعة و ح تظل باذن الله و بإرادة مؤسسيها باقية و مثال يحتذى به مستقبلا في كل الدول الفيها شعب السودان الواحد .
حتظل ديوانية الجديان ملتقى لاهل السودان في الكويت و ملجاء لكل سوداني باذن الله تعالى تحت شعار ( الله و الوطن ) و تحت ظلال صقر الجديان رمز السيادة و العزة و الشجاعة و القوة .. ح تظل تجمع السودانيين داخل الكويت و تدعم اهلنا و قواتنا السودانية المسلحة .
نزار العقيلي
المصدر: موقع النيلين
إقرأ أيضاً:
البعض يتحدث عن وقف الحرب في السودان وكأنه يريد أن يقول (..)
البعض يتحدث عن وقف الحرب في السودان وكأنه يريد أن يقول للقوات المسلحة قفي عند هذا الحد واتركي دارفور وكردفان للمليشيا وحلفائها يبرطعوا وبعلنوا دولتهم الموازية ومن ثم الانقضاض علي العاصمة وولايات الوسط من جديد .
من يقول هذا القول إن كان من الأشقاء والأصدقاء فهم لا يرضونه لأنفسهم بالدليل … اذا تعدت المقاومة الفلسطينية شبرا في نفق ارضي في رفح لا يسمحون لها بذلك .
اما ان كان ذلك من جماعات صمود وبرمة ناصر وخالد سلك فإن الرد عليهم سيكون بل بس .
حسن محمد صالح .
إنضم لقناة النيلين على واتساب
الشروط الإضافية وراء الأزمة الكبرى بين الزمالك وزيزو