شاهد بالصور.. الحسناء السودانية تسابيح دياب تودع مسابقة ملكة جمال العالم بعد إحرازها مركز متقدم (مشوار بديت احضر ليه لمده ٨ شهور عشان اقدر امثل بلدي ودام عزك ياسودان يابلد الناس الطيبة والبنات القوية وارجل رجال الدنيا)
تاريخ النشر: 20th, January 2024 GMT
كتبت الحسناء السودانية تسابيح دياب, التي رشحت نفسها ضمن حسناوات العالم للمشاركة في مسابقة ملكة جمال العالم, عن مشوارها الطويل في المسابقة.
وبحسب رصد ومتابعة محرر موقع النيلين فقد أحرزت تسابيح, في مشاركتها الأولى مركز متقدم بدخولها ضمن أجمل 10 متسابقات في العالم.
ونشرت الحسناء السمراء صور من آخر عرض لها بالمسابقة وكتبت عليها قصة مشوار طويل في المسابقة العالمية.
وكتبت تسابيح في تدوينتها التي رصدها محرر موقع النيلين وتابعها الآلاف من متابعيها ومعجبيها عبر حسابها الرسمي:
وصلنا لاخر المشوار مشوار بديت احضر ليه لمده ٨ شهور عشان اقدر امثل بلدي السودان باحسن صوره ممكن والحمدلله بتوفيق ربنا ودعمكم قدرت احقق الحاجه دي قضيت ١٨ يوم مع @missglobalofficial كانت مليانه تجارب جديده وصعوبات ودروس ومرضت وتعبت وبكيت وفرحت وحسيت ب فخر ومشاعر كتيره بس كل مره كنت بحس نفسي م قادره بتشجع بيكم وكل مره كنت بحس نفسي اني م حقدر اكمل بتذكر الهدف بتاعي وسبب وجودي في المكان الانا فيه وبكمل. بالنسبه لي وصولي للنهائي واكون ضمن ال ١٠ الاواخر كان انجاز صح ما الانا كنت ساعيه ليه بس قدرت اوقف قدام لجنه التحكيم واتكلم عن نساءالسودان وعن الحاصل في البلد من اكتر من ٨شهور وده ف حد زاته رضا. وكده نكون سطرنا تاريخ جديد بدخول السودان لاول مره في تاريه مسابقه جمال عالميه وكوني جزء من التاريخ ده بالنسبه لي رضا وفخر دام عزك ياسودان يابلد الناس الطيبه والبنات القويه وارجل رجال الدنيا ولسه الجاي احلي. محمد عثمان _ الخرطوم النيلينالمصدر: موقع النيلين
إقرأ أيضاً:
شاهد بالفيديو.. الفنانة بلقيس تلبي طلب شاب سوداني وتغني له أشهر الأغنيات السودانية المتداولة في الوطن العربي
تداول رواد مواقع التواصل الاجتماعي بالسودان, والوطن العربي, مقطع فيديو من كواليس حفل أقيم بإحدى الدول العربية.
وبحسب رصد ومتابعة محرر موقع النيلين, فإن المقطع تم تصويره من كواليس الحفل الذي أحيته الفنانة اليمنية الأصل الإماراتية الجنسية بلقيس فتحي.
حيث ظهرت بلقيس, وهي تستعد للصعود للمسرح, لأداء حفلها الجماهيري ومحاطة بعدد من معجبيها ومرافقيها.
https://www.facebook.com/reel/1283222132823735
ووفقاً لما شاهد محرر موقع النيلين, فإن من ضمن المعجبين الذين ظهروا مع الفنانة الشهيرة, شاب سوداني طلب منها أن تغني له أغنية سودانية.
المطربة بلقيس, لبت طلب المعجب السوداني, وتغنت له خلف الكواليس بأغنية “الليلة بالليل نمشي شارع النيل”, والتي تعد من أكثر الأغنيات السودانية شهرة في الوطن العربي.
محمد عثمان _ الخرطوم
النيلين
إنضم لقناة النيلين على واتساب
عبد الواسع المطري.. قائد المنتخب الوطني يطارد فوزا تاريخيا في خليجي 26